Unknown's Diary

[! Unknown]

غدآ أمس كان باستا

8 ملاعق مكرونة " 290 س "

ملعقة جبنة بوك ياسلة " 90 س "

ملعقة صلصل " 18 س "

فليفلة خضرا " 24 س "

نص صدر دجاج مقلي مقطع " 80 س "

نص كاس حليب " 75 س "

= 657

العشآء :

دونآت بالسكر ، تقريبًا حوالي 300 وشوي

بس بعدين الله يهديني خربتهآ :eh_s(2): !

رحت أكلت 9 حبآت ورق عنب بكل تهور !

كل حبة حوالي 92 سعرة ، فصارت 828 سعرة فوق الحد المسموح !

اليوم انقهرت مرررة ، واضطريت اشيل 828 من سعرات اليوم عشان التوازن

واللي بجد ضحّكني من زود القهر !

إن اليوم هو اليوم السابع ، وزنت في بيت خآلتي

طلع وزني 81 ونص !

والله كنت شاكة بالـ 78 وحاسة فيه شي غلط لأنه مو معقول :eh_s(16):

بس يلا ماعليه ، راح أنزلهم إن شاء الله وأوصل بجد للـ 78 :eh_s(22):

للحين فيني همّة ومتفائلة وبكمل إن شاء الله :eh_s(17):

~

وزني الأول : 90 كغ
وزني الحالي : 81,6 كغ
طولي : 166 سم
كتلة جسمي : 29,4 " وزن زائد "
نقصت : 8 ونص كيلو حتى الآن " الحمدلله "
مقدار حاجتي من السعرات الحرارية : 2396 سعرة باليوم
آكل حوالي : 1396 سعرة حرآرية باليوم

تغييرات بسيطة وإن شاء الله رح أنقص الاسبوع الجاي بعد :eh_s(15):
بإذن الله مابيخلص الشهر إلا وأنا واصلة 78

 

[! Unknown]

ان شاء الله تنزلين من وزنج بصحه وعافيه يآرب ..

حآولي تبتعدين عن النشويات بقدر الاستطاعه .. او استبدليهم بالنخاله

يعني بدل الرز خليه رز اسمر لانه فوآئده الصحيه اكثر من الابيض والسعرات اقل

او اخذي خبز اسمر .. لان مو بس السعرات مهمه حتى نسبه الفات ! يعني مثلا تشوفين شي سعراته قليله بس لما تشوفين الفات يكون عاالي

اتمنى افدتك

الله يسسمع منك .. يآرب :eh_s(17):

اوووكي إن شاء الله

اووه :eh_s(10): ، مرة ماجا ع بالي نسبة الفات !

الله يسعدك .. راح آخذ هالشي بعين الاعتبار

ايه والله افدتيني كثير . . مشكورة :eh_s(15):

نورتي

 

[! Unknown]

متابعتج يا بطلة
ربي ينزل اوزاننا من غير شر يارب

شي يسعدني ويشرفني والله :eh_s(17):

آمين ياااارب

حياك الله

 

[reemonda]

السلام عليكم
حابة اشارك معاكم فى لقروب
ان شاء الله من يوم السبت ابدا نظام غدائى
ورياضة وبنزل يومياتى معاكم
واشتركت فى قروب رقصة الزومبا
وربى ما يضيعلنا تعب
اسمى ريم
وزنى 96
طولى 165
وربى يوفق الجميع

 

[! Unknown]

السلام عليكم
حابة اشارك معاكم فى لقروب
ان شاء الله من يوم السبت ابدا نظام غدائى
ورياضة وبنزل يومياتى معاكم
واشتركت فى قروب رقصة الزومبا
وربى ما يضيعلنا تعب
اسمى ريم
وزنى 96
طولى 165
وربى يوفق الجميع

وعليكم السلام ورحمة الله وبركاته

موفقة ياارب :eh_s(17):

وإن شاء الله تنزلي وزنك بصحة وعافية

حياكِ ربي .. نورتي

 

[! Unknown]

الايام اللي فاتت ماكنت أقدر أكتب شي باليوميآت للأسف :eh_s(2):

وما دوّنت اللي أكلته عندي _ _" !

لكني بقيت ع الرجيم وما خربته .. كل شي حسبت حسابه الحمدلله

ومرة فرحت ، صار واضح علي إني نحفانة مرة .. :eh_s(15):

واللي مخليني أكمل الرجيم ، تشجيع امي الله يحفظهآ :eh_s(17):

إن شاء الله رح أستمر إلين أوصل للي أبيه

~

اليوم المفروض أوزن بس حسآفة ما عندي ميزآن

وأمي ما داومت بسبب الأمطار .. فما قدرت اروح معها أقيس وزني = / !

يلا إن شاء الله في أقرب فرصة راح أوزن

المهم

الفطور :

شربت عصير افكادو طبيعي .. صراحةً ما أعرف كم سعرة حرارية فيه

ف اكتفيت به وحده كفطور لأني أحسه ثقيل :eh_s(10):

 

[F N O S H]

السلام عليكم ورحمة الله وبركآتُة
ماشاء الله عليكِ بالتوفيق وعسى ان شآء الله تكملين مشوآرك
الى ان توصلين للحد اللي تبينه .

 

[! Unknown]

السلام عليكم ورحمة الله وبركآتُة
ماشاء الله عليكِ بالتوفيق وعسى ان شآء الله تكملين مشوآرك
الى ان توصلين للحد اللي تبينه .

وعليكم السلام ورحمة الله وبركاته

للجميييع يارب ، إن شاء الله :eh_s(7):

نورتي ~

 

[! Unknown]

أمس غدآي وعشآي واحد !

أكلت قطعتين بروستد دجاج و 4 حبآت بطاطس ..

هَم دورت ع السعرات ما لقيت

لكني أخفف الكمية إذا ما عرفتها

ف اللي عندها علم ياليت تخبرني ..

أكلي كله دهون ==" ،

لأنو هاليومين ع طول طالعة مشاوير

و أنا أحب الأكل الدسم الله يهديني =="

يبيلي أنتبه أكثر !

المهم ، أمي اشترت لي ميزان أمس الحمدلله

و وزنت اليوم الصباح مرة فرحت

~

وزني الأول : 90 كغ
وزني الحالي : 79,6 كغ
طولي : 166 سم
كتلة جسمي : 28,7 " وزن زائد "
نقصت : 10 ونص كيلو حتى الآن " الحمدلله "
مقدار حاجتي من السعرات الحرارية : 2123 سعرة باليوم
آكل حوالي : 1123 سعرة حرآرية باليوم

 

[! Unknown]

بالنسبة للأكل اللي ما أعرف سعرآته ، ما أكثر منه .. أحاول قدر الامكان أخفف

أو إني أحرص ع التوازن خلال اليوم كله أو مع اليوم اللي بعده

~

فطوري أمس كان ساندوتش كبدة

والغدا 8 ملاعق رز مندي " أعتقد حوالي 285 س " ولحم

عشآي حليب فراولة المراعي " 74 س "

واليوم بصراحة غشيت .. خفت إني زدت ف وزنت الصباح ، الحمدلله وزني 79.3 :eh_s(22):

 

[! Unknown]

فطوري اليوم :

كورن فليكس نسكويك 8 ملاعق

كوب حليب كامل الدسم " 150 س "

 

[! Unknown]

الغدآء :

6 ملاعق رز " 519 "

تقريبًا ربع صدر دجاج مشوي " 36 س "

~

مجموع الفطور والغدآ =

705 .. وبزيد 200 من عندي من باب الاحتياط لأني م أعرف كم سعرة في الكورن فليكس :"(

يصير المجموع 905

السعرآت المتبقية =

1123 - 905 = 218

 

[! Unknown]

غير إني مو رآضية عن شكل جسمي ، ف أنا هم أعاني من " لخبطة الهرمونات "

اللي دمرتني تدمير وأثرت ع نفسيتي بقوة ="( !

الدورة الشهرية كانت تجيني كل كم شهر .. من بعدها انقطعت نهائي وماتجيني إلا بالأدوية !

ف لما رحت لدكتورة ، قالت لي بسبب الوزن .. أعطتني حبوب ينظم الدورة

لكنه مانفع معي ، أولاً أنا ما أنتظم ع الادوية حتى لو حاولت

وجاتني فترة انتظمت 3 شهور لكن النتيجة ما كانت مرضية وما نفعت معي !

أضطر أوقف شهرين وآخذ غيره ثم أرجع للدوا اللي قبل .. وسالفة طويلة

ف آخر مرة اشتريت الدوا ، طفح الكيل معي .. ظليت أقول لنفسي دام الحل بيدي وأقدر عليه

ليه الأدوية والخرابيط ؟ ليه دام الحل الأمثل موجود !

من يومها بديت بالرجيم والرياضة والحمدلله مشى الحال ونزلت 7 كيلو ..

ولما وصلت للعشرة كيلو .. جات لي الدورة 3 مرات !

ولما رحت للدكتورة عشان اتطمن ، قالت هذا الشي طبيعي ..

ودليل على إن الدورة راح تنتظم ف الشهور الجاية بإذن الله

هذي وحدة من الأسباب اللي شجعتني على الرجيم وزادت من عزيمتي 3>

 

[! Unknown]

العشآ :

توست " 128 س "

ملعقة نوتيلا " 100 س "

= 228

10 سعرات زايدة .. بس م تأثر إن شاء الله = )

 

[! Unknown]

فطوري اليوم :

مناقيش < أعتقد كذآ اسمهآ صرآحة مدري بس زي المعجنآت هي ؛$

حجمها صغير ، لكن مالقيت إلا سعرات الوسط

اللحم " 180 س " .. واللبنة ما لقيت = / !

حليب فراولة " 128 س "

 

[! Unknown]

الغدآ أمس :

8 ملاعق كشري

والعشاء :

ملعقة نوتيلا " 100 س "

توست " 128 س "

= 228

~

الفطور اليوم :

حليب شوكولاتة " 172 س "

شربت اثنين .. ف المجموع " 344 س "

الغدآء :

8 ملاعق كشري : )

 

[$كشوخه$]

ما شاء الله ..
زيدي لآكلج خضار يعني اكلي سلطات
وفواكه واشربي ماي
يشبعج وبيفيدج صحياً

استبدلي النوتيلا بـ زبده الفول السوداني

 

[! Unknown]

ما شاء الله ..
زيدي لآكلج خضار يعني اكلي سلطات
وفواكه واشربي ماي
يشبعج وبيفيدج صحياً

استبدلي النوتيلا بـ زبده الفول السوداني

والله ودي :"( !!

بس كل أكلي بهالفترة من برآ .. يعني البيت مافيهه شي :/

بس توي أتذكر فيه خضآر مجمدة .. أظن تنفع ، فخلاص بسوي لي :eh_s(10):

بالنسبة للفواكه .. بين فترة وفترة اشتري شقف < للي م تعرفه يشبه سلطة الفواكة

الموية شي أساسي أشرب كل يوم لتر ونص أو حتى أكثر :eh_s(15):

مآحب زبدة الفول السودآني صرآحة ==" !

لكن أنا مو مدمنة نوتيلا .. يعني صار لي كم يوم م دخل بطني

عمومًا ، والله أسعدني ردكِ جدًا جدًا

حيآكِ ربي :eh_s(17):

 

[! Unknown]

وزني الأول : 90 كغ
وزني الحالي : 78,4 كغ
طولي : 166 سم
كتلة جسمي : 28,3 " وزن زائد "
نقصت : 11 ونص كيلو حتى الآن " الحمدلله "
مقدار حاجتي من السعرات الحرارية : 2111 سعرة باليوم
آكل حوالي : 1111 سعرة حرآرية باليوم

~

والحمدلله .. وصلت للـ 78 في النهاية

و انتهى الشهر الثاني من الرجيم على خير

ومن بكرة يبدأ شهر جديد :eh_s(17):

 

[بـ سـ كـ وتـ ة]

ما شالله عليج

شغلج عدل

الله يتمم لج على خير وتحققين هدفج