um 3li و booking.com

[OM-3ABADY]

سلام شلونكم بنات

سلام خاص ل um 3li

متابعة مواضيعج عن ماليزيا

انا رايحه ماليزيا جم مره
بس هذي اول مره احجز عن طريق النت

وواااايد خايفه من هالموضوع

انا حجزت عن طريق موقعين وبوكككينج واحد منهم

اهم ما خصموا المبلغ من الفيزا لييييييييش؟؟؟؟؟؟

اهو الوضع طبيعي جذي

اذكر مره بس من زمان حجزت حق دبي من موقع ثاني على طووول خصموا المبلغ؟؟؟؟؟؟


وشكرا على المعلومات المفيده

 

[ام _خلودي]

اييي عادى حبيبتى

لاتحاتين اهو على حسب سياسيه الفندق

ساعات على طول بخصمون ساعات لا الفندق يحجز على المبلغ بس

مايسحبه ساعات حتى مايحجزون لما تروحين اهناك واتسوين جيك اوت يخصمون

 

[حورية البحر 1]

عادي لاتخافين يوكنج مايخصمون من الفيزا بس يصير أن الغرفة محجوزه لج

 

[um 3li]

حبيبتي مشكووووووووووووورة وااااايد ويارب يعجبج البرنامج الي مسويته و يعجب كل البنات

وان شاء الله ترجعين وتذكرين تجربتج هناك

بالنسبة حق موقع booking.com مثل ما قالوا البنات و ماقصروا سياسته جذي بس لضمان حجز الغرفة بس ما يخصم من رصيدج انتي تدفعينلهم هناك كاش بعملتهم ( الرنجت )

بس شوفي شروط الغرفة في حال انج تأخرتي او كنسلتي

يعني بعض الفنادق تخصم يوم اذا كنسلتي وبعض الفنادق يومين

انتي شوفي شروطهم احسن

وهم شوفي يشمل الضريبة او لأ ويشمل الفطور ولا لأ

كل هالأمور لازم تقرينها عدل عدل

والورقة مالت الحجز النهائية طبعيها واخذيها معاج

وهم اهم راح يطرشونلج ايميل ، طبعي الورقة واحتفظي فيها

 

[OM-3ABADY]

مشكوووورين حبايبي

كل وحده ردت علي وطمنتني الله يرزقها بسفره اللي تبرد جبدها ان شاء الله

um 3li انا طبعت كل شي وخشيته من الخوف

ادعولي استانس بسفرتي وتكون سفره خير لي ونرجع بالسلامه

 

[um 3li]

تروحين وترجعين بالسلامه يارب

 

[عيال الكويت]

تروحين وتردين بالسلامة