tony & guy بالكويت ش.الخليج ( الكورنيش )

[om.googi]

هالصالون بدايته كانت في قناة الأزياء الشهيرة ( Fashion Tv ) ​

اشتهر في قصاته الغريبة والغير دارجة وغير دمج الألوان والصبغات الصارخة الى الهادية ​

ولهم فرع افتتح بالكويت حاليـا ,, انصحكم تروحون تلقون نظرة عليه مو شرط تسوون شي ​

اهو صالون كامل حتى عنده عدة الصالون للبيع للشعر مثل خصلات وبواريك وكيراتين والخ الخ​

أنصح للي يحبون يغامرون بروحهم يروحون اهناك ​

بس اقولكم الأسعار نار ,, طريقة اسعارهم حسب نوع الإيد اللي تختارينها ​

مثل شغل محترفة غالي , الوسط سعرها معقول ,, واذا تبين شغل استشوار مثل باجي الصالونات تطلبين وحدة عادية وسعره رخيص بس مو بالنسبة لصالونات الكويت على مستوى الصالونات الراقية

>> يا حلات استشوار بو دينارين هههههههههههههه ​

أخليكم مع الصالون وهذا موقعهم ..
وأسعارهم موجودة بقائمة الـ Services ​

thnx ​

http://toniandguykuwait.com/index.html​

 

[UNICORNA]

مدري الموقع مو راضي يفتح معاي من الاي فون

لو تقدري تحطين صور للقصات الحلوه اكون مشكوره

وتسلمي

 

[Tulips]

لووول اشدعوه عاد هالاسعار
عموما بنات الكويت اللحين بيهبون فيه ليش انه هالصالون دايما يشتغل بعروض الازياء عشتو
يعني ممكن اروحله اذا بغيت اصبغ شعري .. او اقصه بس مو اسشوره او تسريحه الله ماكثر الصالونات

 

[ميس هارودز]

السنة أللي طافت صيغت شعري من بني غامق لاشقر عندهم دفعت ٩٨دك بعد الخصم كمان لأني عضوة في نادي الكورنيش لكن كان الحساب شامل حمام كريم كيرا ستيس ...ورغم ان السعر غالي لكن للأمانة لم اندم لحظه لانهم استخدمو مواد تشقير لشعري رغم ضعفه وما أثرت ولا آذت شعري وحققت لي حلمي وقتها وهي أني افتح من اقصى الغامق للفاتح دون اي أذى ولكن رديت للبني الغامق فهو عشقي الاساسي
والقص عندهم والله يمكن نص ساعه تقص قص باحتراف وفن ولازم لازم تأخذي موعد قبل لا تروحي عشان لا تروحي وتردي ومن سنتين لهم فرع في الشعب قبال فندق نسيت اسمه
وبس تعبت

 

[فجر_الكويت]

يسلموووو

 

[Le-Touch]

ويي عاد انا من زمان مقاطعه الصالونات كلها لول

لدرحه الحين عرسي قرب ومحتاره وين اسوي تسريحتي والميك اب مالي في بعض المخططات براسي اني اسويه بنفسي بما اني بروفيشنال بهالشغله

بس شوقتيني بروح اجيك على تسريحاتهم

 

[HmS al JaLiD]

ااب

 

[شغشغش]

هاروت يعني تنصحيني فيه ابي اقص جم قصهم

 

[ميس هارودز]

هاروت يعني تنصحيني فيه ابي اقص جم قصهم

اكيد في القص كأنك في فيلم اجنبي والموظفات كلهم كلهم أناقه في اللبس ولابسين كعوب تكون عالية ولا يتعبون طول اليوم خخخخخخ ويشتغلون مافي ملل وبمنتهى الدقة اهم شي دقي عليهم قبل لا تروحين بيوم

 

[Killer^Girl]

مشكورة

 

[krkooora]

ما اتوقع بيهبون فيه لانه من زمان معروووف اهوا و كتنج ايج بروفيشنال بالشعر
مشكورة

 

[bnt_mafia]

ويييه انا رحت له طبعا يفتح متاخر مادري جنه 12 مادري 1 ويسكر 7
وثاني شي اللي يشتغلون اجانب
والالوان اللي عنده يا احمر صارخ او اشقر فاتح او بلاتيني
واذا شافوج اجنبيه يدلعونج واذا شافوج كويتيه خخخخخ كيفج قزري حالج زين مايعطونج الاستشوار انتي تسوين
طبعا انا وارفيجتي رحنا نطالع لان رفيجتي قصب تبي تسوي شعرها عندهم على اساس تتفلسف انا مسويته المكان الفلاني خخخخ
بس طبعا الحمدالله اشكالنا اجنبيه من السمر ههه بس قاعدين نشوف الوضع حدها مايسوى قلت لها مردج على صالونا احسن واضمن واسعارهم نار شدعوه يعني اوكي حتى لو صبغه مو جذي
مانصحكم في بصراحه

 

[noty]

انا رحت له بس اللي بالشعب

مادري عاد اذا غيروا مكانهم

سعرهم لا غالي وايد و لا رخيص

القص ٢٥ دينار

و كانت تونسيه

جربته بامريكا عجيييب ماكو مقاارنه باللي موجود بالكويت

 

[سـتايل وشيك]

شكلي بزوره لا جيت للكويت
يسلمووو حبوبه .

 

[Sparkle]

انا رحت له بس اللي بالشعب

مادري عاد اذا غيروا مكانهم

سعرهم لا غالي وايد و لا رخيص

القص ٢٥ دينار

و كانت تونسيه

جربته بامريكا عجيييب ماكو مقاارنه باللي موجود بالكويت

لا نوتي هذا فرع ثاني الي بالشعب مال الأمريكان
والي بالكورنيش مال البريطانين

 

[Sparkle]

هممم قعدت أدور ردي القديم لما كتبت تجربتي عنهم أول ما رحتله ما لقيته


سويت عندهم سحب لون كنت صابغه أسود وبرووحه كان متنتف لان عبالي عادي أصبغ فووق الصبغ الأسود وما أبي أقوول شكثرغواطي صبغ قطيت اب شعري طلع ما يصير وسوويتلي خووش تجارب وحرقت شعري عدل مدل تنتف وعمري ما شفت حال شعري جذي

رحت لهم لان عندهم خدمة Colour correction وسحبت اللون وسويت تريتمينت قصيته وصبغته اب 102 الحين بتقوولون وايد بس كنت أغط 50-60 اب Cutting Edge على هايلايت وصبغ وشعري شكله ناااشف وكلش مو صحي عكس لما طلعت من هل صالون حتى رفيجتي تقوولي مشاء الله تبارك الرحمن الي يشوفه يقوول كأنه ما حرقتيه وأنا مو قاعده أسوي دعايه كذا شخص يسألني شنو اللون الي صبغت ووين واخر مرا صبغت وسويت تريتمنت على ما أعتقد 50 أو 53

من تجربتي شووفي القص حلو بس ما يستاهل هل سعر
الصبغ عند Chole و Emma يهبل
عيب الصالون مو متكامل يعني ما في خدمة بدكير ومنكير وبالأستشوار يتنيحسون اذا ما في أحد يعني شلون أفهم الي صبغتلي اخر مرا Emma بس صبغت وقالت ما فيه ستايلست يستشور شعرج خوو أنتي سويه أطريت أنا أرد البيت وأسويه

ويعطونكم Membership Card على 4 زياره لهم يعطونج تريتمنت اب بلاش و على 6 زياره يا تختارين خصم 5 دنانير من الفاتوره أو شامبو اب بلاش

 

[ELF Kuwait]

حيل بروفيشنال tony &guy وفرع الكورنيش دايم ايصير فيه عروض حصريه

 

[om.googi]

شاكرة مرور الكل للي عجبهم والعكس ,,
اهو صج ما يسوا بالنسبة للأسعار بس لازم نجرب حق عروس القراب علينا ​

 

[ام سعود ديكسون]

رااااقي حيل دشيته بعد ما خلصنا غداااا ذاك اليوم أنا و اللي معاي شنسوي جولة استكشافية


الدقة بالمواعيد و المعاملة وايد تهمني بس لفت انتباهي التريتمنت اللي عندهم للشعر


ذكرني حيل ب كتنغ ايدج و صالون ثاني ع طريج فحاحيل الساحلي

 

[om.googi]

up up up

اليوم ان شاء الله بروح وأشوف اذا عندهم عروض لفبراير وأييبلكم الأخبار ​