the secret...!! ( تم دمج المواضيع المتشابهه)

[نجوله]

كتبوا لنا عفيه شنو استفدي منه او شنو فكرته

 

[flowers_q8]

يالله نبي تجاركم عفيه

 

[الفراشه الرقيقه]

قوه بنات

بالفعل هذا القانون قانون غريب عجيب

وكأنه يوضح طريقة سير الكون من حولنااا

سبحان الله امس قعدت على هذا الموضوع في النت صار هو شغلي الشاغل واقرى تجارب البنات وشلون ودهم بالكتاب وان النسخه العربيه خلصت من المكتبات

ومن كثر مابغيت هالكتاب واذ بهااا تحدث المعجزه تخيلووو بنات اليوم اليوم افتح ايميلي والا القى دازيلي نسخه من الكتاب بالعربي بدون تفكير على طول حملته

ودي احطه لكم بالمنتدى هني بس مااعرف شلون

 

[Q8 programmer]

السلام عليكم
بخصوص هالكتاب انا كنت قاريه عنه قبل لا ينزل بالكويت وشريته اول مانزل
والسر هو قانون الجذب لو نأخذ الموضوع في حياتنا نلقى انه دينا الاسلامي تكلم عنه وسبحان الله
دينا الاسلامي مافي شي فيه خير الا واذكره
وقانون الجذب هو نفسه حسن الظن بالله اللي يقولون شلون انا اقولكم شلون
يعني الانسان لما يدعي ربه ويحسن الظن انه راح يستجيب له الدعاء ....راح يلقى انه الله يستجيب له دعاءه ويلقى الشي اللي دعى فيه يتحققث له
وهذا عن تجربه واكثر من تجربه انا سويتها سبحان الله
ويعطيكم العافيه

 

[SweET^LiKe^chocolate]

الصراحه الي اقدر قوله بس انه الكتاااااب عجيييييييب وصج اللي يقراه راح يحس تغير بحياته وانا الحين بادية اطبق قانون الجذب وافكر بكل اللي انا ابيه انه وصل لي وقبل ما انام افكر بيومي والاشياء اللي مو زينه صارت بيومي افكر انه صارت اشياء زينه واتخيل باللي ابيه انه صالي واحس فييه وانشالله راح يتخقق اللي ابييه وقولكم عن تجربتي :ggdw::ggdw::ggdw:

 

[شراديه]

خواتي آنه شدني الموضوع حييييل بس ودي أعرف اشلون صج أستفيد أبي شي عملي ساعدوني

 

[ام الاميرة]

السلام عليكم ورحمة اللة وبركاتة مبارك عليكم باقي الشهر الخلاصة اللي استفدها (( تفائلو بالخير تجدوة )) دايما اهلنا اول ايقولولن كلمة اثبتها قانون الجذب الحنة تيين الفقر فعلا انتي تجذبين المشاعر السلبية او الايجابية لج .

 

[ام الاميرة]

السلام عليكم ورحمة اللة وبركاتة مبارك عليكم باقي الشهر الخلاصة اللي استفدها (( تفائلو بالخير تجدوة )) دايما اهلنا اول ايقولون كلمة اثبتها قانون الجذب الحنة تيين الفقر فعلا انتي تجذبين المشاعر السلبية او الايجابية لج .

 

[SweET^LiKe^chocolate]

في شغلتين اذا طبقتوها راد تساعدكم على ان تجذبون الاشاء اللي تبونها
اول شيي يبي لج لوحه وحطي عليها صور الشغلات اللي تبينها مثلا سياره ابالج حطي صورتها جسم تبين تصيرين نفسه حطي الصوره كتاب تبينه حطينه صورته وكل يوم خصصيلج على الاقل عشر دقايق وطلعي فيهم وتخيلي انه صارو لج وحسي فيهم وشولون شعورج بصير لو انهم صارو لج يعني عييشيي الموقف عدل وانشالله مع الايام راح يصيرون لج لانج قاعده تجذبينهم


ثاني شي يبي دفتر وكتبي فيه يعني مثلا تبين بيت احلامج كتبي الحمدالله اني حصلت على بيت احلامي
تبين مثلا مبلغ معين كتبي الحمدالله حصلت على المبلغ وهكذا

وهالشي صج راح يفيدج

والاهم والاهم وخريي عن الافكار السلبيه والكلمات السلبيه اللي اهي انا ماقدر انا ماعرف انا ماتوقع مراح يصير :eh_s(4):

خليج على طول اجابيه يعني وانتي طالعه وشفتي شغلات تعجبج قولي انا اقدر على تكلفة هالشي انا اقدر اخذ هالشي وهكذا

وبنسبة حق الصحه اللي تعاني من مرض واللي تعاني من الام والتهابات تقدر تتشافى من غير ادويه وهالشي طبقو الدكاتره لانه الامراض اكثر اسبابه اهو عامل نفسي

فاللي تعاني من مرض او تعب او التهابات او اي شي خل اتحط ابالهاا انها تشافت من المرض وتيعش حياتها على انها تشافت من المرض ولا تمشي وقول انا مريضه نا مريضه وتسولف انها مريضه لا خليج العكس كله قولي الحمدالله اني تعافيت الحمدالله انه المرض راح وراح تشوفين النتيجه باذن الله


وانشاله اكون بنات افدتكم :aha:

​

 

[reem1234]

السلام عليكم
مشكوره حبيبتي على الافاده ماقصرتي والله
و صاجه بكل كلمه قلتيها و بكل حرف
انا شخصيا ناويه اطبق اللوحه مثل ماقلتي و ذكرت اوبرا بحلقتها عن هالموضوع
مشكوره مره ثانيه حبيبتي

 

[SweET^LiKe^chocolate]

الله يعافيج حبيبتي وحتى انا راح اطبق وانشالله الكل راح يستفيد منه

 

[شراديه]

مشكووووووووووره اختي سويت صراحه عطينيني فكره وان شاء الله راح أجربها قريب يزاك الله خير

 

[بسمة تفاؤل]

انا شفت الفيلم صراحه حلو يخليج تحسين بالتفاؤل خصوصا حق الي عندهم خفقات معينه في مرحله في حياتهم بس , احنى المسلمين هدا المبدأ موجود في دينا بس احنا غافلين عنا


الله يفرحن جميعاو اله التفاؤل حلو حتى يغير النفسيه


خل يمون شعرنا تفاؤلو بالخير تجدوه

 

[قبلة مطير]

انا شريت الكتاب والسى دى من فيرجن بس بصراحه جدا روعه
يعنى انا كنت اعوذ بالله سلبيه وتشاؤميه وبصراحه لما قريت الكتاب
عرفت انى قردت نفسى بحياتى من قبل علشان جذيه حياتى دايما عفسه
بس من قريته سرت جدا ايجابيه وحطيت شنو ابى من واحد لغايه عشره
وقمت اقراهم كل يوم واهم شى يا بنات تهذيب النفس يعنى خليج حتى مع نفسج مهذبه
يعنى عدم جرح الذات واعطاءها سلبيات وبالتالى تلقين نفسج فعلا سرتى نفس ما قلتى
والتهذيب لا اترك النفس على مزاجها حتى لو انج مكرهه او مجبره
مثلا عندج صلاه وكنت متابعه فيلم عاجبج النفس تقولج بعد شوى وبعد بعد شوى
لازم اهنيه تقولين عندى صلاة عندى صلاة حتى تتحملين مسؤوليه نفسج
وعدم التفكير بالحسد لان فعلا تنحسدين اقرا دائما المعوذات ودائما تذكرى انج محصنه
نفسج وقولو لن يصيبكم الا ما كتبه الله لكم وهالشى سويه لعيالج وبيتج
واقراى سوره الكرسى 4 مرات تحفظج كن كل شى
الا بذكر لله تطمئن القلوب
عدم لعب دور الضحيه بحياتج يعنى مو منى من فلان او فلانه لازم نعترف ونتحمل افعالنا
والكلام وايد يا بنات ما يخلص حبيت اعطيكمملخص لللى انا سويته :denya:

 

[SweET^LiKe^chocolate]

قبلة مطير كلالالامج وايد حلو وصح كلامج لازم نتحمل مسؤولية نفسنا تسلمين حبيبتي

 

[0(مـــســـ(مطير)ــــــك)0]

شوقتوني ان شاء الله اشتريه ..

 

[العصيمية]

ووووووواي حدكم شوقتوني ..

بعد رمضام بشتريه واقراه

الله يعطيكم العافيه

 

[عهودة]

انا قريت الوضوع من اوله لحد صفحه22 وكل ماقريت ردودكم كل مازاد الحجي اللي بقوله لووووووووول
اول شي جزاج الله خير اختي قصب سكر وبقتبس منج كلام الله سبحانه وتعالى اللي لمى قريته دمعت عيني من قوته
: أنا عند حسن ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ



ذكرته في ملأ خير منه ، وإن تقرب إلى شبرا تقربت إليه ذراعا ، وإن تقرب إلى ذراعا تقربت إليه باعا ، وإن أتاني يمشي


أتيته هرولة.



لا إله إلا الله وحده لا شريك له له الملك وله الحمد وهو على كل شيء قدير

وثاني شي صج انااا لمى شفت الفلم حددددددده عجبني بس بنفس الوقت فيني غصه ودي بكل كلمه يقولونها اقووووووووول من ربيي وهالشي نعرفه
وارد عليهم اقول تفائلوا خيرا تجدوه معروووووووووووووف هالحديث عندنا صج ودي رد عليهم بسرهم واقولهم هذا مو سركم هذااا ديننا قالنا جذي بدون اسرار
وبعدين في كتاب احلى من هذا وانفع وبنفس الفكره كتاب الاستغفار مال عايض القرني حددددددد عجيب يقولج اي شي تبينه ركزي عليه وحدديه واستغفري بنيه الشي اللي تبينه وبعد فتره بسيطه بتنصدمين انه يصير
وحاط امثال شكثرها نفس اسلوب الفلم تقريبا حاط مواقف وناس طبقت الاستغفار وركزت على الشي اللي تبينه وصار
وثاااالث شي غير التفائل وغير الاستغفار وغير حسن الظن بالله عندكم شي معروووووف وهووو الملائكه تمر فوقج وتقول امييين
علشان جذي امهاتنا لمى نقول شي مو زين يقولون استغفري ربج فال الله ولا فالج الله لايقوله لايمر ملك ويقول امين
عشان جذي يقولون لنا كله قولو اشياء زينه عشان تمر الملائكه وتقول امين ويصير الشي اللي تبينه
مثل رفيجه اختي تقول مره تلعوزت من بنتها وجذي على عبط قالت انا مافتك منج بس يووومييين بس يووووووووووومين برتاح منج
والله يابنات تقول انا متاكده ان ملاك مر فوقي وقال امين تقوول ثاني يوم بالضبط بنتي طاحت مريضه بالمستشفى وتنومت يومييين
هذا غير اشياء واااااااااااااااااااجد بديننا تعلمنا هالشي وبطرق اسهل وايسر واحلى وبقناعه اكثر واوضح
انا ماقولكم الكتاب مو حلو لاااا بالعكس الكتاب عجيب ويقربنا من ربنا اكثر يعني مو مثل ماقالوا انه يدعو للمسيحيه يمكن لغير المسلمين يدعوا للمسيحيه لكن احناا عاارفين عدل دينا وكل شي زين وكل اكتشاف يقربنا من ربنا اكثر
وعلى سالفه تطبيق السر انا كتبت نفس اللي قلتوه جمل بس كتبت يمها ان شاءالله
مثل اسافر الدوله الفلانيه وكتبت يمها ان شاءالله
ومره ثانيه عفيه اقروا كتاب الاستغفاار حددده يساعدكم انا ساعدني حيييييييييييييييل وبشكل رهيب وبفتره وجيزه وقصيره حيييل يعني فعلا تقربين من ربج شويه يقرب منج اكثررر سبحااااااااااااان الله
لا اله الا الله وحده لا شريك له

 

[planka]

وااااااي انا قريت تقريبا بس اول الصفحات وشوقتوني حقة ورحت سيده
كارفور بشتري بالنسخة العربية وما لقيته وحددده ضاق خلقييييييييييييييييييييييي
تكفووون يا بنات وين القاه وحد فيكم شراه من كارفور

 

[عهود الحب]

والله ني استفدت من تحليلاتكم يابنات