surprise party!!

[بزه المرتزه]

شلونكم بنات
ودي اسوي حق بنت عمي حفلة تخرجها
ابي اسويها بدون لا تدري
عطوني اقتراحاتكم
المشكله ان بيتنا ما يساعد اني اسوي فيه
فمادري وين اسويها
حتى لو اسويها بمطعم او شي ماراح ناخذ راحتنا
ابي مكان زين
وبوفيه عشا بسيط حلو
وهم هديه
اهي وايد عزيزه علي
عطوني اقتراحاتكم
ومشكورين مقدما :eh_s(7):

 

[Fo$hY Mo$hY]

اذا ميزانيتج سامحتلج تاخذين راحتج تقدرين تأجرين صآلة افرآح

تحجزين البوفيه و الدي جي يا انتو تسوونه او اتييبون وحده

وو حاولي توصلين حق رفيجاتها و اتفقي معاهم ان ايوون بدون ماهيا تدري

و خليها تتجهز فلمي عليها مثلا قوليلها بنروح عرس او بنروح حفلة وحده

و طبعا امها يكون عندها خبر

وبحيث لما انتو تيوون رفيجاتها و خواتها و اهلكم يكونون موجودين يفاجئونها

 

[قارورة عسل]

موفقة

 

[سوسو حبيبتى]

يا حليلكككم

الله يديم عليكم الحب

حسب امكانياتك

ممكن ع البحر بايتش بارتي

ممكن ف شاليه وتكون العائله والاهل والاصحاب لووول

وممكن تاجرين قاعه صغيره

 

[سكر فتافيت]

شوفى حبيبتى على حسب عدد المعزومين
اختارى المكان سواء بالبيت ولا خارج
وممكن ببيت حد من الاقارب يكون واسع شويه
وفكرى فى بوفيه بسيط والهديه فكرى لو هى محتاجه شىء
وكفايه الفكره روووعه ربنا يخليكم ابعض

 

[ga6wa90]

الله يخليكم لبعض و يديم المحبه

أنا أفضل يكون عندها خبر عشان تعرف شنو تلبس لأن حتى لو قلتيلها عرس ماراح تلبس اللي بتلبسه لحفلتها

بس غطيها خبر ان بتسوين لها حفله بس لا تعطينها التفاصيل

إذا عندكم بيت أحد من أهلكم فيه سرداب يكفي سويها عندهم و البوفيه كل وحده تسوي طبق

 

[freethinker]

ممكن تأجرين يخت الساعتين جنه اب 30 دينار وهندي راح ايي معاكم يسوق فيكم

اتوقع جذي سعره اذا ماخاني الظن

 

[@ كويتيه @]

ماشاءالله .. الله يديم المحبه


رآيي من رآيي فوشي موشي

والف مبروك التخـرج