Smart Lipo عند د. منال شتا

[احلى بنت بالدنيا]

بنات من اسم موضوعي .. منو تعرف الدكتورة منال شتا ؟؟

انا خذيت موعد عندها باجر الصبح وبروح اشوفها عشان اسوي شفط للدهون من منطقة الأرداف عندي .. وسألت كم سؤال بالتلفون .. تقولي اسعارهم من 650 - 700 د.ك للمنطقة الوحدة .. والريول الاثنين يعتبرونهم منطقة وحدة .. والكورسية ب 35 د.ك .. والعملية عندهم واطلع بنفس اليوم .. ان شاء الله بشوف باجر شنو بتقولي الدكتورة وراح اقولكم .. بس عافية اللي تعرفها أو تعرف أي معلومة عنها تقولي

يعطيكم العافية حبايبي :tek:

 

[^^المهره^^]

كتوره منال انا خابرتها دكتورة جلديه شللي خلاها دكتورة جراحات تجميليه؟
الشفط يدرج تحت بند الجراحه مو الجلديه!
مادري!!
اللي اعرفه عنها كا دكتورة جلديه انها وايد شاطره حتى انا لي نيه اروحلها ان شاءالله عشان اوخر اثار جرح عملية شد البطن يقولون عندها جهاز الليزر اللي يوخر الاثر

 

[الطيب الغالي]

اب اب اب اب اب

 

[احلى بنت بالدنيا]

اقولكم شي ماتصدقونه .. انا سويت العملية !!

امبيه حاسة بعوار ودوخة باجر اقولكم اشصار

 

[Glamorous]

حماتي مسويه عندها شفط الليزر حق فخوذها
وايد تمدحه بس تقول عقب العمليه ذبحها العوار
تقومين بالسلامه حبيبتي

 

[ان شكينا بكينا]

حمدلله على سلامتج

وان شاء الله تناليين اللي تبييينه

وياليت تقولين لنا عن تعاااااملها وشصار معاااج ؟؟

ومشكووووره

 

[Q8 New Style]

حمدلله على سلامتج

والله يقومج بالسلامه

 

[بيوتي ليدي]

ماتشوفين شر
ماحسيتي بألم ؟؟ شنو صار؟؟

 

[كرسبي كريم]

الحمد الله علي السلامه
طمنينا اشضار معاج!!!

 

[Glamour_85]

هالدكتوره شتسوي غيره الشفط
يعني تسوي شد او شي
وتسوي شفط حق جميع الاوزان

 

[أم شعوولي]

عفيه بنات جاوبوني هذي الدكتوره إهي اللي كانت عند الدكتور قطينه ولا لا ضروري ابي اعرف جزاكم الله خيييييييير

 

[FuSheYa]

الحمدلله على السلامه


اللي بفهمه انها تشفط بالليزر؟
ماكو فتحات ولا شق ولزق؟

 

[MiSsY HottY]

ويييييينكم بنات اببببببببب

 

[Turquoiseya]

متابعين الموضوع
شنو صار؟

 

[aya faid]

كان في تخدير؟؟وشلون العوار؟؟وحسيتي فرق؟؟

في غرز او جرح ولا ليزر؟؟

 

[احلى بنت بالدنيا]

اشلونكم ياأحلى بنات

سوري اني طولت بس لأني بأول اسبوع عقب العملية ماكنت حاسة بنفسي من العوار والالم مو طبيعي ولون الجلد يصير أحمر على ازرق .. والعملية وقتها مؤلمة بشكل مو طبيعي .. التخدير ماله أي تأثير واستمرت 5 ساعات .. الحين أكتبلكم اشصار معاي بالتفصيل الملل

 

[احلى بنت بالدنيا]

مثل ماقلت لكم .. كلفتني العملية 650 د.ك .. ومدتها 5 ساعات تقريبا .. انا دشيت الساعة 12 .. طلعت 5 المغرب .. وتحسين وقتها بكل شي ولا كأن في تخدير ولاشي .. يماااااااااااااا .. انزين وشفط الدهون بوقتها بسييط وايد .. تقريبا لتر من الأرداف الاثنين .. وقالتلي الدكتورة الدهوب الباقية راح تذوب وتطلع من الجسم خلال 3 شهور من العملية .. وانا الحين صارلي شهر ونص .. وأحس بتأثيرها .. بس لي الحين جلدي صاير أغمق وأجزاء طالعة وأجزاء نازلة .. صراحة مو راضية عن العملية بالمرة .. مو نفس ماشفت باليوتيوب مثل مايسوونها الاجانب

 

[om_Hadi]

بنات من صج الشفط الموضعى يطول خمس ساعات و شلون كل هالمده و بس لتر واحد شافطين؟ انا مستغربه و شلون هل غرفه عمليات و خرعه؟

 

[Smile Queen Bee]

أجر وعافية إن شاء الله ..
وشاكرة تجربتج ....
وإن شاء الله تشوفين اللي يرضيج بعد ما تكملين لمدة 3 الشهور ...

 

[عرموشة]

حمدالله علي سلامتج