الســــلامـ عليـــكمـ و رحمـــهـ الله و بركـــاتهـ
هذا ثاني تقرير لي بالقسم وان شاء الله يعجبكم مثل الاول
لندن 2009
الرحله كانت بتاريخ 24\2\2011 الى 28\2\2011
كويت - اسطنبول - كويت
الناقل لرحله كان
الخطوط الجوية التركية
العملات المستخدمة
الليرة التركية
ولمن توصلون هناك كل يوم بيومه طلعوا لكم فكه عشرات وعشرينات حق التاكسي والمطاعم علشان محد يبوقكم خصوصا التكاسي لا تعطونهم فئات كبيرة واذا بتدفعون دفعوا لهم وانتوا داخل التاكسي مو وانتوا بره ترا يشخطون عليكم وياخذون الفلوس
دولار أمريكي
صرفوا نص المبلغ مالكم دولار علشان ما تتوهقون بالليرات عقب ماترجعون لان اغلب الصرافين مايشترون منكم ليرات
فاخذوا دولار وهناك صرفوه ليرات اذا احتجتوا
بالاضافه: الدولار يستعمل حق اجار الشقق و اجار السيارات
وسائل التنقل:
تاكسي
استخدمناه من المطار للفندق و استخدمناه باول يوم
طبعا التاكسي وااااااااااااايد غالي عندهم
والحل الانسب اما تستخدمون وسائل النقل العموميه باص + ترام + اندرقراوند
او تأجير سياه مع سايق خاص وهذا الي سويناه
تأجير سياره
السياره نفس ما انتوا شايفين كانت بيجو ميني فان تكفي 4 اشخاص
تفاصيل وشروط التأجير راح اذكرها بعدين انتبهوا لها وااايد مهمه علشان مايصير اشكاليات
الفندق
Marble Hotel
راح اذكر التفاصيل بعدين
الكاميرات المستخدمة:
كانون 1400
ايفون 4
طبعا الرحله كانت شامله الطيران و الاقامة و الافطار بحدود ال 450 او 460 ماني ذاكره
من سفريات ومراح اذكر اسم السفريات لانهم كانوا فاشلين ومابيكم تتدبسون معاهم
لان حصل لنا مشاكل هناك بسبه الموظف بالاضافه انهم يحجزون من مواقع مثل بوكنغ وغيره
يعني شغل مو بروفيشينال هذا اكتشفناه عقب وطلع معطينا سعر دبل دبلات المذكور بالموقع
المهم مالنا بالطويله
هذي مقدمه للموضوع وان شاء الله تشدكم و ان شاء الله عن قريب اكمل لكم
هذا ثاني تقرير لي بالقسم وان شاء الله يعجبكم مثل الاول
لندن 2009
الرحله كانت بتاريخ 24\2\2011 الى 28\2\2011
كويت - اسطنبول - كويت
الناقل لرحله كان
الخطوط الجوية التركية
العملات المستخدمة
الليرة التركية
ولمن توصلون هناك كل يوم بيومه طلعوا لكم فكه عشرات وعشرينات حق التاكسي والمطاعم علشان محد يبوقكم خصوصا التكاسي لا تعطونهم فئات كبيرة واذا بتدفعون دفعوا لهم وانتوا داخل التاكسي مو وانتوا بره ترا يشخطون عليكم وياخذون الفلوس
دولار أمريكي
صرفوا نص المبلغ مالكم دولار علشان ما تتوهقون بالليرات عقب ماترجعون لان اغلب الصرافين مايشترون منكم ليرات
فاخذوا دولار وهناك صرفوه ليرات اذا احتجتوا
بالاضافه: الدولار يستعمل حق اجار الشقق و اجار السيارات
وسائل التنقل:
تاكسي
استخدمناه من المطار للفندق و استخدمناه باول يوم
طبعا التاكسي وااااااااااااايد غالي عندهم
والحل الانسب اما تستخدمون وسائل النقل العموميه باص + ترام + اندرقراوند
او تأجير سياه مع سايق خاص وهذا الي سويناه
تأجير سياره
السياره نفس ما انتوا شايفين كانت بيجو ميني فان تكفي 4 اشخاص
تفاصيل وشروط التأجير راح اذكرها بعدين انتبهوا لها وااايد مهمه علشان مايصير اشكاليات
الفندق
Marble Hotel
راح اذكر التفاصيل بعدين
الكاميرات المستخدمة:
كانون 1400
ايفون 4
طبعا الرحله كانت شامله الطيران و الاقامة و الافطار بحدود ال 450 او 460 ماني ذاكره
من سفريات ومراح اذكر اسم السفريات لانهم كانوا فاشلين ومابيكم تتدبسون معاهم
لان حصل لنا مشاكل هناك بسبه الموظف بالاضافه انهم يحجزون من مواقع مثل بوكنغ وغيره
يعني شغل مو بروفيشينال هذا اكتشفناه عقب وطلع معطينا سعر دبل دبلات المذكور بالموقع
المهم مالنا بالطويله
هذي مقدمه للموضوع وان شاء الله تشدكم و ان شاء الله عن قريب اكمل لكم
