شلونكم حبايبي اغراضي كلها برعايه صيدليه بوتس :eh_s(17):
علي قولة اختي حبيبتي انت ما تستانسين الا لما تسجلين حضور عندهم
بصراحه استخدمت كذا منتج وكنت مستخفه فيه على ابو انه خربوطه لان
السعر رخيص بس والله كان المنتج جوده + سعر مناسب
الثلاثي هذيلي يمكن هالمره المليون اللى اشتريهم كل ما خلصت علبه شريت الثانيه
نتكلم عنهم واحد واحد
1- منتج مزيل للمكياج كريمي وخفيف عالبشره يشيل لج كله كله مكياج العيون والويه
وايد حبيته
سعره 1 دك
اعطيه 10/10
2 - غسول للويه عباره عن فوم وهالغسول انا شريته لانه يرطب الويه
ما احب الغسول اللى ينشف فلما تغسلين فيه ويهج
تحسين انه سوفت ومو مشدود وايد حبيته وهذا النتيجه اللى كنت ادور عليها
سعره كان ب 4 دك صار ب 2.500 دك
اعطيه 10/10
3 - تونيك شجرة الشاي انا بشرتي دهنيه ومستحيل اغسل
ويهي بدون لا احط تونيك احسه يعقم الويه ويعطينى
انتعاش وريحته تينن شى رفرش طبعا بقطنه وتمسحين الويه فيه
سعره 1دك
اعطيه 10/10
1 - سنفرة شجرة الشاي منتج ناعم عالبشره يناسب الدهنيه اكثر استخدمه مرتين بالاسبوع
سعره 1 دك
اعطيه 8 / 10
2 - ماسك الخيار عجيب تحسين يعطى للبشره تهدئه ومعروف الخيار بفوائده ضد التجاعيد
وتبيض البشره
سعره 1 دك
اعطيه 10 / 10
3 - مرطب للويه ترطيبه عجيب وما يدهن الويه وايد حبيته
سعره تقريبا 3 دك
اعطيه 10 / 10
4 - سيروم تبيض للبشره بعد اسبوعين استخدام اهو ما يبيض يبيض بس يعطى ويهك اضاءه
نضاره وتحسين البشره كانها حاطه فاونديشن طبيعي كلها لون واحد
حبيته وبكمل
سعره 12 دك
اعطيه 10 / 10
هالرباعي تكلمت عنها في بلوقي من قبل
1- سيروم للشعر احطه بعد كل غسل للشعر بس ضعطتين بكفي وامسح شعري
وامشطه ريحته عجيبه ويعطي شاين للشعر ولما اسوي استشوار وايد
يصير غير لمعه حلوه وتحسين ماكو شعر متطاير ولا شي
سعره 1 دك
اعطيه 10 / 10
2 - تونيك الثوم هذا سحر يا بنات استخدمته اسبوعين بس طلع لي بيبي هير حبيته وايد
سعره 13 دك
اعطيه 10 / 10
3 - بلسم رشاش يترك عالشعر تاثيره نفس تاثير السيروم
مره استخدمه مره السيروم بس ما اترك شعري بدون حمايه بعد الاستحمام
سعره 1 دك
اعطيه 10 / 10
4 - ماسك الافكادو للشعر , عجيب بنات وايد احبه ريحته تينن
وتاثيره عالشعر روووعه ينعم ويطري الشعر بعد الشامبو
استخدمه 3 مرات بالاسبوع احطه وانا بالحمام بعد غسل
الشعر على ما افرك جسمى واصنفره بعدها اغسله يعنى مو وايد يقعد عالشعر
سعره 1 دك
اعطيه 10 / 10
هديه الموضوع :eh_s(7):
http://www.youtube.com/watch?v=ApMWEPYa1UM
بنات اللى تستفيد من الموضوع
ارجوكم تدعون :eh_s(11): لمريضنا بالشفاء العاجل
والله يفرج كربته ويخليه لامه
