Perfumes ♥ مشتــريـــاتــي من لنـــــدن ♥ Make up

[فرح العمر]

صبــاح | مســـاء الخيـرااات​

هـذا أولــ موضــوع لــي ​

أنـا تونــي رااده من لنـدن ،، من 4 أيام تقريبا​

وطبعا التسـوووق أكييييد أخد كل الوقـت ​

يعني صج صرفنا شكثر على التسـوق ​

وطبعا أنا ما خليت شئ ما خمييييتــه ،، ​

اليوم قلت بنزل لكم بعض مشترياااتـــــي​

وبما إني في قسـم المكياج والعطووور​

بحط لكم الميكـاااااب اللي شريتـــه​

بصراااااااااااحه ما شريت وااايد ميكاااااااااب ..​

رغم إني مهوووســه بشئ إسمه ميكااب ..​

بس الله يسامحها أمي اوقفت لي وقفه على المكيااج​

قالت أنتي غرفتج بتنفج من كثر الأغرااض والمكياج اللي فيها ،، وكلهم جدد ماتستخدمينه << والله إنها صااااجه​

بس يلا قدرت أشتريلي جم غرض​

و أما العطور .. ما كثرت شريت لي 3 عطورات بس ,, لأنهم مو موجودين بالكويت​

وطبعا أمي أخذتلها جم عطر وخوااتي أخذو عطورات ،، بس أنا صورت لكم بس أغراااضـــي​

يلا ما طول علييييييكم ،،​

​

هذي صووره جمااعيـــه لحبااايب قلبــي​

على فكــره هذا الصندوق حطيتهم فيه عشان أفرقهم عن باااقي مكيااجــي​

وهذا الصندوووق طبعا مو من لندن هذا عندي من سنـه تقريبا​

طبعا مكيااجــي كله شريتـه من الماااركه المحببه عن الجميع (( Urbaan Decay ))​

وفي جم حمره خذيتهم من (( Laura Mercier))​

​

​

طبعا هذي حمر تجننننننن مثل منتو شايفين أخذت اللون الوردي - أحمر فيه لمعه - بني ​

​

هذي بودره حلووه وخفيفه ،، بس للحين ما جربتها بصرااااحه​

​

هذيلا طبعا لاااينر حلوييين ،، انا أخذت هاللونين بس​

حلووه خطتهم​

​

​

طبعا شدووو من إيربن ،، الأول ذهبي في بني​

والثاني بنفسجي بس الصوره ظالمته مو هذا لووونه ​

هو أأحلـــى من جذي​

​

هذا إسمه Eyeshadow Primer Potion​

طبعا هذا نحطه ونحط فوووقه الشدووو​

واحد شريته والثاني هديه مع علبة الشدو​

يطلع وااااااااااااااااااو خياااااااال​

​

هذي صوووره له وهو عالإيـــــد​

​

​

هذا لاينر بس بالفرشه ،، لاينركيك​

حدددددده عجييييييييييب ،، خذيت منه لونين أسود و أخضر طاووسي​

​

طبعا نسيت لا أصور اقلام الكحل اللي شريتها ،،​

بس هذي صورتهم من النت​

أنا شريت الكحل الأزرق والأخضر <<< غرااامها هالألــوااان​

​

شدووهااات إيربن عجييبه ،،​

​

وهذي علبه ثاااانيه معاها قلمين أسود وبني​

حلوييين يجننووون على العين​

​

هذي من لورا ميرسير ،، حمره لونها فوووشي (( طبعا التصوير عطاها لون ثااني )) ​

حمره بفرشــه حددددهاااا عجيييييييبه​

​

هذي حمر من لورا ميرسير ،، أخذت اللون الأحمر ( على قولتهم دم الغزال ) ​

والثانيه وردي على لحمي تقريبا ،، تجننن ألوااانه​

خســـارره الماااركه هذي ماشريت منها إلا حمر وبس ​

هــذي مشتريــاتي بالنسبـــه للمكيـــــــــــــــاج​

طبعا ماركه أيربن أخذتها من دبنهامز​

أما ماركة لورا أخذتها من جون لويس​

العطــووراااااااااااااااات​

​

هذا العطر المشهوووووووووور واللي مو موجوود بالكويت​

TRISH​

طبعا أنا ماخذيت الجديد منه خذيت اللي قبله يمدحووونه أأكثر​

حلوووه ريحته​

​

وهذا عطر فيسا هم مو موجود عندنا​

ريحته في البداايه ماتعجبج بس نطري عليه شوي​

​

عطر فروكاس ،، هم مو حلوه ريحته في البداايه بس بعدين حلوووو​

كل العطورات أخذتهم من هاااامــلز​

وبـــــــــس​

يلا نااااااطــره ردودكم الحلــــووووه​

 

[خياله]

مشاالله حبيبتي شغلج حيل يهبل عليج بالعافيه

 

[Miss_Tiger79]

رد : Perfumes ♥ مشتــريـــاتــي من لنـــــدن ♥ Make up

عليج بالف عافيه

والحمدلله على السلامه

زين سويتي خذيتي من ايربن ديكاي صج ما تتطوف هالماركه والبيس لونه عجييييييييييبب كنت باخذه بس مادري ليش هونت

 

[^حبيبة الكل^]

حسافة مو كل الصور طالعة

 

[UNICORNA]

ماشالله تخلصينهم بالعافيه

 

[أسـيـل]

عليك بالعافيه

 

[فاقده ابوهاااا]

خاااااااامه كل شي لا اله الا الله ما خليتي شي للبريطانيات عجبني الشدووو شكله بعطي أضاءه وايد حلوه بس سؤال هالمنتج موجود بالكويت ما لاحظت اسم الماركه

 

[بحرينيه ذوووق]

عليج بالعااافيه حبيبتي
تتهنين فيهم
الارواج قمه في الروووووووعه

 

[honey lust]

واااو مشالله ذوقج يهبل عليج بالعافيه
ياليت يفتحون عندنا ايربان ديكي ميته على البرايمر بوتشن

 

[فرح العمر]

يعااااااااااااااااافيكم ياااااااااارب


ماركـه أيربن و لورا

مو موجوده بالكويت


خسااااااااااااااااااره والله ليتهم ينزلووون عندنا


هالمااركه كل شئ فيها حلوووووووووو


تدروووون كنت أفكر إني أشتريلي مجموووعه مكياج من أيربن

وأنزلها مثلا في معرض حق اللي ودهم يبون هالمااركه

بس بصرااااحه أنا صرفت واااااااايد على المشتريااات

فماااقدرت أشتري زووووووود


يلا المررره الجااايه أشتري لكم إذا بغيتووووو​

 

[Maryomah_q8]

ماشاء الله عليج بالعافيه

 

[فرح العمر]

خاااااااامه كل شي لا اله الا الله ما خليتي شي للبريطانيات عجبني الشدووو شكله بعطي أضاءه وايد حلوه بس سؤال هالمنتج موجود بالكويت ما لاحظت اسم الماركه

والله ،، عاااد أنا أقووووووول هالسنـه ماشريت مكياااج

مو موجووده بالكويت ،، كانت موجوده قبل جم سنه بس شااالوووهااا​

 

[BaiTotia]

رد : Perfumes ♥ مشتــريـــاتــي من لنـــــدن ♥ Make up

عليج بالعافية وخوش إختيارات

بالنسبة للوز باودر مال urban decay واااااااااي لوعة أخذته أول شي من الكويت لما الماركة كانت موجودة وطلع لونه غامج علي + لما أحطه يقطع!!!!!! ويع ويع جنه فاونديشن ثقييييييييييييييل

لما سافرت قلت لازم أجرب لون أفتح يمكن ظالمته ويضبط

قلت للبياعة عن الدرجة اللي عندي وقلت لها عطيني أفتح تخيلي عطتني أغمج لووووووووووووول

الحين طايحين بجبدي

 

[najla86]

يعطيج العافيه وتتهنين فيهم يا قلبي

 

[فرح العمر]

أسمحوولي على الغلطه المطبعيــه من العجلله نسيت

كل العطورات أخذتهم من هاااامــلز

سووري أنا أقصد هاروودز

يعني عطر تريش أخذته من هارودز

والأثنين أخذتهم من سلفردج​

​

 

[فرح العمر]

رد: رد : Perfumes ♥ مشتــريـــاتــي من لنـــــدن ♥ Make up

عليج بالعافية وخوش إختيارات

بالنسبة للوز باودر مال urban decay واااااااااي لوعة أخذته أول شي من الكويت لما الماركة كانت موجودة وطلع لونه غامج علي + لما أحطه يقطع!!!!!! ويع ويع جنه فاونديشن ثقييييييييييييييل

لما سافرت قلت لازم أجرب لون أفتح يمكن ظالمته ويضبط

قلت للبياعة عن الدرجة اللي عندي وقلت لها عطيني أفتح تخيلي عطتني أغمج لووووووووووووول

الحين طايحين بجبدي

يعاافيج

والله مااادري أنا ماجربته للحين ،، أنا خذيت الدرجه الفاااتحه

يمكن الدرجه الفاتحه تكون أحسن

إن شالله​

​

 

[المـــــها]

بالعافيه حبيبتي

 

[أروسا]

عليج بالعافيه

ماركة اوربن ديكي هذي غرامي ... اشتريها دايما من النت و عندي منهم 3 بلتات اللي اهما سمر اوف لوف - أليس ان ووندر لاند - جيت باك

و عندي الاي شدو برايمر بوشن العادي و الذهبي و صج يثبت الشدو و يبرزه ... وحاطه عيني على باليت نيكد اليديد

 

[البرن<أنا>سيسة]

تهنييييييييين حبوبة بس حسيت الوانج متقاربة
ومن لورا مرسيه ليش ما خذيتي برنامج العناية بالبشرة مالهم حده واااااو

 

[فرح العمر]

تهنييييييييين حبوبة بس حسيت الوانج متقاربة
ومن لورا مرسيه ليش ما خذيتي برنامج العناية بالبشرة مالهم حده واااااو

إيه صاااجه حبوووبه

وأنا أشتري مالاحظت هالشئ بس بعدين شفت ألواني مكرره ،، شسوي هذي الألوان اللي شدتني

والله أنا لما شريت من لورا كنت مستعجله ،،

وبعدين ماكنت أعرف منتجات هالماركه بس شفت الحمر وعجبتني​

عليج بالعافيه

ماركة اوربن ديكي هذي غرامي ... اشتريها دايما من النت و عندي منهم 3 بلتات اللي اهما سمر اوف لوف - أليس ان ووندر لاند - جيت باك

و عندي الاي شدو برايمر بوشن العادي و الذهبي و صج يثبت الشدو و يبرزه ... وحاطه عيني على باليت نيكد اليديد

والله أكووو أشياااء ميته وآآخذها من هالماااركه ،،

أنتي أي موقع تشترين منه ،، !!

يطول على مايوصل لج !!​