OoOoO تجمـع قسـايـم صبــاح الاحمــد OoOoO / تم دمج المواضيع

[ام دندوونه]

هلا بجارات المستقبل الحمد الله إحنا خلصنا العظم الاسود وقاعدين يشتغلون بتمديدات الكهرباء والصحي وزوجي ناوي يسوي مساح ناعم ويخلي القسيمة ترتاح كم شهر المنطقة ما شاء الله شغالين فيها علي قدم وساق وأنا من الحين محتارة بالديكور يقولي زوجي من الحين دوري علي راحتج والله دخلت كذا قسيمة تحت التشطيب عشان نشوف شغل الديكور والله يسهل أمورنا يارب كارلوفي الله يسهل عليك يارب وتقومين بالسلامة وتفرغين لقسيمتج / أغلي حبيبه انا قطاع سي /q8y_moon ههههههه والله ما الومج تنسين قسيمتج بأي قطاع طولوا انا علينا بس الحمد الله فرجت وان شاء الخير مقبل يارب وتشوف مدينتنا أحسن مدينه بسكانها الطيبين

 

[كارلوفي فاري]

على البركه ياام دندوونه. واميين الله يسمع منج. طبعا انا زوجي بس حط رغباته عند المكتب الهندسي وللحين ماورونا المخطط.

 

[q8y-moon]

كارلوفي انتي قطاع بي؟ واي مو لاقيه اوراق ولا شي مادري ماعطونا ولا عطونا وانا ضيعتهم

 

[كارلوفي فاري]

هلا موون احنا قطاع b1. واستلمنا اوراقنا و b2 نادوهم قبل كم يوووم

 

[أغلى حبيبه]

صباح الخيير كوكو

 

[كارلوفي فاري]

ياااصباااح الخيراات والمسرااات حبيبتي

 

[ام دندوونه]

شلونكم بنات حبيت أبشركم أن الكهرباء والماء بيوصلونهم للمنطقة يناير ٢٠١٤ أن شاء الله / شلونكم أغلي حبيبه أن شاء الله بخير أنتو أي قطاع ؟؟؟

 

[أغلى حبيبه]

هلا والله حبايبي شخباركم

اتا سي٤

والحين قاعدين نشوف عرض الاسعار للتكييف عشان نوقع العقد مع المقاول

ومحتارين اي شركه

 

[q8y-moon]

ياعله مبارررك اغلي حبيبه وناسهحححححده
انا الي لقيته عندي بس ورقه التعهد ومكتتوب فيها قطعه ٩ ماري بي٢ ولا لا
بنات قولولي شيبون اوراق ليوم الاحد

 

[كارلوفي فاري]

ام دندوونه الله يبشرج بالخييير. اغلى حبييبه بلغينا بالتفاصيييل. مووون صحصحي معاانا ورانا شغل

 

[q8y-moon]

لقيت المخطط بي٣ يعني مو لنا الاعلان صح؟

 

[q8y-moon]

في موضوع اسمه بيت العمر بس ماذكر اي قسم منو عندها الرابط

 

[ام دندوونه]

قسم الديكور وإذا حطيتي بقوقل دوانيه بيت العمر فعلا موضوع أكثر من رائع حيل استفدت من البنات اللي فيه الله يعطيهم العافيه

 

[q8y-moon]

مو لنا الاعلان طلعت قطعتنا بي٣ بس اخلص اختباري باجر بمرعليكل المواضيع والتجارب مع اني قريتهم لمن خصصو الارض بس نسيت كل شي

 

[كارلوفي فاري]

مرررحبا. اليوم رحت مع زوجي اشووف المخطط بناء على رغبته بعد ماحس انه مخبص. وفعلا لقيته الله يهدااه حاط الدور الثاني كله شقق نظام تاجير. وطبعا حاط للثالث بس مايهمني. باستشيركم بالمسااحات وقولولي زين ولا لا
هو مسوي المخطط المسااحه كله يعني مافي حوووش.
المطبخ 6*5
الصالات. وحده 5*9،5. والثانيه 7*4،5.
الحمامات اغلبها بين 2ونص و1ونص
غرفة الغسيل 3*2
وكثيير مقاسات طبعا قلت المهمين منهم
والدوانيه 12*8. مو كبيره حييل خصوصا انه حاط بالسرداب دوانيه ثانيه (مقلط)
احس نفسي دخت وضاق خلقي. مو نفس اللي ابي تكفووون همتكم معااي

 

[أغلى حبيبه]

كوكو صوري المخطط وحطيه

المطبخ اشوفه زين وحطي داخله مخزن مفتوح حق الثلاجات ومغسله ارضيه حق الجدور الكبيره والصواني

حمام الماستر لازم يكون اكبر اشرح

صالاتج حلوه وراهيه وحق الصاله خلي مجال بره الحمام حق المغاسل

وحطيلج غرفه ماستر تحت حق الضيوف او انفاس بناتج مستقبلااا

ووين حطيتي غرفه الخدم باي دور

 

[كارلوفي فاري]

باحاول اصور المخطط. لاني مااعرف ادرجه باخلي اختي تدزه. بالنسبه للغرفه مالت النفاس. هي اللي ماضبطها لي لانه حاط لي صاله كبيره داخل البيت ٧*٥. وماخذ مساحه كبيره لدرج واصنصير المؤجرين. ٣*٣. فانا قلت لزوجي ماابي مؤجرين ولا ثالث. وهم اللي راح علي غرفة طعام اللي هي غرفة السفره لانه ناويه اسوي فيها صبات للبوفيه واحط فيها طقم غرفة طعام كشخه.
بالنسبه للمطبخ حاط لي مخزن جنبه مسحته ٣*٢. وجنبها غرفة خدامه داخلها حمام ٢،٥*٢،٥. وجنبه غرفة غسيل كبر المخزن بس بابها على الحوش
والصالات اكيد حاط لهم مغاسل وحمام. وجنبهم مغاسل وحمام للبيت داخل بس الصالات حاط لهم باب على الجنب يدخل على البيت يعني مو مخلي الصالتين على اليمين واليسار وباب البيت سيداا. انا شايفه انه شكل جديد وتكون الصالات صاده عن داخل البييت.
بس ماقلتيلي اغلى حبيبه بالنسبه للدوانيه مو جنها كبيره حييل خصوصا انه له تكمله بالسرداب

 

[أغلى حبيبه]

كوكو شكله ريلج ما شاف اسعار البنيان هناك

على وصفج للبنيان يبيلكم 70 الف فووق 70 الحكومه

احنا دورين وربع كلفنا 42 الف بس اسووود

وبالنسبه حق دوانيه الرياييل حيييل كبيره ليش ماتشلين منها شوي وتسوين غرفه للسايق

شوفي انا مسويه دوانيه الرياييل 5*8 ووراها الحمام والمغاسل ووراها المقلط 5*5 ووراها غرفه السايق وحمامه

وابدد مو مفكره بالايجار سويت فوق نظام شقتين بس مفتوحين على بعض اذا الله سهل تزوج واحد من العيال سكر الطوفه وسوها شقه له

وعندي حوش جدام البيت 12*4 حق لعب اليهال وحمام السباحه بالصيف

 

[ام دندوونه]

صباح الخير علي جارات المستقبل كارلوفي انا اشوف الصالات مقاسها زين والمطبخ بعد بس فعلا لاتنسين المخزن وغرفه تحت مع حمامها لضيوف ولايضيج خلقج كل الريجيل تفكيرهم جذي شقق بالدور الثالث للاجار ولعيالج بالمستقبل أن شاء الله وفعلا علي كلام أغلي حبيبه حمامج الماستر خليه راهي شوي انا خليته ٤*٣ انا حسيته كبير بس زوجي عاجبه وفعلا الدوانيه صغروها شوي مادام في مقلط إحنا دوانيتنا ٥*٨ والمقلط ٦*٤ والحوش ٦**١٢ وفي شغله ضرورية حبيت انبه عليها اللي حابة تزرع بحوشها في المستقبل تأكد أن الحوش مايصبونه صبه أسمنت لان هالنقطه طافت علي وحيل منقهرة لان مايصير تزرعين ومادريت إلا بعد ما صبواااا الحوش وأنا كان ودي بحديقه صغيرة بالحوش وقعدة وحركات بس سبحان الله زوجي يقول عادي أجيب لج أحواض زرع كبيرة بس ناويه أسوي مزرعه صغيرة أن شاء الله يمكن أكسر هالصبه بس زوجي رافض يقول لالا والله يسهل أمورنا واموركم

 

[ام دندوونه]

كارلوفي انتواااا بانين المساحة كلها وجم دور اثنين ولا ثالثه ادوار