OoOoO تجمـع قسـايـم صبــاح الاحمــد OoOoO / تم دمج المواضيع

[كماشه]

ام دودي وينج ياليت تردين علي باسرع وقت

 

[كارلوفي فاري]

امييين والله يسخر لنا اللي فيه خييير

 

[ام دودو المزيونه]

اختي كماشة شفت الخاص مافي رسايل وتري دخلولي للمنتدي قليل بحكم دراسة اعيالي بنت وولد ودوامي متعب
بالنسبه لي ريلى علي ريل ريلي عند المهندس لأن لو بخليه بروحه همع هالمهندسين الضايعين عز الله اخطاء الدنيا ريلي ماله اي علاقة بأي شي يختص بالترتيب فأساس البيت طريقة ترتيب الغرف وحجمهم واماكنهم وهالشي اختصاصي حتي مقاسات الغرفة كنت نجره معاه
ريلي نظام اول من مقترحاته ان حمام الديوانية عزكم الله بالحوش خارجي منو يسوي جذي اللحين نجره لما اقتنع انه نظام قديم وسويته له حمام شبه معزول بممر مسكر للديوانية مع مغاسل علشان لا يعترض علي ان ريحة الحمام
والمهندس التحفه عقب ما لفيت علي 7 مكاتب وكلهم نفس الوضع اسم مهندس علي الطل اغلاط لا تغتفر ببيت العمر
1-حاطلي حمامات بواجهة البيت ليش ان شاء الله وانا بطن وظهر وعندي ارتداد خلفي زين ابي المعيشة والصالات علي الواجهات تطل علي الحديقة الامامية والخلفية ليش الحمامات بالواجهة
2- غرفة بنتي وحيدتي بابها تدخل علي غرفة ملابسها بعدين تدخل غرفتها ليش يا حافظ شلت ممر بغرفتي ماله داعي وخليت بابها فيه
3- انا مسويه بلكونه بالواجهة بين غرفتي وغرفة بنتي مشتركة بينا والتحفه المهندس مسوى البابين مايلين مو موازيين لباب البيت الارضي
يعني الباب الرئيسي بنص البيت بالدور الأرضي وفوقه بابين البلكونة مايلين علي كتر صايره الواجهة غلط
وايد اغلاط تعتبر بسيط عندهم بس عندي تعتبر فادحه لأنه بيت العمر اي غلط ماراح يتصلح بعدين

والمضحك مهندس بشركة السلطان اول شركة رحنا لها كانوا مسوين عرض مسويلي لديوانية بالجهة الخلفية مثل طلبي تمام بس المصيبه مو حاط ممر من البيت يدخلني علي الديوانية علشان ادخل ديوانيتنا من البيت اطلع الشارع وادق سلف السيارة وافتر الشارع وادخل من الباب الخلفي للبيت ههههههههههههههههههه
قصص قصص قصص تضحك بالمكاتب الهندسية علشان جذي لازم ابطل عيني واجمع افكار ودخلت منتديات فيها رياييل و اجمع منهم معلومات ولو اضطريت كنت ادخل بأسم ريلي واكلمهم علي السانه واخذ من تجاربهم طبعا ريلي معاي
وعلي فكره ماشاء الله منتدي الأسكان للبناء والعمار اغلبهم رياييل المدينة الي يبنون والي بيبنون وفي جم عضوة حريم معاهم منتداهم علي طول مواضيع واخر اخبار المدينة علشان جذي دخولي هناك اكثر

 

[كماشه]

دزيتلج ع الخاص مره ثانيه شفتي تخطيط مادري اذا فهمتي علي شرايج فيه

 

[كماشه]

انا قلت لزوجي وزوجي قال للمهندس وباجر يطلع المخطط والله يستر

 

[ام دودو المزيونه]

حبيبتي كماشة ما ادري شنو فيه الخاص عندي ما يطلع لي الرسايل شفت سؤالج الأول ورديت عليج ما ادري وصلج الرد والا لا
انا حاليا قاعده اقري موضوع قسايم جاير الأحمد استفيد من تجاربهم

 

[كارلوفي فاري]

حيالله هالبناات ويعطيييكم العاافيه
ولا يوقف لا يوقف

 

[ام دودو المزيونه]

هلا بكارلوفي اشلونج حبيبتي
تري اسمج انطبع بذهني من اول ما افتتحتى الموضوع عن تردد زوجج بالمنطقة وكنت اشيك علي الموضوع من فتره والثانية
سوري علي قرقتي لبنات صباح الأحمد قصتي
ريلي يتله فتره كره المنطقة ويقول قاطينا بأخر الدنيا مع ان اهله بمنطقة الرقة واهلي بصباح السالم وانه خلاص ما يبي البيت وبيبدل بفهد الأحمد ومن هالكلام من تأثير ربع الديوانية والمصيبه انه علي الحديد اشلون بتدفع فرق سعر للناس
يومها رفع ضغطي من سلبيته
وقعدة علي النت ادور مواضيع عن منطقتنا الي ما ندري عنها شي وتفاجأة ان الناس بقطاعنا س 3 قاعده تركض بالتراخيص ومخلصين المخطط وريلي بالعسل نايم وشاف جم مخطط معاي ورحنا المنطقة كانت توها تراب محد بانى وبعد فتره شفنا موضوع عن واحد حط خيمته ووقفنا يم بيت الريال كان توه يحفر وشجعته يسولف مع الريال وتعرف عليه يعني البلدية عطت الناس التراخيص اهني الريال (ريلي ) ركد بس هم بين الفترة والثانية يتشائم وكنت ارفع من معنوياته وابين له ايجابيات المنطقة بالنسبه لسلبياتها
لدرجة قلته شوف ياولد الناس ان فكرة تبدل 600 متر ب400 لا تعرفني ولا اعرفك
وبدينا الركضه علي المكاتب الهندسية والقصص الي قلتلكم عنها
سامحوني علي الأطاله بس بما ان بنتي ما بلشت امتحانات فهذي فرصتي اسولف معاكم واستفيد منكم واحاول افيدكم لأني انقطع عن المنتدي لظروفي

 

[كماشه]

انا عن نفسي متفأله عن منطقتنا واعتقد الي ماخذا فيها راح يتحسف في المستقبل اذا ع البعد السياره اتقرب كل شي لج وإن شاءالله راح يحطون فيها كل شي من مستشفيات وجامعات خصوص إن الجامعات الحين ماتكفي كلش يادوب والله كريم

 

[كماشه]

مشكوره ام دودي ماقصرتي والرساله الثانيه كنت اقولج اني جارتج في قطاع سي3

 

[ام دندوونه]

ماشاء الله التجمع عمران هاليوميين حياكم الله ياجارات المستقبل وانا جارتكم بقطاع سي والحمد الله احنا خلصنا العظم الاسود وبصراحة مقاولنا حيل زين صج غالي بس شغله زين احنا بنينا عظم اسود ب٥٠ الف مع المواد وفعلا بنات لاتعتمدون علي المكاتب الهندسيه انتوا عدلو بمخططاتكم وفكروا ان هالقسيمه انتو اللي بتعيشون فيها وشنو تبون

 

[ام دندوونه]

حياج الله ام دودي لاتقطعيناااا / كماشه الله يسر أموركم يارب وحياج الله معانا بهالتجمع

 

[ام دندوونه]

هَــْـِْـْْـِلاّ جاراتي انا قطاع سي3 وإن شاءالله راح نبدي بنيان وقعنا والحين زوجي ينطر الدفعه الاول واعدوه يوم الاربعا للحين ماسوينا المخطط بس الي في مخي الدور الاولالدوانيات في وجه البيت وصالاتين اكبار مفتوحه ع بعض مع تكرمون الحمام والكونتر للحريم وغرفه مقابل المطبخ وتكون اطل ع الحوش وراح اخلي درايشها اكبار ونازله عشان لاقعدة اشوف الحوش اشرح هذي راح تكون قعدتنا ع طول مجابل المطبخ كل من قريب وحمام والمطبخ بيكون داخل المخزن وغرفه صغيره2في2وراح احط فيها مغسله ارضيه هذي راح تكون لطبخ الضيفه الخرفان والسمك وراح احط غرفه مع حمامه احتياط اذا احد بيجيناوالدور الثاني غرفتي وغرفة التبديل وحمام وصاله بين غرفتي وغرف اعيالي غرف اعيالي راح اتكون متقابله غرفتين وحمام بالنص راح يكون مقابلها غرفتين وحمام بالنص يصير اصكره وخليها شقه بصكر حقت البنات بحط لها باب وراح يكون هم فيه غرفتين وحمام بالنص اخر الدور الثاني تكون بيبانها مقابلتني راح اخلي وحده منهم غرفة غسيل وكوي وغرفة الخدامات التصميم قابل للتعديل ابي رايكم فيه والحوش راح يكون من ثلاث جهات جه مترين راح يكون مدخل المؤجرين ومدخل زاد المطبخ والجه الثانيه 6امتار راح يكون مدخل الحريم ومدخلنا وصالات الحريم راح اخلي لها باب بروحه ومدخلنا راح يكون باب بين المطبخ والغرفه يعني مدخلنا ع الحوش الخلفي مادري اذا فهمتو طولت السالفه ابي رايكم اذا تلاحظون غرفتنا راح تفتح ع الحوش الخلفي والحوش المرر اتوقع تطلع شرحه ها وش رايكم

ماشاء الله التصميم حلووو :eh_s(15): الله يسهل أموركم يارب وتشوفينه عن قريب بعيونج صدقيني شعور عجيب انا لما شفت بيتي عظم حسيت خلاص أخيرا بيصير لي بيت ملك بعد14 سنة زواج:eh_s(11):

 

[ام دندوونه]

عقبالج كارلوفي ان شاء الله يا رفيقة الدرب

 

[لوكريسيا]

مساكم الله بالخير:eh_s(8):

ادري مقصرة معاكم و مالي ويه .. صايرة كسلانة مثل الدب القطبي الجنوبي:eh_s(22):

ناطرين شهر 4 ان شالله عشان يعطونا اذن البنا

 

[ام دودو المزيونه]

هلا بجارتي كماشة قطاعنا سي 3 حلو
ام دندوونه الله يوفقكم ان شاء الله
والله وايد 50 الف لأن المنطقة بعيدة
احنا مقاول قالنا 17 الف بس شغل ايده و48 الف مع المواد بعد المنطقة عن الشركات رفع الأسعار علينا
احنا احتمال كبير علي شهر 10 نبدي كان ودي الحين بس مكتبنا الهندسي باردين والبلدية معطلتنا لو واسطة جان خالص شغلنا من زمان
لوكرسيا انا متابعتكم من زمان الله يسهل عليكم وعلينا التعطيل من البلدية
ابصراحه امس بس قاعده اقري موضوع مدينة جابر الأحمد واكتشفت حجم المبالغ المطلوبة للتشطيب والتأثيث وان لازم نوفر والمفروض موفرين من زمان بس الله كريم ان شاء الله تتسهل الأمور

 

[كماشه]

هَــْـِْـْْـِلاّ ام دودي انا قسيمتي ٨٨إن شاءالله انج قريبه

 

[ام دودو المزيونه]

انا قسيمة190 حتي الحين عرفنا بس جار واحد ثاني بيت علي يمينا تعرف عليه ريلي والحمدالله شكله خوش ريال باقي بعرف منو لازق يم بيتي طوفه بطوفه مالهم حس ولا خبر :eh_s(4):

 

[كارلوفي فاري]

ياااهلااا ومرحباااا ومسهلااا ومقرباااا بحبيباتي وجاراتي المستقبليااات. وخلونا نسولف مع بعض جذي علشان نهون على روحنا المده
لوكريسيااا حياج الله والله لج وحشه. ووالله فكره يام دودو شكلي باتفرغ على تجارب اللي بنوا بجابر الاحمد

 

[كماشه]

مبروووووووك القرض ١٠٠الف