OoOoO تجمـع قسـايـم صبــاح الاحمــد OoOoO / تم دمج المواضيع

[ام دندوونه]

نزف لكم خبر

اعتماد مخطط وتصميم تطوير طريق الوفرة 306
من قبل بلدية الكويت
وكما قلنا بالسابق لكم في شهر 12 /2012 سوف ينتهي
من موافقات جميع الجهات الكهرباء والماء والموصلات
النفط المرور واخرى
حيث ارسل الى وزارة الاشغال بعد ان تم اعتمادة
وسوف يدرج في الميزانية القادمة لوزارة الاشغال والطرح
في شهر 4 القادم
وهو عبارة عن ثلاث مسارات من الجسر لغاية دوار المزارع
وثلاث مداخل جسور لمدينة صباح الاحمد
وجسر الوفرة ميناء عبداللة تطويرة بشكل الدائري


والف مبروك للجميع
للامانه منقوووووول

 

[كارلوفي فاري]

الله يزيييد البشاااير

 

[asma]

أم دندونه مابي اضيق خلقج بس اللي قاعد تقولينه حجي منتديات مافي اي شي بالواقع

مجرد توصيات ماوصلت حتي لتخطيط والتوصيه بالتطوير لاتتعدى توفير حاره للشاحنات !!!

واذا ننتظر اقرار الميزانيه بشهر اربعه يتضائل الامل في ظل مانراه من تهاون وتخاذل

واهمال بعاصمتنا والمناطق المحيطه بالعاصمه ومناطقالكويت فمابالك في

مدينة مثل صباح الاحمد هذي اليتيمه اللي انولدت بالصحراا ساحوني بس والله

من كثر ماني مقهوره

 

[ام دندوونه]

اختي اسماء ليش النظرة السوداويه هذي وليش هالاحباط تري الناس مو ناقصه كافي ضغوط الديون والايجارات والحمد الله احنا احسن من غيرنا شنو تبين الناس تسوي تقعد طول عمرها ايجارات والعقار مرتفع بشكل موطبيعي واللي ماتسويه الحكومه اليوم ان شاء بالمستقبل تسويه واذا ماتدرين ترااا الناس بنواااا فيها ومدام مو مقتنعه فيها وماتبينها بدلي ولو كل واحد شاف الموضوع بنظرتج هذي ترااا ماراح تقوم ديرتنا ولاتعمر *

 

[كارلوفي فاري]

الاخت اسماء احنا محترمين وجهة نظرت وسمعنااها من ناس كثيير. واذا علينا احنا فضلنا المجازفه ولا اننا نظل مكتوفين الايدي. اللي يدفع اجار وااللي شيب راسها للحين قاعدة عند حمولتها.

احنا نتوكل على الله ونبذل الاسباب. والاهم من هذا كله خلونا نبني والباقي كيفهم نفذوا او اخلفوا في وعودهم. اهم شي بيت يضفنا واذا على الخدمات ام الهيمان قريبه والبقالات تارسه طريق الوفره. ويوم بالاسبوع يحدر ابو العيال يجيب اغراضنا من الديره. ويوم بالاسبوع نروح السوق فحيحيل قريب عندنا
لييين الله يفرجها. و لو كانت يتيمه مردها تكبر وتعتمد على نفسها هاليتيمه

 

[كارلوفي فاري]

واذا يااختي انتي مو راغبة بالمنطقه انتي حره باختيارج ومو مجبوره. واذا عندج مجال تنتظرين. انطري ليش لا يمكن تحصلييين على الافضل.

 

[asma]

أفاا شفيكم أنا مثلكم وحالي من حالكم بس من قهري قاعد أفض افض

دندونه ماتقوم الديره وتعمر الالما يقطونا ويحدونا على الصحرا

الديره 85 بالميه من الاراضي متاحه لكن عشان خاطر المتنفذين

وتجار العقار وعشان تولع وتقعد الاسعار نار قاعد يسون فينا هالاسوات

انا مثلكم لا قدرت افتك من هالتخصيص ولااكو حل ثاني في جانب مشرق

بس لازم نشوف الجانب المعتم ونفكر بعيالنا

 

[كارلوفي فاري]

هذا اللي نبي نوصل له. اذا قعدتي تطالعين الجانب المعتم عمرج ماراح تهونين المشكله. قلنا لج مدام في بيت بيضفنا حنا وعيالنا هذي بحد ذاتها نعمه. اما سالفة مضيقين هم ضيقوا وخلاااص والله يجازيهم. بس ماباليد حيله. والامور قامت تتصعب من كل ناحية. المعيشه الدراسه حتى الخدم شايفه بكم الخدامه اللحين نستقدمها.
خليها على الله ويمكن حالنا احسن من حال اللي بعدنا. وهذي مشكله اللي ماعنده. على قولة القااايل
الماعنده منيييين يجييييب ياخلق الله
ههههههه هونيها وتهووون

 

[ام دودو المزيونه]

صور زيارتي لمدينة صباح الأحمد العظيمة قطاع س3
احنا خلصنا الخريطة بس باقي البلدية تخلصنا معطلينا مع انه موافقين علي المخطط وما عندهم غير ملاحظات بسيطه جدا مثل سكروا باب عند السلم يطل علي الحوش حسبالهم بنأجر علما ان المهندس يقول خريطتكم واضحه دورين ونص خاصة لنا ومافي مجال للتأجير
وقلبي حارقني الناس خلصت الهيكل الأسود وودي احفر والصور فيه بيوت ماشاء الله الله يوفقهم خلصوا ومسكرين بيوتهم يريحونها
وللمتشائمين المدينة بعيده عن التلوث وانا تقريبا كل شهر امرها مع ريلي والجو نقي وخيال وماشاءالله شوارعها واسعه وانا حدها عاجبتني بس هاليومين ايينا الرد بندور مقاول

 

[كارلوفي فاري]

يعطييج العافيه ام دودووو. عاد انا مفكره بباب جانبي حق السلم والانصنصييير. والله يتمم لناعلى خييير
وحلوه العظيمه هههه

 

[ام دودو المزيونه]

باقي الصور قطاع س3 :eh_s(9):

 

[ام دودو المزيونه]

حياتي كارلوفي
هالصور حديثة يوم السبت كنت هناك 9-3-2013
انا المنطقة عاجبتني وماشاء الله الجو فيها حلو ونقي وفيه ناس اشوفها تكشت هناك قهوة وشاي وحاطين كراسي و بساط حريم ورياييل وفيه واحد كل اشوفه يايب غواري عياله معاه يلعبون والشوارع راهية حطيت هالصور علشان اشجع المتشائمين
وحبايبي تري الصور كلها بيوت مختلفة فيه منهم صورتهم من الواجهة وفيه علي الجنب بحكم ان ريلي يسوق وانا اناجره وقف خل القط صوره يعني مو نفس البيت كنت اصور علشان اخذ افكار واتخيل حجم البيت والحوش ما كنت ناويه انزل بالمنتدي لان بالخريطة غير الواقع
وتري فيه بيت دورين شكله مربع وتصميمه بسيط هذا جارنا ماشاء الله من شهرين كان يصب اساس البيت والحين تجافأت انه وقف دورين خلال شهرين
علشان جذي محترق قلبي ناطره البلدية تخلصنا وودي لو بس اوقف عمود هالشهرين وراضيه اصور مع عمود بيتي لان الصيف داخل ومحد يبني بالصيف عندنا بس هالشهرين قبل حرارة الصيف
والله كريم

 

[ام دودو المزيونه]

جارنا هالصورة قبل امتحانات الفترة الثانية للابتدائي بيومين كان يصب اساس البيت
قبل

خلال شهرين فقط بنا دورين صح تصميمه بسيط جدا بس يعطينا امل بسرعة البنيان :eh_s(4):
بعد شهرين

بيت ثاني اهو تقريبا بلش شهر 10

بعد
خلص نهائيا وسكر بيت يريحه

 

[كارلوفي فاري]

هاااذي النااس اللي تبرد القلب يسلمووو ام دودوو. وياليت تكلمونا عن تجاربكم مع المكاتب الهندسيه. وهل رحتي مع زوجج.
زوجي بالبدايه رافض اروح. وشكله مايبي يكسر بخاطري بيوديني بس احس مو بخاطره خايف يشوف احد هناك يعرفه. وفعلا هالشي مو حلو بحقه. فما ودي اكسر بخاطره.
انتوا شرايكم يتفع اودي طلباتي مع زوجي للمكتب واذا ناقص شي اعدل بعدين

 

[كماشه]

هَــْـِْـْْـِلاّ جاراتي انا قطاع سي3 وإن شاءالله راح نبدي بنيان وقعنا والحين زوجي ينطر الدفعه الاول واعدوه يوم الاربعا للحين ماسوينا المخطط بس الي في مخي الدور الاولالدوانيات في وجه البيت وصالاتين اكبار مفتوحه ع بعض مع تكرمون الحمام والكونتر للحريم وغرفه مقابل المطبخ وتكون اطل ع الحوش وراح اخلي درايشها اكبار ونازله عشان لاقعدة اشوف الحوش اشرح هذي راح تكون قعدتنا ع طول مجابل المطبخ كل من قريب وحمام والمطبخ بيكون داخل المخزن وغرفه صغيره2في2وراح احط فيها مغسله ارضيه هذي راح تكون لطبخ الضيفه الخرفان والسمك وراح احط غرفه مع حمامه احتياط اذا احد بيجيناوالدور الثاني غرفتي وغرفة التبديل وحمام وصاله بين غرفتي وغرف اعيالي غرف اعيالي راح اتكون متقابله غرفتين وحمام بالنص راح يكون مقابلها غرفتين وحمام بالنص يصير اصكره وخليها شقه بصكر حقت البنات بحط لها باب وراح يكون هم فيه غرفتين وحمام بالنص اخر الدور الثاني تكون بيبانها مقابلتني راح اخلي وحده منهم غرفة غسيل وكوي وغرفة الخدامات التصميم قابل للتعديل ابي رايكم فيه والحوش راح يكون من ثلاث جهات جه مترين راح يكون مدخل المؤجرين ومدخل زاد المطبخ والجه الثانيه 6امتار راح يكون مدخل الحريم ومدخلنا وصالات الحريم راح اخلي لها باب بروحه ومدخلنا راح يكون باب بين المطبخ والغرفه يعني مدخلنا ع الحوش الخلفي مادري اذا فهمتو طولت السالفه ابي رايكم اذا تلاحظون غرفتنا راح تفتح ع الحوش الخلفي والحوش المرر اتوقع تطلع شرحه ها وش رايكم

 

[كماشه]

كارلفوري انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي نفسي زوجي رافض اروح معاه قال قولي افكارج وانا اوصلها وبجيب لج التخطيط وغيري فيه اذا مو عاجبج

 

[كماشه]

نبي تجاربكم مع المقاولين الله يعين يبيلهم مجابل واغلبهم لازم ينصب الا من رحم الله

 

[كماشه]

ام دودي دزيتلج خاص شوفي الخاص

 

[كارلوفي فاري]

على البركه اختي كماشه وبيني وبينج ماقدرت اتخيل تخطيطج لكن اعجبتني فكرة المغسله الاضافيه للضيف.
وبللنسبه للمؤجرين شكلنا ماراح نحط اجار
واذا على المخطط اذا زوجي بيقول لهم طلباتي لا بالله خلصناااا

 

[كماشه]

الاجار ع الاقل بيساعدنا اول مانسكن لانه راح يكون كل الي عندنا بنحطه في البيت ف لازم يكون فيه دخل ثاني يساعدنا وزوجي بيبني الدور الثالث شقق للاجار ولعياله في المستقبل وخصوص اني مو موظفه ماقدر اساعده الله يعين ويرزقنا ويرزقكم بالجيره الطيبه هذا اهم شي