OoOoO تجمـع قسـايـم صبــاح الاحمــد OoOoO / تم دمج المواضيع

[ام دندوونه]

مساء الخير الحمد الله زوجي لقاااا مقاول وان شاء الله بنبدا البناء بدايه ١١ واتفق معاه يقوم القسيمه عظم اسود والباقي احنا نشطبه علي راحتنا كنا نبي شركه تسويه لنا بس الشركات طلبت سعر خيالي ١٦٠ الف وشغلها كله الله بالخير لا بيبان زينه والسيراميك مو شي فقال نشوف مقاول واحنا نشطبها لان هذا بيت العمر

 

[كارلوفي فاري]

ام دندونه على البركه بس شدعوه ١٦٠ حق ثلاث ادوار وسرداب ولا شنو وزين ممكن تذكرين لنا اسم الشركات
زين والشركات هذي هل تعطيج حرية اختيار التلبيس والسيراميك والحمامات وانتوا بكرامه وتلبيس البيت ونوع الصبخ ولا هم يتحكمون

 

[كارلوفي فاري]

بنااات ماقلتوا لنا عن تجاربكم بالمخططات ونبي اسماء الشركات الهندسيه اللي تخطط
زين شلون على وضعي قطاع دال نصبر شوي ولا ندور

 

[كارلوفي فاري]

اب اب

 

[كارلوفي فاري]

الووووو وينكم شهللو شويه

 

[ام دندوونه]

مساء الخير جارات المستقبل هلا كارلوفي اعذريني لهيت مع عيالي حايشتهم نزله معويه والحمد الله الحين احسن بالنسبه لشركات عندج شركه العطاوي عطتنا سعر خيالي ١٦٠ الف ثلاث ادوار وشركه السلطان عطتنا ١٣٠ الف يقولون ان المواد ارتفع سعرهااااا وبالنسبه للبناء ماعندج حريه اختيار لا السيرميك ولا اي شي هم يحطون اللي عندهم واذا تبين تختارين تزيدين فلوس بصراحه هذا بيت العمر مو اي شي ينحط لازم شي زين واصلي ويدوم معاج عشان جذي زوجي اتفق مع مقاول يقوم القسيمه عظم اسود واحنا نشطبها بالمواد اللي احنا نختارها

 

[ام دندوونه]

بنات بالنسبه للمخطط انتوا ادرى باحتياجاتكم وشنو اللي يناسبكم وبصراحه المخطط عدلناه انا وزوجي اكثر من مرة والله يسهل امورنا يارب

 

[كارلوفي فاري]

ام دندونه الف سلامه على عيالج مايشوفون شر. زين كم كلفكم عظم اسود وتهقين اذا دورين ونص وسرداب كم يكلف.
بناااات تجاربكم عفيه ترا لنا سنتين بالتجمع وجت وقت الصجيه

 

[ام دندوونه]

ايه في شغله حبيت اقولها احنا سوينا عقد مع شركه للسنترال القسيمه انا قلت لزوجي بدري قال الحين اكثر الناس جذي يتعاقدون مع شركه السنترال ويخلون المكاين بالمخازن ومتي ما بداااا الشغل بالقسيمه يركبون السنترال الحمد الله زوجي كل ربعه بانيين وعندهم خبرة ومنبهينه حق ادق التفاصيل يارب تسهل امور نا واموركم وان شاء الله تطلع المدينه طيبه باهلهاااااا وناسهااااا*

 

[ام دندوونه]

الله يسلمج يالغاليه احنا كلفنا عظم اسود مع المواد٤٣ والله ماعندي فكرة جم يكلف دورين وسرداب ترى في مهندسين ومقاولين شغالين الحين بالمنطقه ممكن زوجج يمرهم ويسالهم ويعطونه علي الاقل شي تقريبي للسعر

 

[ام دندوونه]

وسمعت خبر حلووووو انهم بدواااا الحين بقطاع سي بالمدارس والافرع والمستوصفات والجمعيه وناوين يوزعون البيوت الحكوميه علي بدايه السنه الجديدة

 

[ام دندوونه]

للامانه انا حاشتني حاله يأس الفترة اللي طافت من كثر ما الناس تذم بالمنطقه وان الحكومه ماراح تصدق باللي تقوله وناس شكثر يتطنزون يقولون شيوديكم هالمنطقه وكنت حاسه ان احنا اخذنا اكبر مقلب بحياتنا واتحلطم عند زوجي بس الله يخليه ليه كان علي طول يرفع من معنوياتي ويقول خليهم يقولون اللي يقولون انا مقتنع ان مدينه صباح الاحمد احسن قرار اتخذناه لنا ولعيالنا وان شاء الله ما نندم والحين لما بدينا حسيت بان الصجيه بدت وحيل متحمسه اشوف قسيمتي ان شاء الله

 

[كارلوفي فاري]

:ggdw::ggdw::ggdw::ggdw::ggdw:
هذي السواالف الحلوه ياا حلوه يالله ياكريم تبلغنا مرادنا وتوفقنا اجمعييين
شفتي يام دندووون انا وززوجج معانا حق باذن الله بخصووص مستقبل المنطقه تذكرييين ههههه وان شالله الله مايخيب رجااانا

 

[كويتية^_^كول]

يعطيكم العافيه بنات
احنا من سنه طلعت لنا ارض من الحكومه بمدينه صباح بس ماعرف سي ولا اي حرف؟!!
بس استفساري صج اللحين نقدر نبنيها ؟؟؟؟؟؟
لانه جنه سمعت بعد سنتين او ثلاث البنا!
ولا مكان عن مكان غير؟!
بليز فيدوني

 

[كارلوفي فاري]

هلا اختي. اذا من سنه طالعه الارض اتوقع انتوا من القطاعات اللي توزعت بالاخيررر فلازم تعرفين اي قطاع انتوا

 

[asma]

اناا حاشني نفس الاحباط لما سمعت شكاوي

منطقة جابر الأحمد بقناه الوطن

صار لهم جم سنه سكنوا

ولالحين ماوفوا بوعودهم لا شوارع

لامستوصفات لاكهربا معناتها احنا

شبيصير معانا واحنا بوسط الصحرا

!!!!!؟

 

[asma]

واللي يخوف المدارس يعني ام الهيمان جم سنه

من سنين مدرسه وحده ثانويه ومن عاشر

يدرسون بالفحيحيل لان مافي فصول

ولا مفكرين يحلون ازمتهم

واحنا بديره خير مافي اي حلول بسيطه تطبق

لو رحنا بوسط الصحرا من بيدري عنا والله مابي

اضيق خلقكم بس هذي الافكار اللي تراودني

الحال مومثل اول ومافي مسؤول يوفي بوعده

!? ودي اتفاائل بس صحيح احس

 

[كارلوفي فاري]

كلنا فكرنا جذي لكن لنا رب ماينسانا واذا ماعمرت لنا بتعمر لعيالنا. ولا احنا راحت علينا يااختج عسانا بس نستقر بشيخوختنااا هههههه

 

[كارلوفي فاري]

اب اب

 

[بروق اليل]

‏​‏​•• آلسَـِْ♡̨̐ـِْلامَ علـِْ♡̨̐ـِْيگمَ •• شلونكم شخباركم انا قطاع بي عاد احن ع زوجي انا نسوي قسيمتنا عند شركة العطاوي لان كذا بيت من جيرانا مسويتلهم الشركه والتصميم مشاء الله يجنن الله يهنيهم وانا ابي سرداب ودورين وزوجي يبي يسوي دور ثالث للاجار وانا موراضيه