OoOoO تجمـع قسـايـم صبــاح الاحمــد OoOoO / تم دمج المواضيع

[العياره]

رد: OoOoO تجمـع قسـايـم صبــاح الاحمــد OoOoO

شلوونكم
اغلى حبيبه واافينا بالاخبار اول بأول

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

هلا والله العياره

الحين قاعدين ندور مكتب عشان الخريطه

ومحتاره غرفه الغسيل والخدم اخليها بالسطح ولا داخل المطبخ

بالمطبخ اقول حرام ريحه الطباخ تصير بدارها

والسطح هم اقول حرام كل شوي صاعده حق تكرمون الحمام والا ترتاح شوي اذا ماعندها شغل

واذا صارت عندي الزواره الخدم وين بيقعدون مااحبهم يتكودون بالمطبخ تحتي ومااحب خدامه مو مالتي اجيس اغراضي

خو اتعرفونهم نحااااسه يا الاغراض بالزباله ولا يكسرون عادي مو اغراض معزبتهم

ولا شرايكم اسوي غرفه صغيره مع حمامها داخل المطبخ حقهم امممممم لا مو خوش فكره

عطوني افكار من افكاركم

 

[القرآن ربيع قلبي]

رد: OoOoO تجمـع قسـايـم صبــاح الاحمــد OoOoO

غرفه الغسيل انصح انها تكون جدام عينج داايما
اذا بالسطح ماتدرين شيسوون وشلون يغسلون
الخدم اذا ماراقبتيهم يبدعون ماشاء الله
حطي غرفه الخدم بالسطح عادي وغرفه الغسيل تحت
او تحطين ملحق صغير جدام البيت غرفتين وحمام تكرمين للخدم
لان المساحه 600 والبنيان 400 فقط بس مادري اذا يسمحون برا البيت او لا
عموما انتي استشيري اللي حواليج والاهم المهندس يعطيكم افكار وحلول
قولي له كل شي ببالج وشنو يريحج
ترى اهم شي التصميييييييييييييم
والله دشيت بيوت تفتح النفس وتفااصيل راقيه وحلوة ومستخدمين المساحات عدل وبيووووووووووت سايبه على بعضها ماتدرين المهندس شلون خططها
الله يوفقكم وان شااء الله بيتكم يطلع احلى البيوت

 

[القرآن ربيع قلبي]

رد: OoOoO تجمـع قسـايـم صبــاح الاحمــد OoOoO

لالا تحطين الخدم داخل المطبخ حطي فيه غرفه جيل اذا تبين
بس خدم لا تكفين نبي البيوت نرهي على انفسنا وخصوصا المطبخ ودج تدشينه ينشرح صدرج وراهي
والخدم داخل شلون العيال اذا يبون شي والا سهرانين داشين طالعين والا راعي البيت يبي المطبخ
يامعوده ابعديهم عن تفاصيل حياتج كثر ماتقدرين خصوصا بالاماكن الحيويه

 

[القرآن ربيع قلبي]

رد: OoOoO تجمـع قسـايـم صبــاح الاحمــد OoOoO

سوي سيرج بقوقل لمنتديات وبلوقات مهندسين عماره
وساليهم عشان تاخذين فكره
لقيت هالموقع ان شاء الله يفيدكم
http://www.kw-eng.net/articles-action-show-id-7.htm

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

مشكووووره حبيبتي القران ربيع قلبي

اي خواتي قالولي الخدم فوق احسن من داخل المطبخ

وفكره الملحق جدام شايلتها من بالي الخدم مامنهم امان باجر مسويتلي دوانيه وميمعه كل السواق عندها لا يحوشك

بشوف الموقع وافكارهم

انتي اي قطاع

 

[القرآن ربيع قلبي]

رد: OoOoO تجمـع قسـايـم صبــاح الاحمــد OoOoO

هلا اغلى حبيبه احنا قطاع بي

 

[مذهلة 78]

رد: OoOoO تجمـع قسـايـم صبــاح الاحمــد OoOoO

اغلى حبيبه جم دور ناويه تبنين ومفكره بسرداب ولا لاء

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

هلا فيج حبيبتي مذهله

بسوي دورين ونص وملحق دوانيه مفصول عن البيت

ومابي سرداب

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

وينكم ؟؟؟

 

[ايمانو حلوة]

رد: OoOoO تجمـع قسـايـم صبــاح الاحمــد OoOoO

بنات انا 2005 2006 نسييت
متي يطلعلي بييييييييييت

 

[القرآن ربيع قلبي]

رد: OoOoO تجمـع قسـايـم صبــاح الاحمــد OoOoO

hhhhhhhhhi
شلونكم بنات رحت المبروك والبابطين وامبوريوم مسوين تنزيلات حلوه
تصدقون فكرت اشتري اطقم استقبال ومواعين واخشها للبيت
بس مادري ترددت قلت حنا نحيا والا نموت شهالطفااقه
بس حلو الواحد يصير ذكي اقتصاديا ويشتري بالتنزيلات
صح بنات شراااايكم ؟؟

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

هايااات ربووعه

شلوونج حبيبتي

شوفي والله انا عشقييي المواعين وسوالف المطبخ

فـ اللي يعجبني ووقت التنزيلات اشتريه

خذيت اشياء ماتروح موديلاتهم وشغلات البوفيه سخانات وجذي

لاني انا ما احب ايمع اللي بخاطري اشتريه فـ دامي قاطه قاطه الفلوس ليش ماا اشتري شي يفيديني بعدين

هذي نظريتي بعض الناس يقولون ويييه تو الناس وبعضهم يقولون زين اتسوين بعدين بتعتازين الدينار وماراح تقدرين تشترين
















انتي شراايج ؟؟

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

ايمانوو

انا ٩٧ وتوه يطلع اسمنا وعلى مانبني يبي لنا تقريبا سنتين عليج الحسبه

الله كريم

 

[Um Ritaj]

رد: OoOoO تجمـع قسـايـم صبــاح الاحمــد OoOoO

السلام عليكم

اشلونكم بنات

انا توني انتبه لتجمعكم

انا طلبي سنة ٩٩ وطلع لنا قطاع b

بس لحد الحين مو مقتنعه بالمنطقه وخاصة ان الحكومه ما قدمت خدمات ترغبنا للمنطقه واحس ان عريفجان نسخه مطابقه لام الهيمان - وبالبدايه كان زوجي متحمس واهو الي حمسني بس لاحظت هاليومين انه طخ ويفكر يشتري بيت هدام ويخلي عريفجان احتياط يمكن تنقلب الموازين بهالمنطقه وتحلا بعينا ونسكن فيها وناجر الهدام - وإلي الان هذي مجرد اقتراحات يقترحها ريلي علي

بس انا زهقت اقط فلوس انا وريلي بالايجارات واحنا الي نزينها ونعدلها وبصراحه صعبه نلاقي اجارات لعايله كبيره ما شاء الله لا إله الا الله عيالي خمسه والسادس بالطريج

فانا لحد الحين انطر واشوف بعد ما يسكنونها الناس ونشوف ردود الافعال

والي فيه الخير الله يقدمه *

 

[غلا 200]

رد: OoOoO تجمـع قسـايـم صبــاح الاحمــد OoOoO

قوة بنات اناا طلع لناااا في صباح الاحمد وللحين مابلشنا البناء موقعع بيتناا وايد حلوووو ع مدخل المنطقة وارتداد 3 جهات وحديقة كبيررة وايددد حلو موقعة احنا نبي نبيع الارض الي خاطرها تشتري او تبديل خل تراسلني خااص انا جادة ياليت الجادك تراسلني

 

[مشاعر أمرأه]

رد: OoOoO تجمـع قسـايـم صبــاح الاحمــد OoOoO

السلام عليكم صارلي فتره طايحه على تجمعكم

وانصدمت يوم خلصت الا أنكم ماتشاركون نبي نتناقش بخصوص

مستقبل المنطقه وتخطيطكم للبيوت وشنو احسن المهندسين عشان نفيد بعض

ياريت اتردون مثل الاول يا احلى تجمع

 

[*الغاليه*]

رد: OoOoO تجمـع قسـايـم صبــاح الاحمــد OoOoO

بناااااااااااااااااااااااااااااااااااااااااااااات

منوووووووو فيكم بلشت تبني قسيمتهاا


​

 

[مشاعر أمرأه]

رد: OoOoO تجمـع قسـايـم صبــاح الاحمــد OoOoO

ليش هاجرين التجمع بنات ردو مثل اول

 

[eman12]

رد: OoOoO تجمـع قسـايـم صبــاح الاحمــد OoOoO

السلام عليكم
والله لما ادخل بين فترة وفترة استانس من الردود
بس ماعندكم فكرة متى نبلش نبني
انا 2000 قطاع d