OoOoO تجمـع قسـايـم صبــاح الاحمــد OoOoO / تم دمج المواضيع

[أغلى حبيبه]

رد : OoOoO تجمـع قسـايـم صبــاح الاحمــد OoOoO

اهلين كوكو والله لي الحين ماشفنا المكاتب الزينه لانه مانقدر نسوي الخريطه ولي الحين ماعطونا الاسكان قياسات القسيمه

بس انا وريلي خططنا شنو نبي وجذي عرفتي

وان شاءالله من نلقى مكتب زين اقولكم عنه




حياااج الله معانا ام الحلوين

والله يرزقج المكان والجيره الطيبه ان شاءالله

 

[لارا2009]

رد: OoOoO تجمـع قسـايـم صبــاح الاحمــد OoOoO

السلام عليكم شوفو بنات اولا احنا بزمن الواحد يقول فيه يالله الستر ومنطقة صباح الاحمد موبعيده وايد اول ما تمشون بالطريج تحسون انه بعيد بس على التعود لانها قبل ام الهيمان وانا ساكنه بالقرين ومره رحت مع زوجي نشوف المنطقه تبعد 25 كيلو من القرين لغاية الجسر (المفرق) وبعدها دخلنا يمين 15 كيلو وصلنا للمنطقه يعني من القرين لصباح الاحمد 40 كيلو واخذنا تقريبا 23 دقيقه وكانت سرعتنا ما تتعدي ال120 وبعدين يسمونها مو منطقه يسمونها مدينة صباح الاحمد يعني راح يكون فيها كل الخدمات وبعد جم سنه راح نقول عنها والله صباح الاحمد بنص الكويت لانه الخطط اليايه راح يبنون لين الخيران وبعدين المنطقه تتميز بمساحات واسعه وارتدادات كبيره فرصه ماتتعوض باي منطقه وبعدين نصيحه وخرو عن البيوت الحكوميه لانها بنيان شركات متعاقده مع الاسكان وشغلهم مو مضبوط لانهم يبون يخلصون بسرعه عشان يربحون الهدف مادي بحت وبعدين الارض والقرض احسن لانك تبنين على كيفج مو بيت حكومه اكسر فيه بعدين وانا عن نفسي قاعده ادور على مكتب هندسي (واذا تعرفون واحد زين عطوني رقمه) وانا الحمد لله مرتاحه لان زوجي يعرف شركة مقاولات من زمان متعاملين معاها كل عايلتنا شغلهم وايد حلو ويعطونج كفاله على كل الشغل والاهم من هذا كله اسعارهم وايد حلوه ومتساهلين بالدفع ويخلصون بالوقت اللي متفقين عليه واذا نقصج مبلغ بس مو اكثر من 8 آلاف تتقدمين لهم بكتاب واذا كنتي تسدين الدفعات بانتضام 80 بالميه يوافقون على طلبج ويقصدون المبلغ على سنتين بدون فوائد وهذي المعلومه عن تجربة كذا واحد من الاهل واللي تبي رقم الشركه انا حاضره واي استفسار ثاني انا بالخدمه​

 

[سبائك]

رد : OoOoO تجمـع قسـايـم صبــاح الاحمــد OoOoO

لارا الله يعافيج عطيني رقم شركة المقاولات

 

[لارا2009]

رد: OoOoO تجمـع قسـايـم صبــاح الاحمــد OoOoO

اختي سبايك الشركة اسمها فن الابتكار صاحبها كويتي اسمه سعد شنيبر رقمه 99515115

 

[أغلى حبيبه]

رد : OoOoO تجمـع قسـايـم صبــاح الاحمــد OoOoO

مشكووووره لارا ع المساعده

 

[لارا2009]

رد: OoOoO تجمـع قسـايـم صبــاح الاحمــد OoOoO

العفو اختي الشكر لله المسلم عون لاخيه المسلم انشا الله تستلمين بيتج وتاثثيه عن قريب ويكون بيت العمر وتتهنين فيه يارب

 

[تعويذه الحب]

رد: OoOoO تجمـع قسـايـم صبــاح الاحمــد OoOoO

بنات اللي طلع لهم بقطاع b متى تتوقعون انهم يسلمونكم الارض حق البنيان ؟

وجم راح يخصمون من ال70 الف قيمة الارض ؟

 

[تعويذه الحب]

رد: OoOoO تجمـع قسـايـم صبــاح الاحمــد OoOoO

لا يطوفكم معرض الاسكان بتاريخ 29|11 \2010 بفندق ريجنسي

والمعرض الثاني بتاريخ 24\10 بارض المعارض بمشرف

 

[سبائك]

رد : OoOoO تجمـع قسـايـم صبــاح الاحمــد OoOoO

مشكوره لارا ماقصرتي

 

[q8y-moon]

رد: OoOoO تجمـع قسـايـم صبــاح الاحمــد OoOoO

يعطييكم العاافيه بناات
انا ادري ان راح اجش عرض بالموضوع بس عفيه ساعدوني
احنا دفعه 2000 اولها بس مادري اي شهر بالضبط وريلي ولا مره راح يراجع كلششش
المهم اهوو رافض مدينه صباح الاحمد يقول بينطر الخيران اقرب منها؟؟
انا ماادل بالمناطق مادريي
وانا اصلا رافضه اروح هناك لان كل اهلي بمنطقه وحده الا انا الي برووح بعيد ولا تقولون مو بعيده لا والله حييييل بعيده
وهم ظروفنا الماديه ماتساعد ان نشتري بيت بالمناطق الداخليه والله احترررت
مرات اقول ابدل الطلب مع بيت داخلي وازيد ومرات اقول اتوكل علي الله واخذه بس والله البعد ذابحنيي
انا بقوله يراجع هالاسبوع ونشووف ابي رايكم بنات

 

[أسولة]

رد : OoOoO تجمـع قسـايـم صبــاح الاحمــد OoOoO

منقول من منتدى المهندس للبناء والديكور من العضو ابوعبدالله العربي جزاه الله الف خير ​

وإلي تبي تشوف باقي المخططات والصور تدخل على هذا الرابط وتسجل

http://www.kw-eng.net/vb/showthread.php?t=4651

آنا في قطاع بي 2 ويوم الثلاثة القرعة إدعولي بنات الله يرزقني بالموقع الزين والجار الطيب :yaaaaaarb:

وهذي خريطة قطعنا​

ماشاالله ماقصر بوعبدالله حاط كل القطع A B C D E في هذي المدينة الرائعة ولا بيوت الحكومة روعة ​

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

والله ياسوله جهد تشكرين عليه بس ياهل ترا اللي بالمخطط حلم ام حلم يبطي علشان يتحقق- ام حلم يقصون علينا فيه0000ام لما نسكن يقولون لنا معصي نسويلكم هالولايه 0000واشبعوا من غبرة هالبر
ياااااااااااااارب يتحقق هالحلم باسرع وقت

 

[مي الحلوة]

رد : OoOoO تجمـع قسـايـم صبــاح الاحمــد OoOoO

هلا اختى كارلوفي شلونج ان شاء الله بخيرر..
وبعدين ليش هالنظرة السوداوية..احس حايشج اكتئاب..
ترى انا مريت بالحالة من كثر التفكير واحس ان البنيان مسؤولية وهل انا لما خذيت بمدينة صباح
ظلمت عيالي ؟؟كل هالاسئلة كانت تدور براسي؟؟؟ويمكن تطلع منطقة قريبة احس بالندم واموت قهر على هالقرار
اللى اتخذته انا وابوهم؟؟؟بعدين تذكرت شغلة..وهي ان الواحد ما ياخذ الا قسمته ونصيبه..
وغيرت نظرتي وقلت ان شاء الله الحكومة تصدق بكل اللى قالوه..وانا بصراحة من اللى اشوفه الحين ان الحكومة جادة
وقاعدة تشتغل عشان هالمدينة تصير واقع..والله يسر امورناااا واموركم..
هلا اختى اسوله ويعطيج العافية ..والله يوفقكم بالقرعة ويرزقكم بالمنزل المبارك..والجيرة الطيبة..

 

[q8y-moon]

رد: OoOoO تجمـع قسـايـم صبــاح الاحمــد OoOoO

بنات نصحووني عفيه
وبسالكم القسايم تكفيهم ال70 الف بنيان؟؟ ما اعتقد

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

هلا مي 00طلت والله عطتني تفائل 00000لاتقطعين

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

اب اب

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

وهم بعد اب الموضوع يرجع ورا
ياليت يتثبت الموضوووع ياناس

 

[لارا2009]

رد: OoOoO تجمـع قسـايـم صبــاح الاحمــد OoOoO

اي والله ياليت يثبتونه

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

هااااااااااااااااااااااااااي 00000شخباركم بنات هل من جديد
نبني نبني نبي نسكن
الله كريم

 

[أغلى حبيبه]

رد : OoOoO تجمـع قسـايـم صبــاح الاحمــد OoOoO

سلاااام عليييكم

اقوولكم اللي لهم خلق الاستثمار يخشله جم بيزه

عشان الفروع اللي بالمنطقه

يعني خياط مصبغه نخي وباجلا خبز ايراني صالون اللي يخطر فبااالكم

والاولويه حق عيال المنطقه