OoOoO تجمـع قسـايـم صبــاح الاحمــد OoOoO / تم دمج المواضيع

[مي الحلوة]

رد: OoOoO تجمـع قسـايـم صبــاح الاحمــد OoOoO

زوجة فنان..ان شاء الله يحوشكم بمدينة صباح لاني سمعت انهاااا بتغطي من 2000 لي 2004
والله يرزقكم ان شاء الله..
وحياج الله معانااااا..

 

[ليونه الليمونه]

رد: OoOoO تجمـع قسـايـم صبــاح الاحمــد OoOoO

بنات حبيت اسأل شلون اقتنعتوا بصباح الأحمد بعيده وووووووووووايد وريلى رافض نسكن فيها

 

[حروف من ذهب*]

رد: OoOoO تجمـع قسـايـم صبــاح الاحمــد OoOoO

القران ربيع قلبي الف مبروك ومنزل مبارك ان شألله

والله شوفي عم زوجي بصباحيه وطلعله قسيمه غرب الجليب وبناها وسكن فيها اربع سنين والحين ناوي يبدل يقولون عياله احنا زهقنا من الطريج رايحين ورادين لدواوينهم وهم زوجته المسكينه جيرانها وحمولتها كلهم بعيد عليها بس تري عمه عنده عيال متزوجين يعني كبير بالعمر المشكله الوحد اذا تعود علي شي صعبه يغيره

شوفي الي يناسبج ودامج صغيره وعيالج صغار ابنيها واسكني وبتأقلمون مع الوضع بس اذا كبار صعبه

 

[am_kshaa]

رد: OoOoO تجمـع قسـايـم صبــاح الاحمــد OoOoO

صباح الاحمد بعد شهرين او اقل راح توصل لى 2004
والى استلمو بقطاع c راح يعطونهم اذن بناء بعد 6 شهور تقريبا
بس للحين ماطلع عندنا قرار رسمي لان للحين فى كتب رسميه بين الاسكان والبلديه والتسليف
بس عطونا خبر ان بعد 6 شهور

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

بنات حبيت اسأل شلون اقتنعتوا بصباح الأحمد بعيده وووووووووووايد وريلى رافض نسكن فيها

والله شوفي اقتنعنااا لعده اسباب

منها عياااالنا اكبرووا وكل واحد يبي غرفه

والاجااار لي متى ندفع اجار ونضايق عمرنا بشقه

والبيوت شااااابه نااااار يعني مستحييييل نحط على ظهرنا اقساط لي ١٥ او ٢٠ سنه جدام

وعلى البعد السياره مافي شي عليها بعيد

واخر شي اقولج

الله يهديلج ريلج وتطلع لكم قسيمه يمناا ونصير جيرانج

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

بنات سمعت ريلي يقول اللي بيبني لازم يبني على البراد يعني على شهر ٩ ولا ١٠

عشان الشمس والحر ماتنشف الاساس ويتبطط بسرعه

ولا يصبون الاساس الفير وعلي طووول لازم مبلل ماي عشان ماينشف

 

[مي الحلوة]

رد: OoOoO تجمـع قسـايـم صبــاح الاحمــد OoOoO

هلا بنات شلونكم ان شاء الله بخيررر..:balo:
القرأن ربيع قلبي.. مبروك البيت والله يهنيكم فيه ان شاء الله..
يمكن تلقون بدل قريب في ناس تبي مدينة صباح الاحمد لانهااا قريبة من اهلهم..
والله يسر اموركم ان شاء الله..

ليونة الليمونة..انا اقولج شلون اقتنعت ..بالنسبة لطلبات 97/98/99 ما في مشاريع الا مدينة صباح الاحمد اللى
تحوشنااا حالياااا..مستقبلا يعنى بعد 10 سنين ما ادري يمكن يكون في مناطق..بس ما راح ننطرلاننا تعبناااا من الاجارات انا اتكلم عن نفسي من تزوجت وانا من شقة لشقة يعنى ما في استقرار..وعيالناااا كبرواا وماعادواا يتحملون الشقق الصغيرة..
وماعندنا قدرة نشترى بيت لان مانبي ديون تكسر ظهورناااا..هذا اول شيء ثاني شيء..:weight_lift:
صج المنطقة في البداية ما راح تكون متكاملة لما نسكنهاااا بس ان شاء الله لما عيالنااا يكبرون راح تكون قامت المنطقة
وقامت حواليهاااا مناطق ثانية..:bbbiu:
ثالث شيء..انا اهم شيء عندي عيالي ابي بيت لهم لان الواحد ما يدري عن الدنياااا..بيت يغنيهم عن الناس..
الواحد ما يضمن عمره..
والله يهدي زوجج..انتواااا اي سنة طلبكم؟؟؟

am_kshaa.. الله يبشرج بالخيررر على هالمعلومة الحلوة..يعنى احتمال يسلموناااا الاراضي على بداية 2011
عشان نبنى <<<وحده حدهااااا متحمسة

هلا اغلى حبيبة..انا بعد سمعت هالمعلومة بس اذا بيسلموناااا الاراضي على شهر 1/2011
ان شاء الله الجو يكون زين...
والله يسر امورناااا واموركم..

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

مرحبا وسلام على الجميع وماشالله كل يوم يطلون علينا وجوه جديده :wqedqw:حياهم الله بدون عد كلكم بون استثناء :balo:وعسى الله يجمعنا على خير -بس ماشالله من كثر الموجودين قمت ادور رفيجاتي مي و حروف وله شرايكم كاننا ضعنا بينهم -ههههههههه بس عساه عامر وزين كانه في اخبار حلوة انه اللي بقطاع سي بيبنون بعد 6 شهور خبر حلوة -يلا يامي جهزي حالج الله معاكم وقلوبنا بعد معاكم ولكل البنات:eh_s(7):

 

[سبائك]

رد: OoOoO تجمـع قسـايـم صبــاح الاحمــد OoOoO

بنات حبيت اسأل شلون اقتنعتوا بصباح الأحمد بعيده وووووووووووايد وريلى رافض نسكن فيها

انا بصراحه اقتنعت لاني جد مليت من الضيق

وقلت لنفسي اجرب الوضع واشوف ما يندرى يمكن نتعود عالبعد مع الوقت
احسن من قعدتي كل هالسنين بشقه عيالي اسم الله عليهم شوي ويصيرون طولي واحنا للحين بشقه لي متى

 

[ليونه الليمونه]

رد: OoOoO تجمـع قسـايـم صبــاح الاحمــد OoOoO

ياهلا بخواتى اغلى حبيبه# ومى الحلوه وسبائك مشكورين ع ردودكم أنا اسبابى نفس اسبابكم وانا طلبى 2000 وبقى شى بينادونها المشكله مو فينى ف ريلى يقول بعيده علينا ولا انا ودى اسكن فى بيت اليوم قبل باجر عشان عيالى يتوسعون شوى ويلعبون بس بقنعه ذبحنا الإيجار

 

[حروف من ذهب*]

رد: OoOoO تجمـع قسـايـم صبــاح الاحمــد OoOoO

السلام عليكم خواتي اشلونكم واشلون العطله معاكم بديتو تسهرون مثلنا الله يعين

كارلوفي انا ماقلت زادو الاقبال على مدينه صباح يالله يكثرهم ان شألله

ليونه اليمونه انشألله يقتنع و تاخذين فيها ونكون جيران

مي الحلوه انتم السابقون ونحن الحقون واذا بنيتي قوليلنا شسويتي عشان نسرق افكارج هههههههههه

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

والله خوووش خبر مي

انا اخر مره رحت قبل اسبوعين يمكن مكتوب ع اللافته التسليم شهر ٤

الله يسمع منج ويسلمونا شهر ١

 

[أغلى حبيبه]

رد: OoOoO تجمـع قسـايـم صبــاح الاحمــد OoOoO

والله خوووش خبر مي

انا اخر مره رحت قبل اسبوعين يمكن مكتوب ع اللافته التسليم شهر ٤

الله يسمع منج ويسلمونا شهر ١

 

[ليونه الليمونه]

رد: OoOoO تجمـع قسـايـم صبــاح الاحمــد OoOoO

حروف من ذهب من بؤك لباب السما

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

مرحبا بنات شخباركم (الصيف قرب والسفر حان طاريه ) في احد بيسافر ولا البيت مخرب الميزانيه

 

[thenutybee]

رد: OoOoO تجمـع قسـايـم صبــاح الاحمــد OoOoO

مساء الخير ياحلوين .....جيران الهنا
خوش بشارة علي سالفة تسليم الارض
شلةنكم يابنات جمعتوا شي للبيت ولا بتاخذون قرض ولا مد ريولك علي قد لحافك

 

[حروف من ذهب*]

رد: OoOoO تجمـع قسـايـم صبــاح الاحمــد OoOoO

بنات باركولي توظفت في وزاره التربيه

الي متوظفين قبلي سؤال شلون حياتكم ؟؟ يعني متي تنامون ؟؟ متي تقعدون ؟؟ احس بيصيرلي حياه جديده الله يعيني والله زوجي ما يبيني اتوظف بس بجرب كل رفيجاتي متوظفات شمعن انا قلت قصه حياتي قلبي متروسا

 

[كارلوفي فاري]

رد: OoOoO تجمـع قسـايـم صبــاح الاحمــد OoOoO

هلا والله تونتي بي - والله اللي مو موفر شي اتاوقع ماراح يحتاج لكن اللي مثل حلاتي الرصيد زيروووووووو شكله يبيله قروض -البنيان غالي وخصوصا اذا انتي بتبنين على مستوى يعني انا من ناحيتي كل غرفتين اخليهم متقابلين بينهم صاله صغيره علشان تصير كانها شقه لانه ابيها حق بناتي لانهم يحتاجون صاله خاصه فيهم لتلفزونهم خو مو حلو التلفزون بغرفة النوم ونفس الشي بسوي للعيال اما بالنسبه لي انا بسوي لي سويت خاص لي غرفه وصاله وغرفة تبديل وطبعا كرمكم الله الحمام وباحط فيه جاكوزي ( اشتغلت الاحلام الحرمان واضح صح )خخخخخخخ - اما تحت باحط غرف للغسيل ومنشر الملابس لاني بصراحه مابي الهدوم تنشر بالحوش اخلي بالغرفه شباك كبير علشان تدخله الشمس واحط مراوح بالغرفه وهم تكون الغرفه للكوي يعني مثل ماتقولون مصبغه -انا هذي الافكار اللي عندي اتوقع ياتونتي بي يبيله قرض -وانتوا يابنات شنو افكاركم منكم نستفيد

 

[سبائك]

رد: OoOoO تجمـع قسـايـم صبــاح الاحمــد OoOoO

حروف مبروك الوظيفه وعسى الله يعينج

بالنسبه للجدول مافي شي يومي ثابت

يوم تنامين مبجر وتقعدين مبجر شبعانه نوم

ويوم تنامين مصيف(متاخر) وتقعدين دايخه تطقين روس بالدوام وعلى هالمنوال

كارلوفي حلوه احلامج تقريبا نفس احلامي

بالنسبه لي الفكره الي ببالي حاليا بسوي نص دور تحت والباقي حوش ساقط يعني الدور الثاني يغطيه وبخلي دار المعيشه تحت قبال الحوش وفيها درايش كبار اشوف فيها العيال واهمه بالحوش

وفوق يصير غرف النوم ان شاءالله مثل نظامج تقريبا

بنات ترى في خوش خبر بالجريده اليوم يقولون مواد البنا نازله اسعارهم حيييييييل الله كريم ودي اشتري مواد واخزن فرصه خوفكم يرد يرتفع السعر على حظنا وقت بنياننا

 

[مي الحلوة]

رد: OoOoO تجمـع قسـايـم صبــاح الاحمــد OoOoO

هلا بنات شلونكم ان شاء الله بخيررر..انا ان شاء الله مسافرة الاسبوع الجاي للعمرة
وبعدهاااا بنروح نتمشى بالطايف والباحة وابهااااا..والله الواحد وده يرتاح شوي ويستانس خاصة ان هالسنة
كنت حيل مضغوطة وهم زوجي بعد..واي شيء يابنات لا يردكم الا لسانكم..وان شاء الله بنجي ان الله يسر امورنااا
قبل رمضان..عاد بنات انا حدي مشتاقة للعمرة..
حروف من ذهب على البركة الوظيفة..اكيد راح تتغير حياتج..لان الوظيفة التزام..ويبيلج تنظمين وقتج..عشان تقدرين توازنين
بين الوظيفة وبيتج وعيالج..الله يسر امورج ان شاء الله..
هلا كارلوفي..شلونج شخبارج..شهالاحلام ههههههههه..ان شاء الله تتحقق..ومافي شيء مستحيل..
انا كنت ابي اسوى نظام الصالات المفتوحة على بعض وفيهاااا درايش كبيرة..

يسمونه نظام الهوردي..يعنى صالات مفتوحة على بعض بس من غير اعمدة..
بس ماعجب زوجي هالنظام..
عشان جذية بنسوى صاله وحدة استقبال مع مغاسلهااا جنبهااا بتكون صالة طعام..وبعدين صالة معيشة لناااا لقعدتنااا اليومية
ومطبخ راهي طبعاااا وانا اهم شيء عندي المطبخ لان اكثر وقتى فيه..ومخزن وغرفة غسيل وكوي..وحديقة خلفية لي ابي ازرع فيهااا
ان شاء الله واحط قعدة حلوة فيهاااا والعاب عيالي..ويمكن بالمستقبل احط بعد في حوشي خيمة وقت الشتاء عشان اعيش جو الكشتات..
صج كلهاااا احلام بس الله يقدرناااا ونحققهاااا..
يالله الله يسر امورناااا ..ويرزق كل البنات..