ماشالله موضوعج يهبل وروعة وكل شي .. وشرحج احلى وبالصور تسلم ايديااااتج اللي حطت الموضوع ..
انا حاليا مو بالبيت فماقدر اصور عطوري ..
بس بحط صورهم من النت ..
بس مجموعتي محدودة لأني ماستعمل عطور شرقية وخلطات من زمان (كنت اموت عليهم وتنسيت فيهم كلهم لو اشمهم جبدي تقلب)
والبخور وهسوالف ماعندي وايد ريل اختي اييبلي نوع ممتاز من دبي من واحد اهوه يتعامل معاه ..
ورشوش البيت اكثر شي من ام عفاف اللي تكون ريحتهم عطور فرنسية مخففة لأن مثل ماذكرت متنسية بالعطور الشرقية ونادر ما القى رشوش مو على عطر شرقي او خلطة او عود او غيره ..
عطوري لمفضلة بالترتيب يعني اول واحد اهوه التوب عندي واللي وراه اقل منه وجذي ..
1- غيرلان اليديد .. Guerlain Idylle
صار اهوه التوب عندي اينن اينن اينن اينن من اليوم لي باجر ..
طبعا كان التوب اهوه نارسيسو رودريغوز لسنين عديدة متربع ع القمة بس هذا ريحته وااااااااايد تشبهه على شوي احلى على ثابتة اكثر بس ترا مو وايد فرق بينهم .. انا حبيته من اول شمه وااايد عجبني شوي ثقيل وفواح يعني يصلح لليل اكثر وللشتا بعد حلو مع بخور ايهبل حق عروس روووعة بس مو للصبح والدوام والحر لالا لااااا تحطونه الصبح عفية ثقيييل وقوي ..
2- نارسيسو رودريغوز .. narciso rodriguez
نفس الوصف السابق بالضبط ومثل ماقلت كان عطري الأول من اول ما نزل قبل سنين ولي اليوم احبه وماله شبيه الا عطر غيرلان اللي فوقه .. هذا بعد مركز وقوي وحلوووو
في منه الاسود .. والوردي (مركز اكثر) .. والسلفر في 2 .. ايدد واحد ما حبيته .. بس ال3 اللي بالاول متشابهين (مالقيت كل الصور) شريتهم كلهم لأني احب العطر اموت فيه ما عدا السلفر الاخير (اهوه الوحيد اللي شكل غرشته يختلف عنهم) مثل ما ذكرت ما حبيته وايد ..
3- جوسي كتيور
هم يديد جنه ما نزل الكويت .. ريحته سويت شوي بس مو حلاو ومو وايد وايد قوي بس حلووو ومميز احلى من باقي عطورهم .. ام مضاوي كان عندي الاول نفس اللي عندج وايد حلو والثاني بو شريطة فوشيه ما عجبني وايد بس جربي هذا اينن روعة ..
4- كلويه ..
ريحته جنه ماي ورد على نظافة على بودر وااايد حلو وقوي ومميز .. احب العطر اللي لي شميتيه تميزينه ريحته ما تتشابه مع باجي العطور ..
5- لولا من مارك جيكوبس ..
ريحته سويت شوي يصلح للشتا اكثر وحلو مدحته لي سياسيه يزاها الله خير وانا بامريكا وجربته وعجبني
6- DKNY be delicious
عطري الصيفي المفضل احبه احبه احسه نظيييييف ويصلح للدوام حتى حق بنتي حق المدرسة احطه حلو وفريش وما يخنق وترا قديم مو يديد
7- لابيرلا ..
ريحته حلاااااااو بس عجبني مع ان مو من نوعية العطور اللي احبها بس حلو .. للأسف بسرعة مليت منه هم ما ينفي انه حلووو
8- فرساتشي كرستال نوار
حلو وشتوي بس ما يخنق وهم اينن مع البخور اكثر شي ..
(انشلع قلبي البحث عن الصور مقفول بدوامنا وتطلع عيني على ما ادور صورة عطر فعذروني)
هذول اللي اذكرهم اذا ذكرت شي زيادة بحطه بعدين انشالله ..
عطور البيت اللي استخدمها اكثرها باث اند بدي ووركس تقريبا كل عطورهم احبها واخذ السيت كامل واستخدم العطر مرة لي خلص ما اكرره امل منه فماراح احطهم كلهم ..
واحب البدي سبلاشز من بوتس كل مرة اجرب نوع غير .. ماكو نوع معين مفضل عندي ..
في وايد عطور صيفية ما حطيتها لأني احب نوعية معينة اللي تكون فريش ومنعضة هذول موجودين عند كذا ماركة مثل اسكادا وسي كي جي لو وغيرهم يعني مو شي مميز وهم ما اكررهم بسرعة امل
