November BaBies 2011 .... أحلى بيبيز

[ضحكت حبيبي]

جبوووور

انا صارلي سنتين ناسيه هالنومه ام ست سبع ساعات

تبطي

من كلامج فهمت انج تنامين
يعني كلما نام الولد تنامين والصبح تعطينه الخدامه وتنامين صح

اقولج شنو متعبج
لمه تحسين ولدج نومته قصيره لاتنامين
ترا اذا نمتي شويه وقعدتي ونمتي شويه وقعدتي جسمج حييييل بيتعب ويصير فيج كسل

انا كنت اسوي جذي مع ولدي كلما نام نمت واايد تعبت

بس الحين عرفت اذا بحصل نومه شوي سنعه يعني ام ساعتين انام بس اذا اقل لا ماانام

واقعد مع اليهال مايصير اهليهم بعد

الله كريم

سكره

انا استخدم صابون فليتي علبته ورديه وعليه ولد حلو واستخدم كمفورت الوردي
بس لاتكثرين صابون عشان ما يحسس

 

[تبطي عظم!]

الحمد لله جبور

بس جد ضايق خلقي ع الوقت الي يمر ماسويت فيه شيء مهم

عندي واجد امور بسويها وبشترك بنادي وابي اشترك فبرنامج عنايه حق شعري بس احس ماكو وقت

واجازتي الوضع بتخلص بعد اسبوعين وما انجزت شيء وشكلي باخذ امومه لان الوضع صعب ماكو نووم كلش

وما اقدر اجهد نفسي راح اتعب. ودوامي متعب اساسا احس لازم ارتب وقتي ونومي انا مرتاحه من شغل البيت خدامتي اهي تسوي كل شيء

والغسيل والكوي عليها بس لازم اشرف عليها وولدي قثيث بس شيلوني يبجي ومن نشيله يسكت وزوجي بس منسدح ويطالع التلفزيون ومايبي ازعاج يعني

وين نروح بروح الشقه كف عفريت صغيره بس الشكوى لله

جد ضايق خلقي واذا بيستمر وضعي جذي راح اذبل وانا ماودي شكلي يخترب بروحي يالله قدرت اصلح جزء من الي افسده الحمال

 

[تبطي عظم!]

ضحووك اي بس قالتلي رفيجتي نامي من الساعه ٧ شبعي نوم واستلميه بليل من ال ١٢ وورا بس احس صعبه اخليه عند الخدامه لي ال١٢

مو عن ما اثق فيها لا اصلا ماتقدر تسويله شيء شقتي صغيره وانا اذا بنام وهو معاها انام عندها. وكل شوي مبطله عيوني اطالعها القاها قاعده اطالع التلفزيون واهو. نايم

سبحان الله لي صار معاها يناام عن
ي قثيث يحنحن ويبجي وعندها ينام لدرجة مرات القاها قايمه تشتغل بالشقه لووول واهو نايم بفرااشه ولا على باله

 

[انجبر قلبي]

تبطي حدي حاسه فيج لأن نفس المعاناه

اقولج يالله أحصل وقت عشان اشوف ويهي بالمنظره

شكلي اخترب و جسمي اخترب ومالي خلق نفسي

و مو شي تونا اصغار جذي هاملين نفسنا

بس شنسوي الياهل لازم نجابله صغير محتاج وجودنا

 

[ضحكت حبيبي]

جبوور

بنتي بعد فيها فتاق بس قال الدكتور خفيف

يقول لانه جدار البطن خفيفه الحين


بنات

اليوم رحت سنتر بوينت تق متاقق لوووول

شريت بجامات حق ولدي بس وطلعت

وبعدين رحت السوق شريتلي هدوم على السريع

ورديت البيت 3 تنانير تقلقصت فيهم

عطيتهم اختي تردهم

 

[careless 5]

جبور
عاد كان ودي اشتري طاولة التبديل من ايكيا بس قلت ما احتاجها

و الشال مال الرضاعة من وين اخذتيه ؟

 

[ضحكت حبيبي]

كيرلس

شال الرضاعة ب4 وشي شفته اليوم بسنتر بوينت

 

[نجمة فجر]

تبطي الحمدلله يوم لقيتي حد يمسك ولج وتنامين لو ساعتين
انا ما اامن حد على بنتي
احس اغار حمدلله والشكر كله ابي انا اللي ارضعها وابدلها وانومها
احس تعودت على نومت بو ساعه ساعتين الحمدلله على النعمه

 

[انجبر قلبي]

وي ضحكت
انشالله يروح الفتاق

كيرلس خذيت الشال من سنتر بوينت خذيت أسود سادة كان ب 11 دينار
اذا صج صار ب4 طيري اخذيه :d

 

[careless 5]

ضحوك
صج صار ب٤ باحاول اوصي احد اييبه لي


جبور
انا ابي اسود احسن

 

[ضحكت حبيبي]

كان في اكثر من نوع

 

[yasmeen_q8]

تبطي الله يعينج انا احس ببجي خلصت ال40 وودي اقعد زياده مو عارفه شلون والحين ولدي خشمه انسد مادري شسوي معاه
واحاتي ردت فعل اهلي حيل تعودوا عليه تخيلوا امي وخالتي يقومون من النوم ايون داري ياخذونه لين بالليل واهو معاهم
انا بس اسهر فيه
بس مع هذا ما انام بهالوقت مادري ليش ما احب انام اول ما ياخذونه ساعتين واقوم

وبس هذي حالتي يعني ما اقدر اقول مرتاحه
بس احمد ربي شايلينه عني طول الوقت
يرضعونه يبدلونله احسهم معتنين فيه اكثر مني

الاشياء اللي ما استفدت منها للبيبي
طاولة التبديل >>> زينه ما استخدمتها كلش حتن اول ايام عالفراش اخذ القطعه اللي فوق مالت التبديل وابدله عالفراش

كرفاية مذركير السله >> خفت تعوره لانها صايره نفس الخشب والستاند مالها احس كان بيطيح
اممم الكرسي اللي من 0-3 شهور >>>يالي منه 4 هدايا ووحده على دورفه يمل ما يبي يقعد فيها يبي ينشال

كرسي السبوح >> امي قالتلي رديه لان ماراح اقدر اغسل راسه واهو قاعد ولا ظهره

المهادات اللي على نحله وام علي والزيبرا بس شكلي بطلعهم الحيين انا امهده بس من تحت ايده ما اربط ايده ولا اخنقه

الملابس الصيفيه

الشفاط اللي عالبطاريه >> احسه عود على خشمه وما يشفط شي اليدوي وايد اشرف
هذا اللي اذكره بالنسبه للي استفدت منه
المعقم شريته مؤخرا واايد مفيد لان بالليل صراحه منو بيقعد يغسل ويغلي مااي ومادري شنو احط الصابون والاسفنجه مالت المميات عندي بالليل ادش الحمام بماي حار اغسل عدل واحط بالمعقم واشغله بالليل واقعد 5 دقايق مل شي معقم وخالص
لا انزل المطبخ ولا اغلي ولا شي

دفاية المميات يعني ما استفدت منها وايد بس تنفع لما ما يرضع وينام شوي بو 5 دقايق ربع ساعه وتبرد مميته ادفيها

المطاره الحديد قبل لا انام اغليله ماي بيبي واترسها تحفظ لي الماي حار للصبح ما احتاج كل شوي اسخن الماي بالغلايه يادوب اعبي نص المميه لان يكون مغلي اخط الحليب اذوبع واحط النص الثاني ماي عادي مو حار اخضه وتكون مميته جاهزه دافيه لا حاره تحرقه ولا بارده
وهم وايد تفيد بالطلعات

الاسفنجه مالت التبديل اللي تنحط فوق الطاوله احطها عالفراش وابدله

اللهايه لما يكون يوعان ومو صابر احطها بحلجه على ما اروح اسوي مميته

العربانه مفيده حيل للطلعات سوق ما سوق وهالسوالف

علاقة المميات عقب ما اعقمهم اعلق عليها المميات عشان ينشفون وعشان يكونون جاهزين للاستخدام

شفاط الحليب اول شهر ما استغنى عنه لازم اشفط فيه عشان اشربه من صدري او يحتقن صدري

مخدة الرضاعه اسند ذراعي عليها وانا شايلته واحيانا اقعده عليها احسه يرتاح فيها

الطقم مال الاظافر المقراضه بالذات مهمه اظافره مل اسبوع لازم تقرضينهم

مقياس الحراره كل ما اوسوس اقيس واشوف واتطمن عليه

هذي العلبة المقسمه مالت الحليب تغنيني وقت الطلعه عن علبة الحليب العوده احطله بكل مقسم 4 مكاييل حق مميه

كريم الويه سيباميد عشا الحبوب اللي تطلع بويهه والحمار

 

[انجبر قلبي]

بنات حبة حلوة جم مرة باليوم أقصى شي ؟

وجم رقم أقصى شي خالتي تقول لا تعطينها اكثر من رقم انا بصراحة اعطيها اكثر من رقم بس مرة باليوم

وجم حبة سكر نبات خالتي تقولي لا تكثرين يمشي البطن انا احط اربع حبات تقولي وايد مادري شرايكم

لي تعرف تقولنا

 

[yasmeen_q8]

مادري انا امي قالتلي عطيه رضعه كامله اعشاب مره حبة حلوة ومره كراويه وينسون
واحط ٢ سكر نبات تقول امي شوي !!!!
تفاوت بالاراء

 

[yasmeen_q8]

بنات ولدي انفلونزا فيه وكحه
شسوي ؟!
شعطيه؟!
منو جربت تعطي بنتها او ولدها حبة رشاد ؟!
زين ولا لا حق الياهل ؟!
لان كل ما اقول حق احد يقولي لاا اول مره نسمع ؟!
الحلبه قالولي زينه للبلغم والكحه بس مابي اخربط له وايد

انتوا شنو سويتوا حق عيالكم؟!

 

[ضحكت حبيبي]

انا ذيك اليوم مسويتلها ينسون وحاطه ثلاثه سكر نبات

امي قالتلي وايد حطي وحده او ثنتين مو اكثر

لووووووووول

كانهم بدعو فينا


بصراحه ماعندي شي شاريته وماستخدمته
لانه انا ماكنت شاريه اجهزه وجذي

يمكن لانكم اول بيبي ماخذين كل شي

انا احس توني اشتري اللي محتاجته

توني اخذ مميات براون

وقاعد ادور سخان مميات زين



ذهب وعواشه

جربتو السخان بالسياره

اهم شي حق الطلعه

لانه اذا شافطه الحليب وطالعه

وين بحط ماي بالكوب وحط فيه المميه تدفى

بروح الغانم ويوريكا اشوف اللي عندهم اذا ماعجبوني باخذ مالت توصيل البرتقاليه

 

[قلبوا انا]

الله يعينك تبطي
حتى انا اذا بنتي معي ماتنام
واذ عطيتها الشغاله بس نايمه
وكل اللليل سهر وصياح
اللله يعين المشكله انا دراستي صعبه

 

[لبى خشتك]

من الساعه ١٢ وانا بجاك ديسنانج

صبغت بني لون واحد يهبل
وسويت بدي كير منكير
واللحين بروح السوق اخلص سوالف قمصان النوم والبجايم
والميك اب وبمر سنتر بوينت اشتري حق ولدي كرسي وتبانات وافرولات ملوت البيت
وبمر اوكايدي بشترليه بدله
هذا برنامجي اليوم ان شا الله

وباجر برنامجي غثيث اشوي

وبرب لي عودة

 

[ضحكت حبيبي]

عافيه لبى

انا ان شاء الله الاسبوع الياي ببلش سوالف الصالون والليزر ان شاء الله

 

[انجبر قلبي]

ما يشوف شر وليدج ياسمين
بس رشاد حق البيبي ! حق شنو جنه قوي عليه انتي احد قايلج عنه
جربي الحلبة حقه دام انها معروفة وآمنه

ضحكت
الليزر احسن لج قبل 10 ايام من طلعتج او قبل ال10
لان الشعر يبدي يطيح بعد عشر ايام انتي شكثر باقي ع طلعتج


لبى نعيما

اقولكم آنا و ريلي متزاعلين في هذي المناسبة السعيدة «« يوم زواجنا