November BaBies 2011 .... أحلى بيبيز

[انجبر قلبي]

بنات اذا بعطي بنتي حبة حلوه كل يوم عادي والا كل جم انا امس معطيتها أعطيها اليوم بعد ؟

 

[انجبر قلبي]

كيتي عليج بالعافيه حبيبتي وناسه دام شفتي تعليقات ايجابية

 

[لبى خشتك]

جبورة
اي عادي تعطينه لو باليوم ثلاث مرات
انا اعطي ولدي حبه حلوة قفشه ويانسون نص قفشه وكمون قفشه
لان اليانسون حار ع بطن البيبي
احطه بقلاص ماي حار وانقعه ساعه
بعدين اعطيه

 

[انجبر قلبي]

ثانكس لبى ريلي يقول لاتكثرين لأن بعديم تكره حليبج اذا ذاقت شي حلو .. آنا أحليه بسكرنبات ف مادري

اذا باليوم مرة يعني مو مكثرة

 

[تبطي عظم!]

كيتي

انا ساكنه عند حمولتي بس وضعي غييييير عن كل البشر حمولتي حضر احنى من نفس العايله

بس عايلتنا متحفظه شوي يعني فاصلين الرياجيل عن الحريم اهل زوج لا قعدتهم اكلتهم قومتهم وحده رياجيل حريم

حتن صاله معزوله ماكو الا استقبال الضيوف وانا توني ماكملت سنه عندهم اعتبر عروس للحين ما امون ابطلها واجمع الحرم بروحنا فيها

وزوجي عسر من خذاني ينزلني بعبايه كتف ونقاب علشان اخوانه وما انزلهم حالتي صعبه ويرثى لها الحين ابجي

عاد قلت هالمره بلبس بدله وبقدوغصبةبالاستقبالبستانس بطلعتي وماعندي احد كلهم خالتي وحماتي لان حمواني وحريمهم مسافرين

ماكو احد كلش اخب نفسي عنده وزوجي لا ريت بدله مو صج اغرااء لووووووول كلها دانتيل مو مبطن هههههه ما استحي

تحمست متى اطلع ههههههه*

 

[تبطي عظم!]

وع يالايفون بدلياات عاد فججو هههههههه

 

[لبى خشتك]

تخيلو بنات اليوم لي١٩ ولي اللحين ماطاح الخياط
وولدي ماطهرته وين تنصحوني اطهرة

 

[انجبر قلبي]

عواش وينج بسألج عن سالفة الحليب اللي ما اتخلص ههه

الحين شسمه أبتاميل كومفورت

مكتوب من ورا طريقة التحضير

انا بنتي تشرب 90 مل تقريبا مرات60 بس لازم يبقى ما تكملها كلها

طريقة التحضير من عمر شهر كاتبين 150 مل

ابي اعرف هالكمية كمية تحضير بس والا الكمية اللي لازم الياهل يشربها بهالعمر

لان وايد 150 ما تشرب هالكثر بنتي

 

[تبطي عظم!]

لبى خشتك انا توني من ٣ ايام طهرت ولدي بمستشفى السلام عند دكتور اشرف كابش

ماشاء الله ولدي مافيه شيء من خذيته نايم وثاني يوم صحى مافيه شيء الحمد لله

فتح الملف بـ ٢٠ والطهور ٥٥ دينار الادويه بحدود الـ ١٠ وشيء يعني التوتل شيء و ٩٠ دينار

 

[لبى خشتك]

امدحولي تطهير الهادي
والله حدي محتارة وين اوديه
مابيه يبجي لاني انا ع طريف ابجي معاه
يارب يعطيني القوة

 

[ام الحوراء زينب]

لبى انا طهرت ولدي بالراشد ب50

 

[3awaasha]

أم الحوراء
سامحيني توني أرد عليج
الدوا تعطينه قبل كل رضعه مقدار القطاره كامله والله وايد حلو
جبور
أنا ولدي بعد حبيبي صار فيه بصدره بلغم وإذا عطيته الحليب يرجع نافووووره صاير مايرضع مثل قبل يقولون زيت السمسم زين تدهنين فيه الصدر وتدفينها يطلع البلغم

 

[انجبر قلبي]

البلغم موضه وعليه كل البيبيات فيهم شسالفه

ودي أجرب السمسم آنا قالت لي رفيجتي تعطي ولدها قفشة سمسم 3 ايام و يطلع بالحفاظة او من حلجه

 

[3awaasha]

ههههههه جبور نفس السؤال سألته أمي انصدمت بصراحه لأن ولدي إذا كان يوعااااااان حده يشرب 90 ماأتوقع يقدر يشرب 120 أتوقع في يهال ماشاالله شهيتهم كبيره فأهمه حاطين أتوقع أعلى لمت ممكن تعطينه البيبي وكل واحد على حسب شهيته مادري هذا تأليفي
ولدي طالعلي طلعه اليوم طلعت وأمي سوتله حليب مارضى يشرب إلا نتتتفه ويطلع المميه موووراضي يبيني الظاهر يوع نفسه لييين رجعت هجم علي لوووول مادري شسالفته الأخ الظاهر موعاجبته المميه :eh_s(10):

 

[yasmeen_q8]

انا بعد طهرته ثالث يوم ولاده عند اشرف كابش لا اله الا الله عليه ماشالله شااااااطر من قلب طهر ولدي نام وثاني يوم قام ماكو شي بس اول ٣ ايام لما ابدله يبجي عقب خلاص صار زين وعلي مر الاسبوع صار زين من تحت صج شاطر وايده خفيفه

 

[انجبر قلبي]

لول يا حلوه سمالله عليه آنا بنتي جذي لا ياعت تهجم على صدري هجوم حدها اتضحك

آنا أتوقع هذي الحسبة عشان مجرد تحضير لان أي زيادة أو نقص انتي قاعدة تغيرين بتركيز الحليب يعني تخففين ااتركيز او تزيدينه اهما طريقة التحضير هذي كل عمر يشرب تركيز معين الظاهر

قمت أخربط اشتغلت الكيميائية

 

[انجبر قلبي]

بنات منو أشرف اللي بالسلام أهو نفسه أشرف ملك السونار والا واحد ثاني

 

[عقد لولو ~]

ضحوك
شلون هاي اللصقات مالت منع الحمل ؟؟
شلون استخدمها وشلون تصير وهيك !
اييييييييييييه @@ صح كلامج
امي كانت ترضع اختي وتوها مخلصه اربعين ماشاء الله مابين اختي واخوي الا عشر شهوووور يعني جبور لاتقولين ماتحملين اول ماتطلعين من الانفاس يصير حمل وتحملي انتي قيصري على الاقل نطري 6 شهور علشان الجرح من داخل
بس صج عمة ريلي ماشاء الله تبارك الرحمن سنتين ماجاتها الدوره وكانت ترضع .. سنتين وشهرين جنه ماشاء الله
وفي ناس منتظمه دورتهم للحين بنت خالتي للحين وهي ترضع ورفيجتي بعد يعني احس على حسب


بطبط
انا زدت كيلو هههههههههههههههههههههههه تميت اضحك اول ماوزنت
عقب انقهرت
حياتي اخذي فستان ناعم من كارن ملن عندهم فساتين ناعم حلوين ويجونج على الجسم راص مادري إذا عندكم فرع والا لا بس اكيد عندكم :$

جبور
حياتي بسالج هاي حبوبج سيزاريت حق رضاعه ؟؟
وصفتها لج دكتوره !!
ومبروووك التراجي حق العروس فديت روحها يعلها تلبس شبكتها يارب
ايييييييييييييييه عليييييييييييها بنتج اح عورت قلبي ليش ماجيكتوا على الحليب !!
بسالج عن الرضاعه الطبيعي .. ايش يكثر الحليب كلت رهش ماشاء الله در الحليب واجد
بس خلص الرهش وعجزانه اني اشتري هههههههههههههه قولي لي غيره
لان احس سدري صغير مافيه شي !! بس ماشاء الله لين تشرب بنتي يطلع منه حليب
ايه وبعد متى تعرفين شبعت بنتج ان شربت رقمين كاملين او ان خلاص شبعت
لان مرات بنتي تكون شبعانه وتكمل تشرب لين تشرّق عمرها وعقب وانا اطلع الهوا منها
ترجع كل شي !! يعني شكثر تخلينها 10 دقايق اممم ربع ساعه ! وترضعينها من صدر واحد والا واحد وتوقفين وعقب الثاني وراه على طول !
وكم بين الرضعه والرضعه
اييييييييييييييييييه تكسر خاطري ساعات تصيح ماتبي الا صدري يعني لو اعطيها مميه تفتح حلجها زياده ان تبي صدري ولين احط صدري بسم الله عليها ماشاء الله تحسينها تهجم على قولتج ربي يبارك فيهم ويجعل الحليب يسبّح وهو يدخل معدتهم يارب
بسألج بعد :$ عن الكرشه كح وشو عليها الحين شكلها عادي ! لونها عادي شنو ردة فعل ابو البنت هههههههههههههه
ابيه انا حدي منحرجه منها على قولة كيتي دلاغ فيه تراب ترى جد انا لان ماتعودت اشوف جسمي جيه لين اشوف روحي فالمنظره ابي اصيح والله تتعب نفسيتي وانا البس المشد لان اجابل نفسي فالمنظره والبس
فتّح لونها ؟؟ دشت على داخل ؟؟

فيوليت
ليش دبوووه لج فريييييييه !!!

سكور
قلت حق رفيجتي فامريكا تسال دكتورتها عن القيصري مع المشد وجيه
وقالت لها عادي عقب اسبوعين انا امس لبسته ساعتين والمشد العادي فالصيدليه اتوقع علبته برتقاليه اسمه ول كير شي جيه وصورته لها قالت لي ايه هاي اللي هي قالت لي عنه وهو له مقاسات سمول وميديم ولارج خذت لي اختي ميديم مع اني انا كله سمول !!
امس لبسته ساعتين وهو ميديم مع العلم ان اول ماخلصت اسبوعين لبسته كان يصك نصه ومالبسته الا كم يوم وساعه او ساعتين بس ماكثر واليوم يوم لبسته صك لين اخر شي الحمدلله ماشاء الله واحس ان كرشتي مرخيه مب شادها عدل يعني يبيلي مقاس اصغر فبكره باخذ سمول


بنات القيصري بسالكم سألتوا دكاترتكم عن الرياضه ؟؟ حد سالهم عن السباحه خاطري اشترك في نادي سباحه عقب الاربعين والدكتوره الامريكيه قالت لي عقب 6 اسابيع من الولاده عادي الرياضه انتوا شقالوا لكم ؟؟؟

 

[لبى خشتك]

بناااات
شصار ع كيرلس والماسه؟

 

[انجبر قلبي]

حبيبتي عقد حبوب المانع اي وصفتهم لي دكتورتي و قالت ما ينشفون الحليب مثل الباقي

والله يبارك فيج حبيبتي عقبال عروستج يا رب

اللي يكثر الحليب اي شي فيه عيين مثل القبوط و المرقوق الخبز هذي الاشياء .. وطبعا الحلبة بس انا ماخذيتها عشان مالي خلق أعابل بالريحة بس كنت آخذ لهوم مخلوطة فيه الحلبة مجرد ما آخذه تطلع فيني ريحة حلبة بس فعلا احس الحليب يزيد .. اذا ودج فابدة الحلبة بدون ريحة اخذي حبوب الحلبة من الصيدلية الدكتور يقول نفس الفايدة

الدكتور يقول احسن طريقة للرضاعه ان بنتج ترضع من الصدر اليمين 10 دقايق و اتريعينها بعدين تحطينها ع الصدر الثاني و ترضع 10 دقايق و اتريعينها وبس.. عقبها بساعتين الرضعه الثانيه.. بس هالطريقة صعبه على بنتي لأنها اتطق بريكات واهي ترضع بطيئة و مرات تنام ما تكمل الرضعه ف بسرعه اتيوع ماقدر انطر ساعتين

اما كرشي خفت وايد بس ما دشت لي داخل شكل بطني ما رد قبل الحمل بس شكلها وع للحين خطوط فيها بس لونها فتح وايد عن وقت الولادة بس ما زالت تلوع الجبد احس بترهل فيها .. بس أشوة رده فعل ريلي عادي يقوللي فديت هالكرشة يابتلي بنوته حلوة لول بعد غصبن عليه يرضى بالكرش عيل اييب بنوته بدون مضاعفات ما يصير