November BaBies 2011 .... أحلى بيبيز

[3awaasha]

ويييي جبور حبيبتي بسم الله عليها لاتخافين انشاالله مره وحده ماتأثر
أنتي ليلحين ترضعينها؟
وجم مره باليوم تعطينها صناعي تقريبا ؟؟

 

[ام الحوراء زينب]

بنات أنصحححكم بدوا الغازات مال الأطفال أسمه إنفكول رووووووعه ماشاالله بالبدايه مايسوي شي نطري جم ساعه والله ريح ولدي حيييييل الحمدلله هدى حبيبي وقام ينام طلع منه هوا وااااايد أنصحكم فيه أنا جربت وايد أنواع هذا أحسن نوع

عواش حبيبتي شلون طريقته عندي ياه بس ما اعرف شلون اشربه وشكثر

 

[ضحكت حبيبي]

دندون

يمكن بطنها يعورها مسكينه ماتشوف شر

 

[ضحكت حبيبي]

جبور

لاتطلعينها بالبرد بروحها تعبانه

سويلها الحركه اللي قلتلج مالت زيت الزيتون دوائر مع عقارب الساعه اير مدار السر

 

[انجبر قلبي]

الله يسمع منج عواش وما يأثر

آنا أرضعها و الصناعي مرة باليوم ... قليل جدا يكون مرتين

 

[انجبر قلبي]

ضحكت

اي انشالله بدهنها بزيت زيتون ... و اقرا عليها

حبيبة قلبي حتى واهي نايمة تسمعية تونون وآهات

 

[سكرة هانم]

السلام عليكم
السداده نزلت مثل الجلي الشفاف او صمغ بتكس

حمادو ذبجته الغازات والاسهال احسه نششششف مع اني اعطيه ماي غريب مال المستوصف


:/ اليوم كنت اسبح ومخليته عند اختي طلعت والا ابوي الله يهداه مشربه حليب مال الفير يقول بجه وكسر خاطري
شلون بنات الممه صارلها مدددددده

 

[ضحكت حبيبي]

سكره

ديري بالج ترى موزين

اسم الله عليه


بنات

باركولي حطيت وتس اب لوووول

جبور ترى رقمج عندي

 

[انجبر قلبي]

سكره مو زين الحليبه القديمة كلش أول ما تخلص منها كتي البواقي لا تخلينه
والحليبه الباردة تسوي غازات

ضحكت مبروك حبيبتي .. ضيفيني عادي آنا البنات ضايفتهم

 

[تبطي عظم!]

قووه

بناات اخر مشترياتي لوووووول

عطر كارتير الجديد مو صج انصحكم فيه خذيت الصغير بـ ٣٣

وحمر مات من ماركه n7ْ الوحده سعرها ٤.٧٥٠

شريت بدله عاديه وتافهه ومو مقتنعه فيها بس خلاص مليت ادوجه والجو باارد مالي خلق خلاااص

والبدله صيفيه لوول ماعجبني ولا شيء شتوي ~


واحبكم ههههه

 

[دانة الاحرار]

واي صدري يعورني
مع اني ارضع وكل اموري تمااام ومن ولدت ما عورني على طول ارضع واشفت
بس اليوم وايد يعورني صدري اليمين مع اني رضعت بنتي منه وشفطته قبل شوي
وسويت مساااااج له بدش حاااار بس للحين يعورني شنو الحل بناااات ؟؟

 

[تبطي عظم!]

بنات اي شريت مجموعة التوت البري من بودي سنتر عجيييبه انصكم تشمونها والشموع عندهم موووو صج

 

[تبطي عظم!]

دانه

تصدقين انا من وقفت الرضاعه نشف صدري برووحه !!!

مع انه كان مليان حليييب وكبير حيييل اول اسبوع وثاني اسبوع صاار صخره وشفطت الحليب لدرجة طلع معاي ٣ ارقام

ورضعت ولدي منه وقمت احطه على صدري بعدين ابيه يرضع ومايبي قام ظهري يعورني من كثر ما اجندس علشان يرضع

عاد خليته ع الصناعي وامس وانا اسبح اضغط بشوف في حليب ماكو شيء مايطلع شيء

 

[انجبر قلبي]

تبطي عادي مجرد ما تخلين ولدج يمص راح يطلع أتوقع

لأن انا مرات جذي صدري يصير نفس الصخرة ارعص ما يطلع

بس لمه ادلكه بشكل داري و اخلي بنتي تمص يخر لول

 

[انجبر قلبي]

دانه صدرج يعورج والا الحلمة

اذا الحلمة دهنيها بكريم فيتوماما يريح

 

[kitty eyes]

مبروك ضحوك الواتس اب

عاد للحين البنات مسوين قروب والا شنو

جبور

ما تشوف شر بنتج

بنات ديرو بالكم الجو مرض

يعني حتى السبوح مو لزوم كل يوم حق عيالكم

ضحوك ما سميتي العروس

 

[kitty eyes]

تبطي

انتي ببيت حمولة

اذا ببيت حمولة نفس حالتي

لازم الكشخة والبدلة تكون توب

بالنسبة لي انا طلعتى مسوية تسريحة ومكياج شوي ثقيل لان زوجي يحب جذي

ودراعة استقبال ىنظام بدلة

قطعتين اللي داخل قصيرة وفوقها مثل البشت

الكل سال عنها

مسويتها عند مشغل بجنوب الجهراء حيل حلو شغلها

 

[انجبر قلبي]

كيتي

آنا هم فبيت حمولتي ساكنه

بس ما كشخت لهم مالي خلق لول

بيت حمولتي ما نقعد قعدة حريم واقط شيلتي وجذي

لا لازم الشيله موجوده لا نزلت لهم لا حمواني يمرون او يقعدون يعني الوضع ما يسمح وايد

 

[الـزين و الجـود]

قوه مامات شلونكم مع هالبرد
بقول لكم شنو سويت وشنو شريت
طلعت لي جم موديل من النت ودخلتهم وان شاء الله تضبط
ورحت معرض العطور شريت قوتشي وديور وخمريات شعر وعطر عربي ودهن عود
وشريت حمر بوس على قولتهم فوشي وعنابي و بيج (;
ابي لي جنطه وشوز اسود واحمر وذهبي وين تنصحوني! !
ان شاء الله بااجر ببدي برامج حمامات مغربيه والذي منوو (;
وبس..*

 

[kitty eyes]

انا جذي ما انزل الا بشيلتي وما اقط لان حمواني على طول قاعدين

بس الواحد راح يستحي بيقول المرة جاية وكاشخة ويستحي ويخلي لج مجال تقطين

بس شوفي انا متعودة منهم يسوون عشا لي بطلعتي

بس هالمرة ما سوو فزوجي شافني كافي

سوينا عشا للحجاج بعد طلعتي باسبوع

ولبست البدلة وكشخت بعد علشان توني طالعة

والله كل الحضور سال عن بدلتي ومكياجي