November BaBies 2011 .... أحلى بيبيز

[yasmeen_q8]

فوفو انا خذيتله بيبي لوشن من مذركير
ما احطله واايد ومقشر جسمه وويهه
بس يرطب لما احطه له لو التزم يروح

ثانكيو فوفو بجرب طريقتج

المشكله ما يحب الاعشاب الحبه الحلوة غصب ياخذ منها اللي اهي يسمونها بعد كراويه

 

[انجبر قلبي]

آنا كل المجموعه استفدت منها ما عدا خلطة القهوة لأني مو شريبة قهوة مالي خلق كل يوم قهوة ما اشتهيها و نفس الشي التمر

 

[kitty eyes]

شلون الامهات الحلوين

بخصوص البشرة

لازم تقشر

والا الراس يوووووووووووووووه متعب لما يقشر

بس سستر علمتنيى طريقة

احط بيبي اويل على الشعر وادلك على خفيف قبل السبوح

وبعدين اسبحه

وارطب جسمه بكريم جونسون حيل حلو

 

[yasmeen_q8]

سكور انا لي الحين ١٠ ايام
او ١١
ما التزمت واايد
بس اعي حاطه كميات كبيره
اللهوم مفيد بس ماكنت اخذه مرتين
الحين بديت بالسفوف طعمه كلش مو متقبلته غصبت نفسي اكله اليوم بس بغيت اًرجع بس للامانه نزل مني كتل متجمده وصخ ما تتخيلين اخترعت
شاي الاعشاب يوميا اشرب منه
خلطة القهوة قريباً بجربها اللي ما استخدمتها منقوع الغسول لان غرز ولوويه اخاف والدكتور حذرني من اني استخدم اعشاب او اتنقع فيها
بس هذا اللي شفته حاليا

 

[kitty eyes]

جبور شلون العروسة

يا حلو البنات

على طاري الطهار

انا للحين ما طهرت ولدي

لاني جبته بالثامن

وتوه صغير

بس مراجعته اللي فاتت عند دكتورة الاطفال قالت الحين تقدرين تطهرينه

وعطتني اسم دكتور شاطر بالسيف مع ان دكتورته برويال

بس قالت الدكتور هذا احسن من دكاترتنا

وان شاء الله على الاسبوع الجاي بعد الامتحانات اروح اطهره

 

[kitty eyes]

سؤاااااااااااااااااااااااااال؟؟؟؟


شنو الشي اللي شريتوه بتجهيزكم وتحسفتم انكم شريتوه ؟؟؟\

لانه ماله فايدة

 

[yasmeen_q8]

شوق اي لاحظت ان شوي شدت بس ما راحت خفت مادري منه ولا اهو جذي بس يشترط معاه شرب كميات كبيره من الماي والسوائل اذا انتي من نوع اللي ما يشربون ماي وقت النفاس ماراح ينفع وايد
وطلبت لايتس من امازون اللي تبيعه ام مريومه
يضعف مقاسين

 

[Violetta]

ياسمين حطي سكر نبات مع الاعشاب بيشربه انشالله
انا اذكر عبث قالت من يوم ٣٠ تحط يوم و ترك البوثيل
فبسوي مثلها

 

[Violetta]

كيتي مخده الرضاعه لووول ماستفدت منها لانها نازله مو عاليه يعني لازم هم احط تحتها كوشيه

 

[سكرة هانم]

لاني بطلب الكورس ادري متاخر بس بلحق على عمري واخاف مو كل شي استخدمه حرام ينقط

انا طهور ولدي ٧/١٢ يكون اسمالله عليه كمل ٣ اسابيع بالاميري
اول كنا بنطهره بالمستشفى بس حيل عنونو عمره يومين قلت ااجل


جبور مشكورة عالطريقه لان صج اخاف الله لا يقوله يغص او شي بجرب اليوم امسح ظهره مثل ما قلتي

 

[ضحكت حبيبي]

شلون الحلوين

أنا طلعت من المستشفى وابتدا مشواااار السهر

والغيره

 

[ضحكت حبيبي]

بنات وين عبث وسكره وايوون

 

[Violetta]

بصراحه الله يعينكم على الطهاره و نصيحه لاتروحون معاهم خلو امكم او اي احد يروح
انا اذكرت متتتتت من البجي

 

[تبطي عظم!]

ضحووك الحمد لله ع السلامه والله يعينج صج ع الغيره هذي اتعب اكثر. من السهر

اليوم بلشت عنايه بنفسي خلاص وااي مصختها صارلي ١٨ يوم ولا سويت شي

امممم وببلش من باجر اطلع السوق اتشرا واذا صارلي ٢٥ يوم بروح حق الرداده الايرانيه ام عبدالله

بنات الي كانو ياكلون حبوب مانع حبوبكم جم يوم !!

انا الشريط فيه ٢٨ يوم !!

الي اعرفه كل ٢١ يوم موو

هالحبوب غريبه وامي تقول اكليمهم ماصرفهم الدكتور الا انه عارف انهم ممتازين ~

وسؤال ثاني بلييييز بنات الخياط الي داخل متى يطيح !!

 

[ذهــب]

بطبط
انا اللحين صارلي ٢٢ يوم وماطاحوا باقي الغرز ويعورني بعد لإني موقفه المسكن ... وانا استخدم البيتادين وخواجوا

وبعدين شلون بتطلعين بالنفاس براا برررررد مو زين للنفاس بيجيج خراب صدقيني بتحسفين انا جسمي ليما اللحين تعبان عظامي تعورني حتى عضلاتي مااقدر امشي مسافه طويله يمكن من الكرتزون اللي خذيته قبل الولاده...

 

[3awaasha]

مسااااء الخير ياحلوات شخباركم :eh_s(7):
توني راده من الأفينيوز زححححححمه موووووت
لاعت جبدي أربع ساعات وأنا أحوس تقطعت
وآخر شي شريت كل بدلي من محل واحد لووووول من العيز
وشريت عطورات للجسم باقيلي ملابس للبيت وبجامات
ضحوك
الله يعينج بدى مشواااارج
ياسمين
الله يخليلج سلمووووني حلاته
حتى انا ولدي أدلعه سلموني بس ولدي سميته سلمان على أبوي فديته
والله يعينا على الطهوووور يقطع القلب أخس شي لما ياخذونه مني وأنا أقعد انطره :eh_s(2):

 

[انجبر قلبي]

ياسمين
غسول أم خالد ما تستخدمينه الحين
اهي كاتبه يستخدم الغسول آخر 10 ايام من النفاس ينظف و يطهر و يضيق من بره

كيتي
الحمدالله حبيبتي إبنيتي تعبانه من بطنها و اسهال و تبجي فوق ال6 ساعات و ماتنام ربي يشفيها انتي شلون وليدج
الشي اللي ما استفدت منه اهو سرير بنتي الصغيرون مال النفاس طبعا تنصدمون بس بنتي تصرخ لمه احطها فيه واذا كانت نايمة تقعد فكله افرشلها يمي بالفراش و تنام بعد عمري بس ما ألصق فيها طبعا اخاف اطقها والا احوشها وآنا مادري .... واللي ما استخدمته للحين معقم المميات احس مالي خلق كله افوح المميات.بماي حار يمكن اذا رجعت شقتي استخدمه بس صراحة تحس ماله لزمه


سكوره
اي لازم ايتريع عقب الرضعه والا حرام وعليه يعوره بطنه من الغازات
و على طاري الكورسيه بالعكس مو متأخر لأن انتي قيصري الكورسيه تلبسينه بيوم 20 او 20 يعني هالحزة
انشالله ايسوي شغل .. آنا الحمدالله كرشتي وايد خفت كل يوم اسويلها مساج بالكريم صج بين الفرق الحين باقيلي اسبوع انشالله واطلع من الاربعين

 

[انجبر قلبي]

ضحكت
الحمدالله ع سلامتج والله يعينج يارب

تبطي
حتى آنا حبوبي سيزاريت فيهم 28 حبة بس ما فهمت عادي شنو يفرق جم حبه داخل ؟ شلون طريقة استخدام حبوبج ؟ آنا هالحبوب آخذهم على طول كل يوم بنفس الساعه حتى بأيام الدورة ما أقطعهم ... جنه الحبوب الثانيى توقفينهم بالدورة مو فاهمه بالضبط


بصراحة الله يعينهم على اطهور الولد مو متخيله لو اني بمكانكم مالي قلب ... آنا أبي أقض أذاني ابنيتي واحاتي شلون انتو .. ودي هالاسبوع أقض لها قبل لا اطلع شقتي

 

[تبطي عظم!]

شلوونكم بنات اليوم رحت وخلصت البجايم ولبس الشقه

وشريت كذا بدله للبر لووول ناويه اطلع البر لي طلعت من الاربعين

ذهب بالعكس الجو زين الحين وانا مدفيه عدل مدل لان انا طلعتي من الاربعين شهر ١٢ قمت البرد ودي اخلص قبل يدش شهر ١٢


واخلي اخر الايام حق الصالون بس ~


ابشركم بنات قست وزني نازله ١١ كيلو انا كنت زايده بحمالي ١٩ يعني باقيلي ٨ كيلو ناويه عليهم بعد النفاس ان شاء الله

بنات ابي جناط حلوه وين احصل ابي بحدود ٥٠ دينار طبعا اقصد جنطة يد حق طلعتي

 

[تبطي عظم!]

جبور شلون تاكلينهم بالدوره !!

الحبوب من تخلصين الشريط خلاص نطريها تنزل وبعدها تاكلينهم خامس يوم الدوره

اقصد ٢٨ يوم مستغربه لان امي اذكر قبل حبوبها كل ٢١ يوم عرفتي !!

بس دام حبوبج نفسي اشوا

ياحياتي وليدي موعد طهوره يوم الخميس وحدي احاتي