November BaBies 2011 .... أحلى بيبيز

[3awaasha]

على طاري عوار الرقبه بسبب الرضاعه ذبححححني بالنفاس لأن بليل لما يقوم أحطه على صدري وأنام وأنا قاعده فراسي يطيح وطقني عرج موووووطبيعي الألم نزل على إيدي أووصل لي كف إيدي والله ماأقدر أحركها بس الحمدلله استخدمت اللزقات مالت العضلات جم يوم راحت وألحين خلاص تعودت الحمدلله
تبون الصراحه بنات بدون الرضاعه الطبيعيه ماأحس أن في رابط بيني وبين ولدي مايحتاجني

 

[تبطي عظم!]

اي والله بنات اهو والله لو كان يرضع ما اوقف عنه الرضاعه بس تعبني حيييل اسبوعين

اعابل معاه مايرضع لين اشفط بالممه والشفط يعورني ومايطلع الا رقم ورقمين

*وللحينه جوعان يبي وقتها اختلط معاي عوار الخياط والنفسيه الزفت تعبت

ووقفتها عنه لانه دعله ههههههه حتى مع الصناعي يقث والله يرضع رقم ويوقف وبعد نص ساعه اذا بردت الحليبه يبي يكملها بالله هذي حاله !!!


بس شسوي اجرنا على الله

 

[تبطي عظم!]

عوااشه صاجه الرضاعه الطبيعيه اصلا تزيد حنان ولدج عليج لي كبر

وملاحظته باخواني اثنين منهم امي رضعتهم طبيعي واكثر اثنين حنونين حييييييييل على امي

اصلا سبحان الله ولدج لي كان جوعان تحسين بدر بصدرج صارت معاي اول اسبوعين احس بدر بصدري دايق ولدي يبجي

يبي حليب بس يقثني مايرضع

 

[انجبر قلبي]

الله يعينج تبطي

ما حنكتي ولدج بتمره بعد الولادة

آنا ما حنكت بنتي بس يقولون يحنكونهم عشان يتعلمون المص

 

[تبطي عظم!]

لا والله ماحكته اليوم حنكته بس احس متأخر لووووول

باجر برد شقتي باجر يصيرلي ٣٩ يوم


والاحد اربعيني بس برد باجر لان زوجي مو موجود مداوم برتبها وبحط كفري وببخرها

ويوم الاحد زوجي بيجي ع الريوق بس ما ادري شنو البس !!


بدله ولا شنوو !!!!!

لان بليل بسوي ليله رومنسيه لووول راح البس البدله الدانتيل

بس الصبح ع الريوق بيجي الساعه ٦ الصبح شلبس حزتها مو عارفه !!

 

[ضحكت حبيبي]

تبطي

لبسي تنوره قصيره وهيلاهوب شفاف وفوق لبسي قميص ضيج وجفسي الجم لي النص وفتحي اول زرارين اغراء

بس خلي الوان فاتحه مو اسود

ترا موعارفه اشرح

او لبسي تريننج كشخه مومال البر

نفس سوالف جوسي جذي

وخلي السحاب مفتوح لي النص بس لبسي بدي حفر تحته

والاختيار الثالث

تحطين راسج على المخده وتعطينه طاااف لووول

اتغشمر طبعاا

 

[yasmeen_q8]

دايماً ردودي صارت اخر الليل شسوي وقت نفسي على ولدي
ما اصدق ينام شوي اكتب كلمتين واقرى سوالفكم
الله يعينا قاعده احاتي ردت الشقه عقب ال٤٠ تصدقون
مادري شبسوي
وشلون برجع الجامعه
وشلون اوفق بين ريلي وولدي والدراسه

 

[ضحكت حبيبي]

أنا ودي اقرأ كتاب يعلمني شلون اقسم وقتي

واسوي شغلي

لانه صعب

أنا ابي كل شي بيرفكت

 

[انجبر قلبي]

بنات شنو إسم البرنامج الاجنبي اللي كانو يحطونه على إم بي سي عن تربية اليهال

 

[ضحكت حبيبي]

تقصدين سوبر ناني

بس هذا حق الشياطين

واتوقع عقابها يمشي مع الاجانب فقط

الكويتي ماينفعله الا الخيزرانه لووووووول

 

[تبطي عظم!]

ضحووك ثاانكس فهمت عليج وجااري التطبيق لووول

جبور سوبر ناني بس ليش توها بنتج على هالسوالف ههههه

ياسميين كلنا نحاتي لي ردينا شلون نوفق بين كل شيء بس شوفي اكيد راح نلاقي صعوبه بالبدايه بعدين بنتعود وتصير سهالات

 

[سكرة هانم]

جنكم تدرون بمعاناتي من القهر الفير بس ابجي

ودي احول صناعي بس قلبي مو مطاوعني وبنفس الوقت تعببببببت

ولدي ينام ومن احطه بسريره يبجي يوعان طول اليوم على صدريواخر شي نااايم :eh_s(16)::eh_s(11)::eh_s(16):

ووقفتها عنه لانه دعله ههههههه حتى مع الصناعي يقث والله يرضع رقم ويوقف وبعد نص ساعه اذا بردت الحليبه يبي يكملها بالله هذي حاله !!!


بس شسوي اجرنا على الله

شنو الحل ؟؟ احك اذونه ادلدغه ماكو فايده :/

 

[ضحكت حبيبي]

سكره وتبطي

يمكن عيالكم يتعبون
ريحوهم شوي بعدين ردو كملو

اختي تسوي جذي

تبطي

قاعد اتطبقين اي اختيار من اللي انا قلتهم؟؟

 

[ام نجـــلاء]

مساء الخير


شخباااركم

انا صايرة اعصابي زفت مدري من السهر والا من حبوب الرضاعه لان خذتها قبل وسوت نفس الشي

مدري شنو اسوي

 

[انجبر قلبي]

عليكم نووووور سوبر ناني

الله يعينكم آنا قطعت كل الحبوب لاعت جبدي لول بروح اسوي تحليل حمل يمكن حامل لوول

 

[ضحكت حبيبي]

جبور
من صجج

الله يتمم عليج

فتحيلج تجمع عند الحوامل لووول

 

[نارنجه]

نوفمبريات بسالكم عن تحاميل البيتادين
استخدمتها بس اذبحتني احس بعوار مثل عوار الدورة حيييل بطني يعورني
هالشي طبيعي ؟

 

[ضحكت حبيبي]

بنات

شريت من تاجره اسمها مريوومه

صنفره شفايف مع زبده شفايف وحمره سحريه

عجيبه

الكل يقولي شمسويه

أنصحكم فيها

بعد مسويه عرض

 

[انجبر قلبي]

ضحوك ترا آنا قاعدة أضحك من شر البلية

لا أستغفرالله الحمدالله على كل حال

قدر الله وما شاء فعل

«« شفيني صدقت

 

[careless 5]

قوة شلوووونكم شخباااااركم


يا حلاتج يا ضحوك و يا حلات سوالفج


انا بعد نفسكم احاتي شلون راح يكون يومي لي رديت بيتي ... الله يعين