November BaBies 2011 .... أحلى بيبيز

[تبطي عظم!]

عقد لولو

انتي نفسي بموضوع السر انا بعد جذي وحوالينها لونه اسود مو نفس باقي بطني شكلها مأزمني حييل

وبالنسبه للوزن انا نفسج الحمد له نزلت ١١ كيلو انا زايده بحمالي ١٩ كيلو باقي لي ٨ كيلو وارد وزني قبل الحمل

انا قبل لا احمل كنت ٥٦ وااي ميته ارد نفس وزني واذا اضعف بعد ما اقول لا لوووووول

بالنسبه لقمصان النوم

انا خذيت للحين بس ٧ وان شاء الله الباقي لي طلعت من النفاس ارجع اشتري

وانا عندي قمصان عرسي كلهم لبستهم مره وحده واكون مندعسه بالفراش والليت مسكر لووول مايشوف شيء الرجاال

ذابحني الحيا الحين بفصخه مره وحده لووووووول

باجر بروح افصل عبايات واشتري كفر مع مفارش للكوميدينات والتسريحه خاطري بالعنابي

انا غرفتي بني لونها وكفري الحالي الي فيها لونه بنفسجي وودي اغير واخذ عنابي احسه لون شتوي وراقي

وبشتري شموع وورد مجفف ناويه على شيء حق طلعت الاربعين مع انه خاطري نحجز فندق بس ابيها من زوجي مابي اقووله

بشوف هو يبادر ويحجز ولا لا اذا ماصارت اكون ع الاقل مجهزه شغل حلوو

اي بنات انا مو عارفه شنو البس نوع البدله الي بطلع فيها ودي بشيء جذي نفس نظام فساتين السهرات يعني كأني طالعه عرس

مع تسريحه بسيطه وميك اب احس حلوو جذي طبعا حق زوجي مو حمولتي ~


شرايكم البس جذي ولا اخاف ينقدني يقولي رايحه عرس لوووووول بعد الرياجيل عليهم حركات

 

[قلبوا انا]

تبطي
انا نفسك ودي البس فستان قصير ضيق ورسمي لزوجي
ماابغى قميص نوم بغير

اما طلعت الاربعين قلت له احجز فندق اعرفه لازم اقوله مستحيييييل تطلع منهم

 

[المكسيكيه]

صباح الخير

 

[ضحكت حبيبي]

تبطي

وااايد حلو اسم حمد

والأشياء اللي بتشترينها حلوة بس على قولتج الرياييل حركات ماينعرف لهم


قلبو

ذكرتيني بطلعتي من الاربعين الحمله اللي طافت

طلبت نفنوف من جوتشي اكبر من مقاسي قبل الحمل برقم واحد

يصير كوكتيل وقصير وضيج على الجسم

وماقايسته ويوم اللي بلبسه تقلقصت فيه

لاهو راضي ينفصخ ولا ينلبس :rgewrg:

والاغبى من هذا كله

لبسته حق عرس بنت عمي وكنت حامل بالرابع بهل حمله

ودخل شحلاته لأني ضعفت وايد من النساه والترجيع

*

 

[ضحكت حبيبي]

بنات

شنو سويتو عشان نزلتو وزنكم

ماتاكلون والا شنو؟؟


ومنو شرت جود باي زيبرا واستخدمته وياب نتيجه

 

[yasmeen_q8]

صباح الخير بنات.
اللي تستخدم الليبرو الحفاظات !
جم اخذ مقاااس 1 ولا 2 ؟

 

[yasmeen_q8]

ضحوك انا شريت جود باي زيبرا ومو كل يوم استخدمها بس استخدمتها الحين ٣ مرات بس احس التشققات صارت ناعمه بنعومة الجلد ولونها تغير قلب وردي لو كل يوم اسوي بتروح لان احس يفرق من مره لمره

 

[ضحكت حبيبي]

ياسمين

يعني يسوى اشتريها؟؟


ام عزوز

المساج جم ياخذ وقت؟؟

وجم دفعتيلها؟؟

وجم يوم تيي والا مره وحده؟؟

واعتذر عن كثره ال جم جم جم :eh_s(1):*

 

[لبى خشتك]

ضحوك
انا بعد حيل ضعفت
وماسويت رجيم ولا شي
لان بالحمل كان عندي احتباس سوائل من تمسكين ايدي جنج ماسكه اسفنجة مبلله بماي خوش تشبيه هههههههههه
والكل يمدح قود باي زيبرا وقبل لا اولد غراس مسويه عرض مادري خلص ولا لا

 

[انجبر قلبي]

ياسمين حسب وزن ولدج كاتبين الوزن من جم لي جم ع الحفاظات

انا كنت اخذ حق بنتي 1 واسمالله عليها اكبرت توني خذيت لها 2 ذيلاك اصغروا

 

[سكرة هانم]

بنات

شنو سويتو عشان نزلتو وزنكم

ماتاكلون والا شنو؟؟


ومنو شرت جود باي زيبرا واستخدمته وياب نتيجه

ما اكل خبز ولا عيش بس العيش اللي فيه ادويه اكل شويه منه وحيلي بالايدام الدياي واللحم وسلطات
امشي نص ساعه بالصاله عقب ما انيم ولدي ادق على ابوهواتمشى وانا اسولف او اجيك عالوتس اب خخخخ ماكو وقت غير هالنص ساعه كل شي اسوي فيها

الزيبرا شريتها من اخر السادس تهببببل شويه عليها ..ما احب امدح شي بس الخلطه تستاهل وعشان النتايج لااازم استمراااار

 

[Violetta]

انا شريت المساج السحري حق التشققات و بسوي الخلطه الي قالت عنها انل الي احطها بعد المساج
و شريت لزقات تبييض الاسنان

 

[Violetta]

كنت بسوي كيراتين بس هونت لاني احب اسوي شعري دايما بالفير
وشريت حق هالوزن حبوب الاساي بيري مع حبوب الجااي الاخضر
عندي احساس كبير انهم ماراح يسوون شي بس نجرب لوول
انا بدا العد التنازلي انشالله
هاليومين بروح اسوي مغربي
الحمدالله خلصت تجهيز تقريبا كلفني ٥٠٠ الى ٦٠٠ دينار كلش ماتوقعت لوووول
لاني جهزت كل شي يديد
و تبطي رحت خذيت نفس مجموعتج البنفسجيه حيل حلوه و خصوصا انها ليلك و يقولون اليلك يجذب الطرف الاخر لول
بس حييل تعبانه من غيره ولدي صاير يطق اخته مادري شسوي حيل ينني امس اسم الله عليه
الله يهديه يارب

 

[سكرة هانم]

عليج بالعافيه فيوليت

انا بعيد النظر بوايد شغلات لان احتمال اسافر ومابي اصرف هني وهني
الحبوب تفيد اذا مع التزام بالاكل وحركه انشالله راح تنزلين بصحه

 

[ضحكت حبيبي]

فيولت

الليلك يجذب الطرف الاخر بس الكويتي مو من ضمنهم

لازم نسوي دراسه

 

[ضحكت حبيبي]

سكره

توني وزنت نازله 8 كيلو الحمدالله ماتوقعت

باقيلي 5 كيلو وارد وزني قبل الحمل

فيولت

من منو شريتي لزقات الأسنان وفي انواع اي واحد خذيتي


قوليلنا النتايج

 

[انجبر قلبي]

ضحكت اتصدقين ما قست وزني من ولدت

آنا قاعدة اضعف بس من شنو مادري يمكن الرضاعه

لاني مو حارمة نفسي من الاكل لول

 

[donutoo]

نداااااء عااااجل لجميع العضوات المشاركات في تجمع احلى بيبيز
ابي مكاااان اشتري منه بدلة حق طلعتي من النفاس وبنفس الوقت استقبالي

يالله كل وحدة تدلو بدلوها ...حتى لو المحل بالصين راح اروح بس دلوني

يالله نيي حق السوالف
لصقات كريست انصحكم فيها روووعة بس في شرط للي تقدر عليه :
انا لحد الحين استخدمتهم 3 مرات...الشرط هو كالتالي : قطعي الجااااي والقهوة
لانه استخدمهم مرة وما قطعت الجاي والقهوة ما عطوني نتيجة نهائيا
بس اول مرة استخدمتهم صاروا اسناني ماشالله واااو
بس اكتشفت انه الجاي والقهوة اهما اللي يصفرون الاسنان وانا ما اصبر

الشي الثاني امس ولدي ذبحته الغازات فوديته الطبيب....تصدقون بنات بس افتريت بالمستشفى تعبت !!
عظامي قامت تعورني ما صدقت اوصل السيارة ....مادري من شنو ؟؟!!! معقولة هواا ولا تعب الولادة استغربت من نفسي

جبووور
اليوم اخر يوم بالاربعين لج الحمدلله
اليوم يوم الامتحان يكرم المرء او يهان خخخخخ
يا شين جذي النطرة نفسي بحمالي الاول احس مادري شلون جنه اختبار استغفر الله يا ربي
الله يهنيج ويكتب لج الخير انشالله وحمدلله على سلامتج ولا تقاطعين وطمنينا عليج

زوجة وينها ؟؟!! لا يكون من صجها زعلت ؟!

 

[سكرة هانم]

ضحوك

اي الوزن ينزل واايد عقب الولاده ونفسي بقالي ٥ ويصير وزني قبل لا اتزوج بس بنزل ٧

دوناتو

ودي اجرب اللزقات بساشرب قشر قهوه وموناويه اقطعه يقولون يضعفف

جبور

مبروووك حبيبتي طالعه من الشر :***

 

[Violetta]

انا طلبتهم من امازون التاجرات وايد يبالغون بالسعر
انا امس رحت قوتشي امبيه في نفنوف مو طبيعي احمر لو اني ضعيفه جان شريته
في محل بالرايه صاحبته بنت السلطان مره حطوه ببنات و بنت شغلها كان حلو