November BaBies 2011 .... أحلى بيبيز

[انجبر قلبي]

السلام عليكم

يا مرحبا الساع ... هلا والله و غلا بتجمع نوفمبر وكل أمهات نووووفمبر :eh_s(7)::eh_s(9):

اليوم و بفضل الله نتجمع بهالقسم بعد ما ربي قر عيونا بشوفة بيبياتنا ألف الحمدالله و الشكر لك يا رب عسى ربي يحفظهم و يجعلهم من الذرية الصالحة اللهم آميييييييين

 

[AVE.NJ]

الحمدالله على سلامتم ومبروك تجمعكم
والله يعينكم على التربيه
بس انشالله انتو قدها
وانتو محظوظين على التاريخ مهما كان خصوصا 11/11
والله يخليهم لكم انشالله

 

[انجبر قلبي]

الله يسلمج يا قلبي ما تقصرين حبيبتي

 

[om_3azoz]

احم احم انا 1_11

 

[انجبر قلبي]

هلا فيج حبيبتي

 

[انجبر قلبي]

ها حبايبي شلون انفاسكم
شنو تستخدمون ؟؟

آنا طبعا نفاسي من أم خالد
التزمت باللهوم و السفوف والحسو وجاي الاعشاب ومرتاحة عليهم الحمدالله

أما خلطة القهوة و خلطة التمر شبه منسيين وضايق خلقي كان ودي بس صعبه اشرب قهوة كل يوم وتمر كل يوم

و نظفت تقريبا لي 22 يوم جذي
بس الصدمة ان رد الدم ثاني مرة باليوم 30 ... مادري هل اهي دورة والا مثل ما يقولون إخت الاربعين

لأن حسب معلوماتي اللي ترضع طبيعي تتأخر عليها الدورة اشهووووور

وآنا أرضع طبيعي

يمكن اخت الاربعين آه يا ربي متى أنظف اميه بالإميه
لوووول

 

[3awaasha]

قوووووه ياالأمهات الحلوات فديتكم :eh_s(8):
أنا ولدت تاريخ 3-11 الحمدلله وألحين بديت انشاالله أجهز حق طلعتي من الأربعين :eh_s(9):

 

[انجبر قلبي]

هلا عواشه

وآنا وياج باقيلي على طلعتي 10 ايام بجهز فيهم و الله يعينا آنا بنتي سمالله عليها مو مخليتني

و الميزانية نصها طار على الأسنان قاعدة أكمل على ضرس طايح لوول مسويتله زراعه الاسبوع الياي الجلسة الأخيرة بذن لله

 

[3awaasha]

جبووور
شخبارج حبيبتي وشلون الكتكوته ربي يحفظها
بسإلج ماتدرين عن عبث والله فاقدينها حيل ماندري عن أخبارها شلون ولدها

 

[تبطي عظم!]

مبرووك التجمع والافتتاح

انا ولدت بتاريخ ١١/٩ وجبت ولد ولاده طبيعيه لوول جنكم ماتدرون ههههههه

استخدم نظام من جدتي هههه شريت من وحده خواجوا ودوا قهوه وتمره واعشاب

اما الحسو والمردود واللهوم من جدتي الله يحفظها

لي الحين ١٥ يوم باجر مراجعتي اشوف الخياط

المايك للي بعدي لووووول

 

[انجبر قلبي]

الحمدالله والله لاهيه مع بنتي الله يحفظها و أقعد أشبك بالتلفون حزة اللي ترضع من صدري هههه

لا والله عسى مانعها خير يا رب أكيد لهت مع ولدها اهي معاي بالواتسأب بس ما كلمتها انشالله تكون بخير

 

[3awaasha]

هههههه جبور نفففس الحاله أول شي بديت فيه الأسنان بفتكككك منهم بعدين أتفرغ حق السوق والصالون
واي استغفر الله والله أفضل الولاده على طبيب الأسنان ماااااحبه
باقيلي جلسه وحده وبعدين انشاالله بسوي تبييض

 

[انجبر قلبي]

اهلين تبطي عسى الله يخلي يدتج انشالله خوش شي

 

[انجبر قلبي]

اي والاه عواشه الاسنان هم يالله انشالله نفتك منهم

أحاتي اللبس تجهيزه يبيله فرارة ماني قادرة أخلي بنتي

بروحي غايبه من الدوام اسبوعين

 

[kitty eyes]

يا هلا ويا مرحبا

اي والله احلى بيبيز

عسى الله يصلحهم يا رب

يعطيج العافية جبور

زين سويتي فتحتي التجمع

بس باقي البنات وين

وشخبار ايون وعبوث

اختفو صار لهم فترة

 

[انجبر قلبي]

الله يعافيج كيتي انتي طلعتي من الاربعين عدل

والله مادري عن أيون صج اختفت

 

[kitty eyes]

زين سويتو بنات

انكم سويتو اسنانكم


انا ما قدرت كلش

كان ودي اضبطهم بس

ما خلوني الحريم

وما اقدر اخليهم

انا لحد اليوم اللي رحت اصبغ فيه شعري زاروني حريم

ونطرو لين رديت من الصالون فشلة طولت عليهم حييييييييييييل

 

[kitty eyes]

الله يعافيج كيتي انتي طلعتي من الاربعين عدل

والله مادري عن أيون صج اختفت

اي من زمان

اول يوم العيد

بس طلعت مني عقب اسبوع شرفت اخت النفاس

يعني جبور اللي عليج هذي بقايا نفاس مو اخت نفاس

الله يعين

 

[انجبر قلبي]

واي الحريم ليش ما اتيمعونهم يوم واحد والله الوحدة بالنفاس شتسوي و شتخلي والله حتى النوم ماكو وقت له الله يعين

كيتي ضيقتي خلقي ع اخت النفاس واي لا تقوليييين


شخبار الكرشة ههههه

 

[تبطي عظم!]

تصدقوون ذكرتوني باسناني اممممم انا اسناني صفتهم تهبل لونهم امم حليو

ودي بس اسوي تنظيف اسنان وحلوو انكم ذكرتوني.


بس انا مستعجله ع اللبس ههههه ابي اشتري ملابس ابي كل شيء مرصرص لوووووووول

حدي مشتاقه ابي تفصخ كاااك من صجي نفانيف قصار وليقنزات وااي مشتااقه البس جذي احس ببجي بنات

مو مصدقه برجع البسهم هههههه