رد : No make up
انا بشرح لج طريقتي و عقبها بحط لج فيديوات تساعدج : اولا طريقتي
1)انظف ويهي طبعا و اغسله و بعدين احط تونر يبرد عالويه و يوخر اي شوائب في نوعين انا عندي بوندس و جارنير والاثنين حلوين و هي صورة جارنير
واذا ما عندج تقدرين تحطين ماي ورد على ويهج بس خففي شوي بماي يعني كل قفشتين ماي معاهم قفشه ماي ورد جذي ترى مهمه هالخطوة عشان تنعش ويهج
2) احط اي كريم مرطب عندي عشان يرطب ويهي و يسهل علي توزيع الفاونديشن
**ومرات اذا مالي خلق اسوي هالخطوتين ارش mac fix + فكس بلس من ماك ارش منه 3 او 4 رشات على ويهي وانطره ينشف 10 ثواني وهذي صورته
3) الحين احط فاونديشن طبققه خفيفه حيل و ارد عقبها احط طبقه ثانيه هم خفيفه عشان لا يصير ثقيل
4) احط كونسيلر تحت عيوني وفوق الجفن و احط الاضاءة من بدي شوب الرعص
مرات احطه على ويهي كله ومرات بس احط على عظمه الخد و على خشمي
5) عقب احط الفاونديشن الباودر بس الاغلب ما احط عشان يظل ويهي طبيعي
6) ارسم حواجبي ببودرةبدي شوب مالت الحواجب
http://www.thebodyshop-usa.com/images/makeup/products/pd_eyebrow_kit_02.jpg
بس انا اللي عندي اسود وبني فارسم الحاجب كله واعبي بالاسود و بعدين احط البني عند بدايه الحاجب عشان لا يبين طبيعي مو مرسوم
7) احط اضاءة تحت الحاجب من غير لمعه يعني تقدرين تحطين نايلون من ماك او تحطين اي شدو ابيض عندج مافي لمعه بس طبطبي تحت حاجبج من صوب الكسره
8) اكسر رموشي و احط مسكره بلمسات خفيفه و تقدرين تحطين الماسكرا الشفافه اذا تبين اللوك يكون وايد طبيعي حطي الماسكرا الشفافه و كثري منها على كيفج لانها مو قويه بس حلوة
9) احط بلاشر وردي و مشمشي على خدي بشكل دائري وشويييييه شووويه احط صوب عظمه الخد
10) حطي مرطب على شفايفج عقب حطي اي حمره لونها طبيعي او تقدرين تحطين لابيلو المرطب الاحمر في ون خفيف و طبيعي و فوقه حطي قلوس شفاف بس افضل انج ما تحطين قلوس عشان تطلعين فرش من غير ميك اب
12) اخيرا و ليس اخرا رشي فكس بلس مره ثانيه عشان ينعش ويهج ويخلي شكله طبيعي
**خطوة اضافيه تقدرين تحطين فوق الجفن كلش كلش يم الرموش خط بني خفييييييف و ضعيييييف بس من الطرف الخارجي ولا تطلعينه لي برا يعني حاولي ما تبينينه كثر ما تقدرين حطي بشدو مو ايلاينر عشان يساع ان يعطي رموشج كثافه
و هاذي الفيديوات اتمنى تساعدج :
1)
http://www.youtube.com/watch?v=M_kZN9cDmdY
2)
http://www.youtube.com/watch?v=OB8nfJCOIeE&feature=related
3) هذا تقريبا يوضح طريقتي اللي انا شرحتها فوق
http://www.youtube.com/profile?user=MichellePhan#p/u/28/1hvg80fTQ54
و بث :eh_s(8)::eh_s(8): اتمنى اني افدتج
