New Year,New Me,New You تجمع لشد الجسم

[just-me]

مرحبا


شلونج

عندي لج فكره

سويتي ريجيم ؟

رضيتي عن المرحلة اللي وصلتي لها ؟؟

الحمدلله :yaaaaaarb:

مضيق خلقج جسمج؟

حاسة ان في مناطق ما ضعفت مع الريجيم ؟؟

عيل شرايج نبتدي من أول السنة بمرحلة الشد ؟؟

أنا عن نفسي و بفضل من الله قدرت انزل وزني ماشاء الله

و مقتنعه باللي حققته عسى ربي يثبتني و يثبتج

تبين الصراحة ...انا اذا ضعفت أكثر من جذي كل من بيقول لي عسى ماشر :dddds:

و اللي أشوفه ان فخوذي هذا اهمه لا خقو و لا أثر فيهم الريجيم

لاو الا الزند طبعا حدث و لا حرج صار مثل الجناح :eh_s(6):



عشان جذي قررت باذن الله ان هالسنة اذا الله أراد بسحت فخوذي و بسّمت ذراعي...

الصراحة صرت جيلي كل مافيني رخو

شرايج نبتدي الجد من اول السنة الجمعه 1/1 وان شاء الله اذا كان في تجاوب

نرجع نفتح جزء ثاني....وثالث لمن يصير روتين حياتنا

ما راح أسأل عن وزن و لا طول لانهم مو الهدف و المفروض وصلنا لمرحلة

الشد و التنسيق...

أهم شي توفرين الادوات المطلوبة ...


متر قياس



عشان نقيس محيط الزند و الفخذ و الخصر



Dumbbells (الاثقال النسائية ) انا شريت وزن 1.4 Kilo من اثليت فوت بمشرف



طلعو ب 5 دنانير و أكو أخف ب 4 دنانير

راح نحتاج ستبس عشان التمرين ---> بعدي ما شريت

قرص دوار ----> هم بعدي ما شريت



و أكيد لازم نلبس جوتي رياضة وقت التمرين :tomato2:

عن نفسي راح أسجل يوميا التمارين اللي طبقتهم و اتمنى الله يقدرني و يقدركم

و أكيد أبيج تكتبين تمارينج و المده اللي تمرنتي فيها حتى لو بالنادي عشان نشجع بعض

وكثر ما أقدر راح أحط تمارين سواء فيديو أو صور مع نصائح يومية

أنا حبيت أنزل الموضوع بوقت مبجر وكافي عشان يمديج تشترين العدة اذا ماعندج

وعشان تستعدين نفسيا حق هالمرحلة معاي



ياليت ألقى تسجيل و تشجيع منكم ...

بانتظاركم

 

[بطة رشيقة]

هلووو هلوووو جسوووت مشالله خوووش تيمع انا بشترك وياج ... باذن الله وكل اللى تبينه عندى وانا ام هندى ويالله توكلنا على الله ان شالله يكووون عام سعيد خالى من الترهلات ومشدوود شد وان شالله نفتك من هالجلى ومن هالمطااميط اللى عندنا انا زندى بالضبط نفس اللى باالصوووره .. وخلاص نتوكل على الله ...

سيرى يا جسوت ونحن من ورائج ....

 

[mn.mn]

خووووووووووووش شي والله اي والله لهينا عن الرياضة وكسلنا وايد

انا معاااااااااااااااااااج أكيد

 

[just-me]

عاشت بطه

عاشت من من



حياكم الله نور التجمع نور


وين الباقين يالله حياكم

 

[زيـنـه]

ما شاء الله جسووووووت .. خوووووش موضوع .. انا بتابعكم و اشجع من بعيد .. و بالتوفيق ان شاء الله

 

[الطيب الغالي]

والله فكرة حلوه
الرياضه زينه للجسم

 

[sweet lady]

حلوووووو انا معاكم خاصه في مناطق يبيله شد حلووو التجمع حق التشجيع خاصه انا نمل بسرعه
انشالله الله يوفقنا ويقدرنا على الالتزام

 

[ذبحنى جرحك]

لالالالالالالالالالالالاتنسوني معااااااااااااااااااااااااااكم



خخخخخخخخخخخخخخخ


متحمسه بس ابقي اشد وااوخر خريطه العالم مني



متعقده

 

[just-me]

اليوم حبيت أنقل لكم التمرين الآول


وهو يصلح للموظفات اللي طبيعة عملهم تتطلب الجلوس لفترة طويلة

على الكرسي ليمن جسمها يفرش وتحس انها صارت عريضة

و للاسف أغلبنا نعاني من هالشي



كثر ما تقدرين وبدون ما يشوفج مديرج أو المراجعين :dddds:

حاولي انج تتبعين التمرين البسيط مثل ما اهوه موضح بالصورة

طبعا التمرين مفيد للظهر و الكتف و الرقبة و الخواصر

ولو تلاحظين اخر صورة فيها نوع من ال Streching

حاولي توقفين او اذا رحتي تصورين اوراق ( بنفسج) انج قبل

لا تقعدين تجربين التمدد وانتي واقفى مثل اخر صوره

بس ياليت منظر المكتب على البحر نفس الصوره

 

[بطة رشيقة]

حلو حلو حلو خوووش كلام ...

وان شالله مع بدايه السنه نبدى وربى يتمم علينا ...

 

[ABEER FLOWER]

عاااااااااااشت جسوووووووت
عااااااااااااااااااشت

موفقين حبيباااااااااااااتي

 

[توتا5]

انا بعد وياكم
ابي احافظ ماني مستعده ارجع مثل قبل

 

[just-me]

السلام عليكم


اليوم ييبت لكم اول و ابسط تمرين باستخدام الدمبلز







اوقفي منتصبه ، والركبتين تميل قليلا ، مع فرد الكتفين ،
1. ضم اليدين نحو الفخذين.
2. رفع أحد الدمبل مباشرة أمامك بالتبادل
3. عندما يكون الذراع مواز للأرض أقل حركة الدمبل ببطء إلى الخلف. أكرر مع الذراع الأخرى.
4. تكرر 20 مرة لكل ذراع




حبيتوه ؟؟؟...بسيط...أرجو انكم تجربونه مرتين باليوم .... :hjy5jewf:

 

[shahooda123]

عاد ريلى كله يقولى جسمك صاير جلى يبيله شد والله ان عندى الدامبز بس قاعدة واطالعه عطيتينا حماس

 

[miss.doll]

انا بعد وياكم بعطيكم تمارين ايتينن بس ماعرف انزل صوور بحطلكم رابط انشاءالله

هم وردي اضعف فخوذي وزنودي وابي بطني يصير فلات


بس بنااات بليييز منو تعرف تمارين تضعف بطاات الريل ؟؟؟؟؟ لان ماحببببببببهم واااااااي

 

[BriTiShya]

هاااااااااااااااي بنااات

اناااااا شريته القرص الدوار توني الحين

بس بغيت اعرف اهو بس للخصر ولا يشد الكرش؟ ؟
وشنو رجيمكم اللي بتسوونه عشان يشد الكرش؟؟

 

[Ms. luxury]

هلا بنات أنا بعد معاكم إن شاء الله من ألحين.
أنا عندي جهاز الاوربتراك من عقب رمضان هديته ومادري عنه ..وعندي سيدي تمارين رياضية كان هدية مع علبة كورن فليكس ماركة كلوغز والعرض للحين موجود بالجمعيات ..مدة التمارين 20 دقيقة وبس لعبت معاهم أول عشر دقايق 3 أيام وعقبها خقيت وصج حزتها قمت أشخل عرق ...حسيت انهم صج يشدووون...كل شي سايح فيني ...يبيلي شد + نحافة ..
حبيبتي اللي تسأل عن بطات الريل ..اليوم لقيت هالمنتج وأنا أحوس بالمواقع الصينية ..بس مادري ماصدقتهم

وأسعارهم على دولارين بالموقع ..طلبوهم انتوا ..أنا موبحاجتهم ..

 

[Ms. luxury]

وهذي النعال وانتوا بكرامة شوقني الكلام اللي مكتوب تحتها ..هم بعد انتوا طلبوا منها ..أنا مالي خلق..أنا تخصصي أكياس الفراولة هههه

هذا الكلام اللي تحتها:
A product from Japan. Whether you are standing, *****ng, doing household chores, etc, . just wear them for 10-15 minutes a day, 1-3 times daily and you will see the result gradually.
-they help to exercise your leg muscles, burn the fat and give your legs a beautiful shape and curves.
-help you burn more calories by simply walking or standing.
-they have micro fibre surfaces which gently exfoliate your feet at the same time.
-special design that separates your toes, so you can also wear them to apply nail polish.
تهقون عاد صج؟؟؟واللي تطلب لها خل تحسب حسابها معاي وأدفع لها عادي

 

[Ms. luxury]

بنات هذي اهي التمارين ..اسمها ستوت بيلاتس ..
http://www.youtube.com/watch?v=_WwK9lWwxnw&NR=1
أنا السيدي اللي عندي اسم التمارين ووكينغ بيلاتس تمرين حرق السعرات الحرارية ..مبتدئ ...وإن شاء الله إذا أجدت التمارين اللي عندي بالسيدي راح أسوي هذول اللي باليوتيوب ..وترا عندنا نادي بالكويت فرع حق النادي الرئيسي اللي بأمريكا ..والحلو بهالتمارين انج لما تخلصين منها ..ماتحسين بهذاك التعب ...بالعكس أحس عقبها أفرفش مع اني مااستخدمتها إلا 3 أيام ورا بعض وموكاملة .......
وموفقييييييين

 

[just-me]

هلا بنات

اسفه غطيت عنكم فجأة بس حصلت لي روحة فجأة حق العمرة وياحلوها الحمدلله لبت

بس عسى الله يتقبل

عموما ماقصرتي اختي Ms,Luxury و باذن الله بنزل لكم تمارين و نصايح جديدة

ترقبوني ...يالله اشترو الاغراض و استعدوا ورانا شغل