Munich

[Qatariah]

هلا بنات. انا توني عضوة جديدة بالمنتدى، يعني Fresh وانا من قطر

بس حبيت اعرف عن ميونيخ
قولو لي عن التسوق بميونيخ please وبعد آبي شقة فندقية هناك نظيفة وسعرها معقول لان احنا عايلة ومطولين بميونخ​

ارجوكــــــــــــــــــــــــــــــــــــــــم Please ​

 

[فـدوه]

الله يهنيكم بسفرتكم و تستانسون, الصراحة إختيار وايد حلو. ميونيخ وايد حلوة و راقية. بالنسبة للتسوق مالج إلا Marine platz هذا المكان مثل ساحة كبيرة و متفرعة منها شوارع قيها المحلات كلها وفي شارع هم حق الماركات فيه Armani cafeو في كافة أنواع المطاعم. و بعدين هم تقدرين تروحين بالقطار من المحطة الرئيسية ل salzburg تبعد 2 تقريبا وايد حلوة وفيها المدينة القديمة ( old city ) كلها بوتيكات. و تقدرين تسالين الكونسييرج مال اللأوتيل وهو يعلمج عن كل شي. و ترى الميترو وااااايد سهل و نظيف و كشخة فلا تحاتين. موفقين و إجازة سعيدة

 

[Qatariah]

​

تسلمين يا فدووووووووة كلج ذوق

 

[Qatariah]

تسلمين يا فدووووووووة كلج ذوق [/color​

]

 

[Eyeliner]

فديتج مانصحج بالتسوق في المارين لان الاسعار نار >> والله تسوقت بس فيه مجمع اسمه كرشتاد فيه مطعم فوق رهيب اكله
حبيبتي في مجمعات مثل مجمع الريم والاولومبيا وفيه كل المحلات الموجوده في ساحه المارين
اما الشقق انا ماعندي اي خلفيه بس فيه فندق اسمه mercure عند المحطه الرئيسيه قريب من المارين
عندج في قارمش فوق مطعم هندي حلال يطبخ لج الاكل جدامج البرياني يمي تخيلي الجووو بارد والعيش يدخن من الحروره
حديقه الاولمبيات حلوه للتمشي وخضرااا وشرحه بس باليل تصيررررر حدها ظلام وماتنفع
ميونخ الي ماعجبني فيها ان من الساعه 7 كل شي يسكر ماعدا المطاعم وهاي الشي يخلينا نقعد في الفندق على النت ههههههههههه
واجرنا سواق وطلعنا برع ميونخ ورحنا زلامسي ورجعنا نفس اليوم
وفي مطعم ايراني معرووف بس نسيت اسسسسمه المشاوي حلووووه عنده
واذا تذكره شي عن ميونخ برجع اكتب لج

 

[معلمة انجليزي]

هلا والله ياعمري انا والله ما اعرف عن الشقق لأني مرة سكنت بالهوليدي ان و مرة بالمريديان بس المارينا بلاتز حلو التمشي فيه خصوصا الأحد و السبت مع أن السوق يصكر مبكر حيل السبت واعتقد ما يفتح بالمرة الاحد لأني رايحتلها قبل 4 سنوات وناسيه بس اكثر شي شريت من c&a ومن مجمع كفهوف لأن السرداب كان فيه مكياج وعطورات تصلح هدايا مثل عطر للجنطه وشور جل صغير ب 10 يورو.

 

[F6AMI.Q6R]

حيالله بنت بلادي


حبيبتي سوق ميونخ مب حلوووووووو :eh_s(11):

والله مت من القهر يوم رحت ،، قمت اخذ اشياا بس جذي عشان اترس الشنطة

روحي تسوقي في دسلدوورف سوقها وااايد حلوو،،


ومره رحت برلين كان عندي مؤتمر سوقها خيااااااااااال بس بعيده عن ميونخ ​

 

[*صاحبة السمو*]

صاجه يافطامي دسلدوورف عجيبه وراقيه

بس حتى ميونج سوقها عجيب ومثل ماقالوا لج البنات المارين بالتز وكالتر بلاتر والمكسيميلان ستريت ومجمع Riem Arcaden و مجمع Olympia Einkaufszentrum

وسلامتج

 

[Qatariah]

هلا وغلا بنات..
حياتي فديت بنت بلادي
حرام بنات من امس وان رأسي مفتر احد يقول حلووووووووة وتهبل ميونخ و احد يقول حلوة بس ملللللل ملللللللل خاصة بعد المغربية..
قسم بالله اني كنت افكر بدسلدورف بس اخاف اقترحها ويثورون فيني.

انا اصلاً دبرت حجز الشقة الفندقية بالنت بميونيخ (للحين مادفعت بالكردت) بس خايفة وايد.. اخاف ما تبيض الوية وبعدين شاليبيصير فيني مادري؟؟
ارجوكم قولوا لي شاسوي..
الاهل مو متشجعين يبون يرحون يشوفون هارودز القطري. جنة اول مرة يشوفونه حشششششششششررروني

 

[F6AMI.Q6R]

مااافي مقارنه بين لندن وميونخ والله

بس اذا انتي متعوده على لندن غيري ,, والمانيا تستحق الزياره

انتي روحي ميونخ واذا ماعجبج السوق وايد اخذي القطار وروحي دسلدوورف كمن يوم

بس لاتفوتوون عليكم يوربا باارك واايد حلوه وونااسه ​

 

[لندن سيتي]

انا بلندن وهارودز ماتغير مثل ماهو علية بس من تطلع الشمس عندنا يصير الجو مقرف واحس اني بدوخ من حرارة الشمس ويع ودي اطلع منها بس بالليل والصبح حلو الجو

 

[Qatariah]

أنا اصلاً مليت من لندن وطاريها... ادري حر وايد هناك
صديقتي هناك وتقول حـــر ولوعة جبد لا تجون بس محد راضي يسمع
المهم بنات اذا عندكم اماكن تستحق الزيارة بدوسلدورف دزوها "عفية"​

 

[أم أنور]

واي اتهبل ميونخ قعدنا فيها 10 ايام ماشفنا الشمس من المطر سوقها اينن لاطوفج

 

[Om_Ksha]

وين هاذي دسلدوورف ؟؟

 

[White Musk]

حياج الله يابنت الدوحة
سمعي ميونخ انا بعد ما جحبيتها عقب ما زرت النمسا
يمدحون وايد دوزيلدورف ودوزيلدورف يمها كولون ومنها ساعتين تروحين بلجيكا وممكن تروحين بعد هولندا اذا لي الحين ما دفعتي الفلوس
عادي غيري الرحلة
ميونخ كلها خليجيين ما كأنج مسافرة وما شفت فيها شي واذا بتروحين من ميونخ للنمسا عندج الطريج بين ميونخ وزيلامسي حلو تمرين على أخن سي وتقدرين من ميونخ تروحين قصر نيوشوان ومن ميونخ تزورين زيلامسي وتزورين سالزبورج بس راح تدفعين للتنقلات وتروحين يوروبا بارك
شوفي حبيبتي تقريري كاميرتي بالنمسا 2008 يمكن تلقين شغلات تفيدج
وعندج منتدى العرب المسافرون شوفي قسم الدول الأجنبية تقارير ألمانيا ماشاء الله تقاريرهم روعة
وحياج الله يبنت الدوحة حاضرين