lمساعده بلييييييييييييييييز ابي دوله احسن من ماليزيا؟؟؟؟

[@غلا زوجها@]

مساء النوووور والسروووور
شلونكم امورات



عندي مشكله صغييييره
حدي مشتهيه اروح لماليزيا وقررنا انا وزوجي هالاسبوع نحجز بس صارت مشكله بسيطه
انه مرت حماي سافرت اليوم لماليزيا
وطبعا لما نزلت عند حمولتي قالولي اليوم وقامو ينغزون علي انتي اكيد بتقلدينهم لانهم عارفين اني بسافر
وانا قلت اصلا انا مو مخططه على ماليزيا وجذبت عليهم


الحين بنات ابي منكم طلب انا مابيهم يتشمتون فيني وزوجي يقول خل نروح ماليزيا احسن وما لنا شغل فيهم؟؟
وانا ماابي ماليزيا الحين ابي مكان احسن منهم؟؟؟
ياريت بس لو تقولولي دوله احسن من ما ليزيا ؟؟ عشان اروحلها لاني الاسبوع هذا بحجز؟؟؟
بليييييييز لاتتاخرون علي؟؟؟

 

[مشتطـه]

تااااااااااااااايلاااااااااااااااااااااااااااااااند تهبببببببببببل بانكوك
اخذي بانكوك 5 ايام
بوكت 5 ايام
وبعد منطقة ثالثه مادري شسمها 5 ايام جنها شنغماي شي جذي


ترى ما فيها حرب الحين ولا شي خلصت مظاهراتهم


صج صج حلوه هالديرة وسوقها إينن
واذا حجزتي دزيلي رساله خل اقولج وين تروحين

 

[noorq8]

ياعمري ماليزيا طوييييله عريضه وحجي الحموله دخليه من اذن وطلعيه من الاذن الثانيه روحي واستاااانسي تراها أحلى من تايلند بس طلعي بره كوالالمبور وتايلند مو شينه بس مو بحلاة ونظافة ماليزيا.

 

[sweetkoko]

هونغ كونغ واخذي فيزا عشان تمرين كوانزوا با لقطار ساعتين واقل بعد للتسوق واذا مطوله السفره روحي شنغهاي بالصين بارده وطبيعه وووايد حلوه شزفي انا رحت ماليزيا وسنغافوره وتايلند وهونغ كونغ الانظف والارقي والاغلي سنغافوره وهونغ كونغ بس وايد عليهم اسبوع الامتع واكثر وناسه وتسوق عائليه ماليزيا اوصخ وابيخ والدوله الوحيده الي انغميت فيها وكلللللش ماافكر انزلها حتى ترانزيت طبعا تايلند والاخص بالنكوك يمكن بوكيت شوي شوي اهون وهذا راي الشخصي واستخيري واهم شي حرام اتقطين فلوس وماتستانسين ماليزيا وجهة كل الخليجين مو انت الي بتسوينها زحمه ساعات المكابر والعناد يوهق وتقبلي مني والله يكتب لج الي فيه الخير على فكره انا ارشح لج هونغ كونغ

 

[مندوبة ام بندر]

دام بتسمعين لبيت الحموله عيل قعدي ببيتج احسن
يعني ماليزيا مسجلينها باسم ابوها
ولا هالديره لحماج ومرت حماج
ماعليج منهم روحي واستانسي وبصراحه ماليزيا ما تتطوف
صج اني مارحت لها بس شفت صور ناس مسافرين لها تهببببببببببببببل
نصيحه دام زوجج يبي يوديج لا تفكرين بغير ماليزيا

 

[PAMELLA]

اقترح استراليا

او

مثل اقتراح وحده من الخوات (هونغ كونغ ..الخ)

او

تركيـا



good <
Luck

 

[فرحه عمر]

عندج سنغافوره او تايلند بوكيت
يس شعليج منهم اذا الديره في خاطرج اشتغلي عياره حريم وروحي وقوليلهم انا مالي نيه اسافر هالسنه عندي التزامات وبفصل لرمضان والعيد ومن هالسوالف بس زوجي فاجئني بالتذاكر ومشتهي السفره وقالي ماااااااااالج شغل عليج بس بجنطتج وبس >>>> حسيت روحي مجرمه ترى ماعندي هالسوالف بس حلو الواحد يتصرف ههههههههههههههه

 

[كويتية بنفسجية]

أنا من رأيي تروحين ماليزيا دام انها بخاطرج و استانسي كثر ما تبين و ما عليج من حجي أحد

و إذا ما تبين عندج الصين تهبببل روعة طبيعة و تسوق مووو طبيعي على كيف كيفج و الناس ألحين هابين فيها

موفقة يا رب

 

[عذوب الشمال]

انا ارشحلج الصييييييين لان انا رحت ماليزيا وحلووه تينن بس قلت هالصيف بغير بروح الصين لان اسوقتها واماكن الترفيه اللي فيها نفس لندن لان انا بالصيف اللي طاف رايحه لندن ويقولون الصين احلى وهونج كونج رووعه الكل يمدحها واذا خلصتي روحي كوانزو حق التسوق ورى الحين الكل هاابين هبه بالصيين

 

[أحلى همبه كويتية]

حبيبتي روحي ماليزيا يوقولن اتهبل وانا وايد شايفة تقارير عنها

ما عليج من حجي الناس
والحمولة ما يتغيرون حبيبتي
ماعليج من احد
حطي راحتك ووناستك جدام عيونك انتي وريلج

انصحك قسمي المدة بين ماليزيا وبوكيت
بتهيصين على الأخر





والله يوفقك يارب

 

[om MaRyooM]

مالج شغل فيهم .. جان قلتي احنا مقررين من زمان على ماليزيا ..

ومايتكلم الا المحتر صدقيني ماعليج منهم ..


عندج تايلند وايد احلى منها ... بس الاوضاع الحين بتايلند صعبة مادري اذا هدى الوضع ولا بعد

وسنغافورة يمدحونها ويقولون حيييل نظيفة وراقية

 

[أستغفر الله@]

روحي النمسا أحلى من ماليزيا بألف مره ومن النمسا لفي على أوروبا
وأستانسي ومالج شغل بكلام الناس الله يهديهم
متى الحريم تكبر عقولهم

 

[شذي الفردوس]

تبين تستانسين روحي بوكيت رحتلها العام مع زوجي وناويه اروح لها هالسنه
اذا تبين الهدوء والبحر والمساج وطلعات بحريه
بس اذا ودج بماليزيا اكبر واونس واماكن متنوعه
روحي وخلي شخصيتج قويه ومثل ما قالت قولي فاجاني زوجي بتذاكر خاطره يروح
بس انتي هناك نوعي عشان تصيرين انج درتي فيها اكثر منهم
ولا عليج من احد فرصه هالعطله لا تحطين بخاطرج شي عشان فلان وفلتان
لا هي ديرتهم ولا ما خذه منهم شي
اكيد بيقولون صج قويه راحت ولا همها احد

 

[ام عيون زايغه]

الحين انتي شكو في حماج ومرته روحي ماليزيا انا رحتلها 4 مرات والسنه حاجزه بعد وبعدين البنات على شنو يمدحون كوانزوو ومن متي كانت منطقه سياحيه اهيه حق التجار بس وكلش موحلوه وتحسفت على كل قلس قطيت فيهت اما ماليزيا جنه اسيا ولا تطوفين ماليزيا عشان افكار مالاها معني كبري مخج وحجزي ومادام زوجج خاطره فيها خوفج تروحين ديره ثانيه يقعد ويقولج جان زين وجان زين

 

[Turquoiseya]

الله يعينج على حمولتج

 

[... May ))]

لا لا لا

شنو يعني يقولون تغار منها !

إذا بتفكرين جذي عيل بيقولون غارت منها وراحت دولة أحسن عشان تتحدى !

اللي بيلحق كلام الناس ما يخلص

عادي ، شنو يعني مرت حماج راحت ، على راسي ، قولي اي والله عليها بالعافية واهيا شجعتني وشوقتني اروح

 

[... May ))]

دام بتسمعين لبيت الحموله عيل قعدي ببيتج احسن
يعني ماليزيا مسجلينها باسم ابوها
ولا هالديره لحماج ومرت حماج
ماعليج منهم روحي واستانسي وبصراحه ماليزيا ما تتطوف
صج اني مارحت لها بس شفت صور ناس مسافرين لها تهببببببببببببببل
نصيحه دام زوجج يبي يوديج لا تفكرين بغير ماليزيا

:icon30::icon30::icon30::icon30::icon30:

 

[ريومه المزيونه]

استراليا روووعه

واليوم انا قريت عن بلغاريا باوروبا مادري عجبتني عند سفريات رمسيس مايسوون ا? رحلات لبلغاريا


او النمسا ودولتين معاها


وتروحين وتردين بالسلامه

 

["*آآآنؤؤؤقهـ*"]

تهبل ماليزيا روحي

ومالج شغل

ان سمعتى كلام النااس بتضييعيين وبتتعبييييييييييييين

 

[نور الدنييا]

شوفي حبيبتي احسن طريقه انج تقولين انا مابي ماليزيا ابي النمسا وامدحي النمسا حيل وقوليلهم عن جوها وعن الطبيعه وانج اكيد باذن الله تروحين لها هذي الخطه الاولي


الخطه الثانيه وانتي قاعده معاهم اتفقي مع زوجج يدخل عليكم ويقولج انه بيروح ماليزيا وانتي قولي لا النمسا انتي خاطرج فيها وخليه يصر


الخطه الثالثه اذا حجزتوا سوي نفسج زعلانه وقوليلهم انا ابي النمسا وهو خالفني وحجز

وروحي استانسي ماليزيا حلوه

كيدهن عظيم شرايج والله يوفقج