iPhone من الإمارات وأرخص بس؟؟؟؟؟؟؟؟؟

[FunKa]

حياكم الله حبيباتي

بإنتظار إلي تفيدنا

...

 

[moomo]

هذا الكلام ان شاء الله يفيدكم وهو منقول من منتدى ثاني :




السلام عليكم ورحمة الله وبركاته
أخواني راح اوضح لكم امور كثيره عن الجهاز واسعاره وراح اعطيكم بعض الحسابات والامثله عشان توضح الصور
طبعا اللي راح اكتبه هو الاسعار الحقيقه والفعليه تقريبا إلى وقتنا هذا وقد ترتفع أو تنخفض بمقدار
50دولار. والامثله كلها على جهاز 16جيجا.
أولا
من الغلط حساب سعر الجهاز على اساس سعر بيعه في نفس الدول اللي الجهاز موجو فيها
إلا اذا انت شخصياً موجود هناك وهذا استثناء
لأن هالسعر راح يرتفع بزياده قد تصل إلى 300$ بسبب الشحن وربح البائع وغيرها
وانا اتكلم هنا عن سعر بيع الجهاز بدون عقد
طبعاً البعض عنيد ويصر على انه لازم يشتري الجهاز بنفس سعره في هالدول ولكن فعلياً ماراح يحصل على شي
والسبب بسيط وممكن احطه لكم في مثال . حاليا في السعودية معروف ان الاجانب ممكن يشترون في سوق الاسهم
ومعروف ان الاكتتابات لسعوديين فقط . تخيل انك مكتتب في سهم بـ 10ريال
ثم طرحت الاسهم للتداول ووصلت 30ريال. ثم جاك واحد أجنبي وقال لك تبيع بـ 10ريال؟ هذا منطق
العنيدين اللي يبون يشترون الآيفون من هالدول ويبون البائع يبيع بنفس سعر شراءه
وطبعاً هالشي مستحيل إلا بالاستثناء اللي ذكرناه فوق وهو وجودك في هالدوله
ثانيا
الجهاز غالي حاليا في كل مكان
يعني لا يجي أحد يتوقع انه يشتريه بسعر 299دولار. لأن هذي اسعار عقود. والعقود يرتبط فيها التزامات ماليه لمدة سنتين وانسى انك تحصل عليها بدون تحمل قيمة عقودها.
أسعار الجهاز في الدول او القارات كالتالي:
* الجهاز في امريكا:
الجهاز في امريكا الوحيد اللي ما يباع بدون عقد ابداً
وعشان كذا اللي يبيعك يدفعك قيمة العقد مسبقاً ويوصل الجهاز إلى 900دولار عشان هالشي
هذا بدون اسعار الشحن والشحن 50دولار من 10 الى 14يوم أو 75دولار من 7 الى 10 ايام أو 100دولار من 2 الى 3 ايام
ولو حسبنا الوسط راح يكون 900+ 75 = 975دولار = 3750ريال (الدولار يحسب 3.85 تقريبا في تحويلات الفيزا والبنوك)
والجهاز مغلق على شبكة AT&T. وبالامكان فكه بقطعة universal sim أو بالبرامج لو نزلت.
* الجهاز في اوروبا:
الجهاز في بعض دول اوروبا يباع بدون عقد بسعر رسمي 569يورو
وطبعا اللي راح يبيعك راح يأخذ 100يورو ربح + 50يورو شحن = 719يورو = 4170ريال (اليورو يحسب 5.8 تقريبا في تحويلات الفيزا والبنوك)
والجهاز مغلق على شبكات الاتصالات هناك. وبالامكان فكه بقطعة universal sim أو بالبرامج لو نزلت.
* الجهاز في ايطاليا:
الجهاز في ايطاليا يباع بدون عقد بسعر رسمي 569يورو
وطبعا اللي راح يبيعك راح ياخذ أقل شي 200يورو ربح+ 50يورو شحن = 819يورو = 4750ريال
والسبب ان الجهاز في ايطاليا وضعه غير. لأنه مفتوح رسمياً من المصنع على جميع شرائح الاتصالات الدوليه
طلعه من كرتونه وحط أي شريحه. ولهالسبب الجهاز غالي مره. وفي ايطاليا شركتين اتصالات
(vodafone - TIM) فودافون ماتبيعك إلا بعقد سنه اقل شي. و TIM تبيعك بدون عقد
ولكن المشكله بحسب ما قرأت ان الشركتين ماتبيعك إلا ببطاقة هوية ايطالية. طبعاً كلهم موجودين في المزادات بأسعار اقلها 1250دولار إلى 1499دولار.
* الجهاز في استراليا:
الجهاز في استراليا يباع بدون عقد بسعر رسمي 849دولار
وطبعا اللي راح يبيعك راح يأخذ 200دولار ربح + 100دولار شحن = 1149دولار استرالي = 3849ريال (الدولار الاسترالي يحسب 3.35 تقريبا في تحويلات الفيزا والبنوك)
والجهاز مغلق على شبكات الاتصالات هناك. وبالامكان فكه بقطعة universal sim أو بالبرامج لو نزلت
*ولكن فيه أمر ثاني في استراليا
وهو طلب فتح الجهاز ليقبل جميع شرائح الاتصالات الدولية
وهالطلب بفلوس ويقدم إلى أحدى الشركات في استراليا ومنها: Telstra وتأخذ 150دولار (1149+150=1299×3.35=4351ريال) والعملية تأخذ 3 ايام وتتم عبر التلفون
و Optus تأخذ 80دولار والعملية تأخذ من أسبوعين إلى ثلاثة اسابيع وتتم عبر البريد العادي
وهالامور مؤكده من الاستراليين في المنتديات الاجنبية.
* الجهاز في نيوزيلاندا:
الجهاز في نيوزيلاندا يباع بدون عقد بسعر رسمي 1129دولار
وطبعا اللي راح يبيعك راح يأخذ 250دولار ربح + 150دولار شحن = 1529دولار نيوزيلاندي = 4281ريال (الدولار النيوزيلاندي يحسب 2.8 تقريبا في تحويلات الفيزا والبنوك)
والجهاز مفتوح رسمياً من المصنع على جميع شرائح الاتصالات الدوليه.
***
كل الاسعار فوق هي في حال شريت انت بنفسك الجهاز من الدول المذكوره. مع تحمل المخاطر المحتمله
والاستعداد من ناحية الادوات (الفيزا وصندوق البريد واستخدام المزادات)
ويستثنى منها مثل ما ذكرنا وجودك شخصيا في أحد هذه الدول مع احتمال رفض بعض الدول البيع لك بسبب الهوية.
اما في حال شريت الجهاز من السعودية. فلا تنسى تضيف ربح الشخص اللي جاب السلعه للسعودية وتحمله للمخاطر وتعبه خصوصا في المزادات
وتوقع هامش ربح بين 300 إلى 500ريال تضاف للأسعار اللي فوق
وطبعاً راح تشوفون تجار جشعين وطالبين اسعار خيالية.
هذا موقع شركة أبل الرسمي. وفيه جدول الدول اللي نزل فيها الآيفون
http://support.apple.com/kb/HT1937
شوفو الخانه هذي Locked to carrier
* اذا قدامها علامة صح معناته مقفل الجهاز
* اذا قدامها علامة صح ورقم 1 معناتها اتصل بشركة الاتصالات المحليه لطلب الفتح (طبعاً برسوم)
* اذا ماقدامها شي معناته الدوله هذي الجهاز فيها مفتوح من المصنع ويقبل شرائح الاتصالات كلهـــا
وللأمانه الموضوع منقول ..
مع التحية
دكتور فيصل

 

[تــوتــه]

اولا شكرا على النقل يعطيج العافيه وما قصرتي


ثانيا اللي مكتوب بهالنقل عن النسخه الاولى من الآي فون

وتقدرين تاخذينه من برى الكويت ويجيبونها لج محلات معروفه ب 300 د.ك

أما احنا نبي Iphone 3D النسخ اليديده وهذا يشتغل على كل الشبكات مو على شبكات معينه وما يحتاج لبرامج ولوويه
وسعره أرخص

هذا اللي نبيه :eh_s(6):

 

[FunKa]

ماقصرتي بهالمقاله

بس أنا ويا توته

توته تدرين إن الغانم يبيعون 3g ب300 دينار

وقبل لاينزل يقولون الجديد يافندم حينزل السوء وحيكون أرخص من الأديم

يخرب بيتهم وين أرخص 300 رخيص

...

 

[تــوتــه]

انا مو باط جبدي الا الغانم

لما رحت اسألهم عن الآي فون قالولي مو عندنا .. جننوني

وبعدين يولون ما اشتريه ب 300 دينار

 

[FunKa]

على كيفهم يرفعون الأسعار

أنا قالولي يوريكا فيه ب180 مادري الجديد أو القديم


...

 

[فرحه عمر]

بنات انا بعد مستخفه على الجهاز و محتاسه ابيه بسعر معقووووووووووووول
و بعدين اضافه بسيطه في اجهزه نقال تكون تجميع اماراتي /فرنسي/فنلندي/سويدي
يمكن ارخص بالامارات عشان تجميع اماراتي و بعدين بنات الامارات من عمرهم اسعارهم نااااااااااااااااااااار

 

[FunKa]

هلا فرحة عمر منوره الموضوع

وهذي مطالبة آي فون جديده ههههههههههههه


والله ياوخيتي شكثر شارينه من برى وأعرف وحده شاريته من أمريكا برخيييييييص


الكويت شابه ضو عالتليفونات

...

 

[مش بالكلام]

اضم صوتي لاختي funka واناا بعد ويااااكم ابخااطري هالجهااز بس مصيبه سعره نااااار *_^

 

[FunKa]

حياااااااااااااج هههههههههههههههههه


بنسوي حملة آي فون خخخخخخخخخخ


والله محلات الكويت والشركات كل واحد له سعر يبطون الجبد

لو شركة آبل توحد الأسعار بجميع الدول أحسن من هالجذب والله



بنات عفيه أي وحده تعرف لها محل تليفونات تدق عليه تسأله عن الآي فون جم سعره

عشان نفيد البنات


...

 

[تــوتــه]

يا ربي متى تخلص هالعزايم ونتفرغ نرووح ندور هالجهاز بخاطري اروح الافنيو اشوف محل Icity اللي قلتلكم عليه

 

[FunKa]

هلا توته

إي سأليهم شلون وليش وشحقه وبجم والقديم والجديد وشالفرق قرقي عليهم خخخخخخخ



يعني سويلنا بحث


...

 

[تــوتــه]

افا عليج ما طلبتي شي

بس خلي الوالده تفضي عشان ازخها معاي ,, خبرج اختج توته خوافه ما تروح بروحها :dddds:

ياليت تدلوني مكان يوريكا عشان اروح لهم مره وحده ... ماأدل مكانه

 

[FunKa]

عفيا هذا العشم فيج ههههههههههههه



يوريكا تبين صوب أي منطقه

أنا بالعاشره وأدل يوريكا الفحيحيل

...

 

[تــوتــه]

لا فحيحيل بعيد علي
ابي اللي بشويخ ؟

 

[جدة الحلوين]

السلام عليكم حبيباتى انا ولدى يايبة من امريكا 160دينار8جيجا بس عربة باالكويت20دينار

 

[تــوتــه]

وعليكم السلام وشكرا على المعلومه اختي بـــس احنا مأجلين موضوع الطلب نبي من الكويت :eh_s(6):


بنوتات كنت احوووس بموقع iCity
ماحصلت الجهاز فيه معقوله ما نزل عندهم ؟؟

وهنـــــــــي الموقع

 

[تــوتــه]

وهذي مقاله عن ال Iphone 3D

من جريدة الجريدة الأحد 7\9\2008م

رابط الصفحه هنـــــــــا

 

[Artya 【ツ】●]

بنااااااات


آنا عندي الآيفون القديم الجيل الثاني ،، ترا نفس اليديد ،، وكلهم فيهم بلوتوث ،، بس حق السماعه بس ،، ما تقدرين ترسلين ملفات ،، عرفتوا؟


آنا تقريبا غطيت على كل عيوبه بقى البلوتوث ،، مقدور عليها ،، الله يخلي الابتوب


يعني القديم أبرك لوووووول

ولا اتفكرون اتروحون الغانم ،، نصابين ،، غاليين عالطل لووووووول

يعني اللي بتشتري القديم ولا اليديد ترا مآكو فرررررق بينهم والله بس يمكن الشكل من ورا

آنا شريت الآيفون من يوريكا 169 ،، آخر شهر 5،، الحين عاد شوفوا جم صار؟ ،، الحين اعتقد اقل بشوي


صج الجهاز عجيب



لأي استفسار آنا حاضر :eh_s(6):

<< صارت خبره البنت لوووووووووول​

 

[FunKa]

هلا حبوبه جدة الحلوين

على قولة توته مأجلين سالفة الطلب

بنوته صج والله

حلو هالسعر

أنا دقيت على يوريكا قبل العيد بإسبوع قالولي ماعندنا خلص

وأخوي راح لهم ليلة العيد قالوا ماعندنا


بس إذا على جذيه السعر مناسب


...