How To Do It Your Self أفكار وتجارب

[.]

ماتفقدين غالي يارب..

ابد سلامتج يانايمه يامعلق المنتدى ..

متابعينج

 

[عهد الامل]

فستان مدرسة قديم للابتدائي
يتحول لجنطة أكل او لملابس الألعاب

كلفة و سير و نفنوف قديم
منو يصدق ؟​

ماشاء الله الله يوفقك ويديم عليك الصحة يارب وانا والله استفدت

 

[عهود الحب]

اهلين سبونج تسلمين
نوم العوافي يارب
اما المنتدى صار يضيق خلقي وانام سيدا

 

[عهود الحب]

عهد شنكوتي تسلمين ماقصرتي
اللهم امين و لك مثلها يارب

 

[عهود الحب]

نكمل وين توقفنا امس


الحين شوفو الصور بعد الاضافات

هذي قطوه

منقول من الاميرة عنابة < شحلات النك نيم


اتمنى يكون اعجبكم



وهذا فن جديد اسمه فن لف الورق

 

[زهور الجمان]

موضوووووع اكثر من راااااااااااااااااااااااااااااااااااااائع


الله يعطيج العافية


ومشكوووورة يا قلبي

 

[عهود الحب]

هذا الاطار والورود كلها من ورق

وهذي بطاقات مرتبه بطريقه حلوه ... هو مستخدم نكاشة اسنان عشان يلف مب الابره الي انا استخدمها في شغلي
والاوراق هو يقصها بيديه
يعني الي يبا يشتغل في هذا الفن مافي داعي يشتري ادوات خاصه مثل ما انا اسوي ^_*

الكلام لعنابه لازال الحق ينقال تبارك الرحمن مبدعه


​

 

[عهود الحب]

الله يعافيج ياجمان تبارك الرحمن اسمج يهبل
مشكورة عالمرور

 

[عهود الحب]

مثل ما قلت في مواضيع سابقه .. انا احب الاشغاال اليدويه و خاصه شغل الورق
اليوم بعرفكم على فن لف الورق Quilling او Twirling
هذا الفن عمره اكثر من 500 سنه
وبدا مع راهبات فرنسيات ايام الحرب ... بسبب عدم توفر ادوات لتزيين المنشآت الدينيه
خذن الراهبات قصاصات الورق وبدوا يلفونهن ... في كثير من الاعمال محفوظه في المتاحف

اولا بنحتاج اشرطة ورق و ابره خاصه (راسها مقسوم نصين) .. طبعا الابره ايي منها اشكال وايده .. انا احب استخدم الي قبضتهم حديد و حجمهن وايد صغير .. الي في الصوره قبضتها بلاستك و طويله

هاتو اي شريط ورق و حطو نهايته داخل الابره وابتدو لفو .. انتبهو لطريقة امساك الشريط في الصوره الثانيه (للتثبيت)

هنيه بعد ما تلفون الشريط للنهايه امسكوه عدل بعدين سحبو الابره شوي شوي للخلف عشان الشريط ما ينسحب مع الابره (الصوره الثانيه)

اذا كنت تبين الشريط بشكل دواير مرصوصه سيده حطي شوية صمغ ابيض على طرف الشريط وامسكيه ثواني عشان ما يتبطل ... بس اذا بغيتي دايره او حلزون سايب ف تركي الدايره الي سويتيها من غير صمغ عشان تاخذ شكل الحلزون و لما يوصل الحلزون للمقاس الي تبينه حطي الصمغ في طرف الشريط و ثبتيه

يتبــــــــــــــــــــــــــع

 

[عهود الحب]

حين وصلنا حق تشكيل الدايره ام الحلزون .. حطي الدايره الي سويتها على سطح املس .. الي في الصوره عباره عن ورق شمع او ورق رسم خرايط بس الناعم و حطي دبوس في النص ... سحبي مركز الداير للطرف باستخدام الدبوس .. ثبتي هاذا الوضع و حطي من الصمغ البيض على سطح الشريط عشان الاطراف تلزق في بعض

و هذا الشكل النهائي للحلزون

خذي الشكل الي فوق .. الاتجاه المعاكس لمكان تثبيت الاطراف ضغطي عليه بنفس الحركه الي في الصوره و بيطلع يشبه الدمعه

اسمحولي عاد الدرس شوي طويل بس عشان اوضح قدر الامكان كيف تلفون الورق .. وان شاء الله تستفيدون

ترا هذا كله اساس الشغلات الي انا اسويها




الكلام لازال مع عنابه الحلوة ماقصرت

 

[د.شريفة]

الله يعطيج الف عافيه على موضوعج ماشاءالله شي حلو وشغلات فنيه رائعه

 

[عهود الحب]

هذا درس في لف الورق
الي حطيت له نماذج سابقة


وهذا نموذج مختلف ومميز

 

[عهود الحب]

هلا دكتورة شريفة


تسلمين عالمرور عليكم بالعافيه يارب


بس لاتنسونا بدعائكم ادعولي الله يفك ضيقتي سبحانه

 

[عهود الحب]

و هذي اشكال ثلاثية الابعاد

 

[عهود الحب]

وعدتكم اراويكم كيف اتسوون ورود ... هذي طريقة الروز

اول شي قصو دايره قطرها 2.5 سم
وارسمو حلزون داخلها

بعدين قصو الحلزون

لفو الحلزون من الطرف الابعد و حطو من الاطراف الداخليه صمغ ابيض
طبعا الدايره تقدرون ترسمونها مشرشره مثل الصوره و بتعطيكم ورده متعرجة الاطراف

جيه بيطلع شكلهن

صوره من الكتاب كيف ممكن ترتبيون الورد

وهذي الروز المشرشره

ان شاء الله ايكون سهل و عجبكم

 

[عهود الحب]

شوفي بنات معاها شمسوية تبارك الرحمن

عاد انا يبت اشرطة الورق و لفيتها على قلم رفيع و صارو مثل دوائر مفرغه
بعدين فعصتهم شوي عشان يطلع شكلهم بيضاوي

خذت 5 حبات و لصقتهم عدال بعض وطلع شكلهم مثل الورده
بعدين يبت حبه وحده و لصقتها من فوق .. بعدين ركبت فيها حلق معدن مع علاقة الاذن ... و سويت الحلق

و القلب نفس الحركه بس حطيته داخل سلسله فضه

الخاتم لصقته على دايرة ورق اكبر (بدال لا الف الشريط على قلم رفيع .. لفيته على صبعي ) اونه حاطه بعد حلق معدن في الخاتم ويا خرز (حركات)

نفس حركة الخاتم بس بدال الخمس بتلات حطيت 6 بتلات و استخدمت ريش بنفسجي .... الحركه هذي عباره عن ربطه حق بطاقه دعوه/تهنئه او رساله

 

[عهود الحب]

حطيت لها شوية فصوص كرستال و وردتين

صوره اقرب للورده

​

 

[عهود الحب]

هذي العلب
أخليكم ويا الصور

الحوريه عباره عن ستيكر كبير .. لصقته على غطا العلبه و اخترت اوراق العلبه من اللون البنفسجي (لوني المفضل)

العلبه هذي تقدرون تستخدمونها كعلبه او كبطاقة معايده ... اكتبوا داخلها الي تبونه و شكلوها على كيف كيفكم للحبايب

هذي العلبه مستخدمه فيها صمغ ثلاثي الابعاد لماعي و رسمته على الغطا مثل فروع او جذوع و حطيت عليهم كرستالات بشكل ورود

اخترت درجتين من الازق للورق عباره عن بحيره ... و حطيت ورقه خضرا من الي تنشاف في البحيرات و حاوطتها بصمغ ثلاثي الابعاد لونه اخضر .. والي عليها ضفدع خشب و سويت عداله ورده (اونه زهرة لوتس) ... ربطت العلبه من تحت بشريطه زرقا و حطيت داخلها قطعه شيفون ... تقدرون تعبونها حلويات

القاعده من لون برتقالي ساده و الغطا من ورق مخطط .. و حطيت على طرف الغطا لعبه صغيره (حركه)

في هذي العلب استخدمت شرايط بس من الي تلصق ... حطيتها على العلبه من تحت

و هذي صوره جماعيه للعلب ^_^

ان شاء الله تكون الافكار هذي عجبتكم .....​

 

[عهود الحب]

وهذولي حق العيد الوطني للامارات بس مايفرقون عنا بالالوان شي شي عجبوني

شكل العلبه من غير الغطا

 

[عهود الحب]

طبعا البعض بيقول اووووووف اسوي قوطي ولاعلبه صعبه السالفه وبيتعاجز


انا راح انقل لكم طريقة عمل العلب
ومافيها شي اذا نوعنا ثقافتنا


خاصة انه الواحد ممكن يترزق من هالمجال








ليش لأ يابنات ؟​