انا من محبي هالطبق واعتقد موجود في اغلب المطاعم
المهم المقادير:
2 ملعه صغيره زيت زيتون
1 بصله متوسطه مفرومه
2 فص ثوم
سبانخ مغسوله ومفرومه
نص كوب حليب
جبنة كريم مثل فيلاديلفيا ممكن تحطون جبن فات فري
3 نقط من Worcestershire sauce
3 نقط من تباسكو
4/3 كوب جبن موزيريلا مبشور
ملح وفلفل اسود
وبالنسبه للخبز ممكن تستخدموون ناشوز او خبز فرنسي
الطريقه:
نحمس البصل مع الثوم في زيت الزيتون لما يشقر
نضيف السبانخ على دفعتيين عشان ينحمس عدل ونصفيه من الماي الزايد
نسخن الحليب ونضيفله جبنة الكريم لما تذوب بعدين نضيف السبانخ والصوص وربع كوب موزيريلا
وطبعا ما ننسى الملح والفلفل الاسود
نحطهم في ماعون الفرن ونضيف لهم الباجي من الموزيريلا اللي اهو 1/2 كوب لما يبقبق من تحت خخخخ
وبعديين نحمره من فوق وبالعافيه عليكم
للامانه منقول من موقع اجنبي واذا طبقت الطريقه ان شاء الله بحط لكم صوري
