Group Diet Sandwich Come here

[شقاويه11]

​

مرحبا حبيباتي .. كيفكم ! اخباركم ؟​

راح ابدأ معاكم بصلب الموضوع ...​

احنا بوقت انتشر الاكل فيهـ بشكل واسع والمطعم جارهـ مطعم​

والاسعار نازلهـ والطعم يم يم والدلفري مجانا ويجون بسرعهـ ...​

ونسأل بعد ليش نمتن ليش اجسامنا موحلوهـ ليش الصغار صاروا مايقدرون يمشون من الشحم​

والالعاب الحين كلها وانت قاعد قيم بوي , أي بود , أي باد , سوني ......​

طيب وش الحل انا بالنسبهـ لي جوع مستحيل اجوع نفسي سويت حميهـ مدتها اسبوع ​

ونزلت عليها كيلوين ونص وانا الحمدلله شبعانه لانهـ مسألة يوم كامل ​

ماأكل الا تمر ولبن والا يوم فاكههـ ويوم خضار واللي تقول يوم كامل بس شربي مويهـ .....​

ندخل في الحميهـ ...​

الحميهـ هذي انصحتني فيها وحدهـ نزلت عليها عشرهـ كيلو بشهر ​

اول شي ممنوع تاكلين شئ غير المذكور لو قالولك الكالوري فيهـ صفر ....​

ثاني شئ الانتظام يعني لازم نمشي بالملي سيدهـ بدون لف ولادوران ...​

ثالث شئ المسموح بهـ ....​

1\ شراب البقدونس هذا الشراب ميزتهـ هذا الشراب يوازن ضغط الدم ينظم دقات القلب ينزل الكلسترول ​

ويشعر بالشبع وفوائدهـ كثير واهما الدوخهـ اللي مع الرجيم ماتحسين فيها ابدا...​

طريقتهـ تغلين مويهـ وتصبينها فوق البقدونس بالكميهـ اللي تبينها وضيفي النعناع محسن للطعم .....​

​

تشربين باليوم من ثلاث الى خمس اكواب ...​

2\ البرتقال لازم تاكلين من ثلاث الى خمس برتقالات .....​

3\الجزر والخيار بأي كميهـ تبينها بس بشرط قبل الوجبهـ بساعتين اوبعدها بساعه ....​

4\ تفاحهـ وحدهـ مسموح باليوم والكيوي والانناس والخوخ بالكميهـ اللي تريحك او مولازم عادي ....​

5\ حليب او لبن اوزبادي منزوع الدسم نوع واحد باليوم تاخذين منهـ اثنين عشان الكالسيوم مهم بالرجيم ويساعد على التنزيل .....​

6\ اهم شئ الساندوتش تاكلين 3 حبات باليوم غداء وعشاء وفطور .....​

الساندوتش عبارهـ عن القرصان الرطب اللي ينباع كذا حبهـ بكيس ....​

تاخذينهـ واتقصصينهـ اربع اقسام لانه كبير وكل قسم نستخدمهـ بساندوتش ​

واللي ماتحصلهـ تستخدم التورتيلا البر ...​

الحشو ...​

1\ شاورما اللحم تسلقين لحم منزوع منه العضم والشحم لما ينضج بعدين تشرحينها بالسكين وتبليها بالليمون والبهارات والثوم ​

واتحركينها على النار وتحشينها بالقرص وتقطعين معها خس ومخلل وجبن منزوع الدسم وتستخدمين الدجاج بنفس الطريقهـ ....​

2\ البيض المقلي بشوي زيت زيتون تمسحينها بالمنديل على المقلى ويصير فيه لمعهـ بس وتقلين البيض مع شرائح الفلفل الرومي ان حبيتي وتضيفين الكمون والفلفل الاسود المطحون ​

3\ التونهـ مع الفاصوليا الحمراء مع شرائح البصل والفلفل الرومي والجبن المنزوع الدسم برضو المرتديلا بنفس الطريقهـ بس تقطعينها طولي .....​

البهارات المستخدمهـ للسندوتشات :​

السماق والفلفل الاسود المطحون والكمون والبهارات المشكله والليمون (الملح ممنوع )....​

يفضل اضافة الطماطم مع مسحه من المايونيز اللايت ....​

هذي بعض الحشوات مصورتها مع طريقة الحشي ....​

​

​

​

​

​

​

اللي عندها حشوات زيادة وتكون دايت لاتبخل علينا ....​

مثال لليوم ...​

انا بالنسبهـ لي مااحب افطر احب اتقهوى قبل مع تشوكليت او معمول اما الحين مع تمر وهذالنوع من التمر لانه مافيهـ سكر كثير وباليوم لايسمح بااكثر من ثلاث تمرات.....​

​

الغداء ساندوتش مع برتقالتين مع زبادي ...​

العشاء ساندوتش وتفاحهـ وزبادي وحبة كيوي ....​

الساندوتش الثالثهـ اخليها لسهرت الليل​

ونقنقي بينهم بباقي البرتقال والاشياء المسموح فيها.....​

صح بعد كل وجبه اشرب كاس من البقدونس ....​

بنات والله ماتحسين بجوع ولا رغبهـ بالاكل خلونا نشجع بعض ​

طبعا هذي قروب دايت ساندوتش واللي بينضم لنا اللحين اوبعدين حياهـ الله مسموح عادي باي وقت ....​

احنا ثلاثه لحد الحين وهذا شعارنا ....​

​

تذكير : انا وزني 68 وطولي 168 وبعد عشر ايام انزل كم وصلنا .....​

أي وصفه جديده اسويها ان شاء الله اصورها وانزلها لكم هنا ....​

ومع السلامه:eh_s(9):​

 

[ســيـsimaـــما]

ماشاء الله
والله رجيمكم زين وصحي
انا الحين مسجله في قرووب وماباقي علي الا 3 كيلو واوصل للوزن المطلووب
عجبني طريقه الساندوتش مشهي بصراحه ويغني عن باقي الوجبات الدسمه
بتبع طريقته ان شاء الله لوصلت للوزن المثالي وبخلي نظامي صحي ومفيد
يعطيك العافيه اختي :eh_s(7):
والله ينزلنا بصحه وعافيه
<<<<متابعه يومياتكم

 

[شقاويه11]

لبيهـ ياقلبي نتشرف بطلاتكـ ...

 

[Q8_QT]

ماشاءالله ريجيمج حلو بس هالسندويش وين نحصله متوفر بكل الجمعيات؟ ولا لأ
ويارب توصلين للوزن اللي تبينه بصحة وعافية

 

[سآق نملة]

موفقه ي قلبي

 

[كيكه توفي]

بالتوفيق

 

[اريج الجوري]

وااااو حده يشوق ,,,

اموووت على السندويتشات ,,,

خلاص بسوي رجيمج ,,,

بس يصير توست اسمر بالحبوب مال المطاحن ؟؟؟