green coffee 800

[البرق80]

مرحبا بنات​

حبيت اقولكم اليوم عن القهوه الخضراء انا سمعت فيها وايد وناس وايد بعد جربوها منهم اختي جربتها تقول ان اول يوم ماسوت لها شي بس ثاني يوم حست نفسها حدها منسده ماتقدر تاكل شي وشوية لوعه بس يقولون اول جم يوم وبعدين تروح الاعراض بس مفعولها عجيب بإنزال الوزن انا ببدي فيها من باجر وبوافيكم بالنتايج بس قلت اذا احد امجربها احط لنا تجربته ونستفيد من بعض على فكره اسم القهوه \ green coffee 800​

 

[بناتي زينة حياتي]

سمعت عنها بس خايفة اجربها بصراحه

هالأشياء يطلع ضررها مستقبلا الله يكفينا شرها

والله ينحفك بصحة وعافية

 

[*عهد*]

منو افضل اهو ولا شاي بايوجي؟

 

[بشوشه]

اليوم رابع يوم استخدمها احس بدوخه و الدنيا تدور و الاكل قل شوي بس احسن من قبل

 

[البرق80]

بنات انا اليوم بديت بالقهوه بصراحه حسيت بدوخه ولوعه لي بليل خفت علي بس طول اليوم ما كليت إلا تبوله وحبة كبه وحده يعني الاكل حدي ما افكر فيه وبشوف النتيجه لآخر الاسبوع و اوافيكم بالنتائج بس دعواتكم لي اني اضعف

 

[خاشووقه]

أول مره أسمع فيها
وين أحصلها؟

 

[البرق80]

والله احنا شريناها من وحده اسمها ام فيصل اعتقد موجوده بالمنتدى وموجوده بمنتديات ثانيه سوي سيرج بقوقل وراح تطلع لج ام فيصل وموفقه

 

[القبله]

بنات ديروا بالكم من اي شي ينوكل والله صحتكم أهم من المظهر

 

[رشة عطر2]

بعد اذن صاحبة الموضوع
حبيت اسأل البنات اللي شربو القهوه
ماحسيتو بأرق وصعوبه في النوم
انا جاني ارق وماانام الا ساعتين ثلاث بالكثير باليوم
ماادري هل هو من القهوه
بغيت تجاربكم يااخوات

 

[سنتر الزين]

مو هذي القهوه اللي بالجمعيات والا غيرها؟

امس شايفتها باليرموك توه منزلينها

 

[shai5at_elbanat]

انا توني مخلصه علبه وحده ما صار فيني شي الا صداع خفيف ونزلت عليه 4 كيلوات وناويه اطلب علبه ثانية بس انشاءالله لمن ارد من السفر
كان وزني 59 صار55

 

[عسووولة]

من وين القهوة؟؟

 

[ام سعود ديكسون]

تسلمين مع ان مادري من وين نحصلها

 

[البرق80]

بنات انا ذكرت لكم من قبل حطوا اسم ام فيصل بقوقل واسم القهوه وتطلع لكم بصراحه انا جربتها جم يوم صج حسيت برقعه ودوخه وما اشتهي الاكل كلش ونزلت كيلوا ونص بأسبوع بس وقفت عنها عقب وبرد عليها باجر لان حرام ارد اللي نزلته

 

[رشة عطر2]

خلصت العلبه
ونقصت كيلوين بس

 

[wow moda]

بنات نبي تجاربكم بليز ماتسوي رقعه بالقلب؟؟؟

 

[لباسه اللولو]

لاتعليق :eh_s(1):

 

[طيـــف]

انا جربتها ولحد الان عم بتسخدم فيها حتى مع الصيام
بصراحه فظيييييييييييييعه فظيعه لحدهلاء صرت نازله 11 كيلو ولله الحمد
وعل فكره اول مره شريتها من ام فيصل واخت تانيه بتبيها ب15
بس حاليا بتشريها من وحده تانيه ونفس القهوه من موقع بايوجي ب 5د.ك

 

[البرق80]

اخت طيف الله يعافيج دزيلي رقم اللي تطلبين منها عالخاص

 

[Featured Lady]

اخت طيف
ممكن الرقم على الخاص
واشلون تستخدمينها فى رمضان؟؟