GIRLs .. hELP Me

[×لصمتيـ أبعآد×]

السسلام عليكم ..

بنآت بغيت استفسر عن الدكتوره زهره آحمد حسسن ... شلونهآآ عآمتن وقريدآتهآ زينه ولا .؟

~ قبل لا يفوت الفوت بلييز فيدووني ..

ومقدمه في الأدب .؟ عن شنو يتكلم .. وصعبه ولا لا ~ خآيفه هع ..

ملاحظه

ترا ثالث مره اسوي الموضووع بليز ردوو ~~ الله والموضوع خخخخ ....​

 

[سحابة امل]

آب آب
ماعندي معلومات والله ..

انا من التربيه الاساسيه .. حبيت ارفع الموضوع ..

 

[×لصمتيـ أبعآد×]

بلييييز ... آب

 

[Ajmal E7sas]

انا خذيت مقدمة في الادب العالمي مترجما عندها اول كورس لي بالجامعه

اممم اهيه كل امتحاناتها موضوعيه ,,, تعبير طوووييل ,, تكتبين نفس مقاله يعني
تعطيج قصص و اشعار و جذي سوالف ,, بالامتحان مثلا تقول قارني بين هالقصه و هالقصه
او بطل هالقصه و هالقصه ,, تحب القرقه بالاوراق واللي يكتبون وايد

حليوه بالكلاس اسلوبها حلو و تونس و شرحها يشوق , بس حسيتها نوعا ما نحيسه شويه
تحب اللي يشاركون بالكلاس وايد ,, اهيه نوعها تسولف و تناقش وتعطي مجال حق البنات يتكلمون و يقولون رايهم
انا اذا ما خانتني الذاكره يبت عندها b

مو حيل حيل كنت احبها و اتقبلها ,, يمكن حسيت بنوع من الصعوبه لأنها اول مادة انجليزي لي بالجامعه
بس الحمدلله انا الحين ما بقالي شي و اتخرج ,, فالوضع صار سهالات و اغلب المواد نفس نظام دكتوره زهره

زينه يعني مو شينه =) ,, بس لازم تكون عندج امكانية بالكتابه و يفضل انج من النوع اللي يشارك و هالشي راح يساعدج معاها حتى لو ماكنتي تقدمين عدل بالامتحان

موفقه عسـووله و اي استفسار انا حاضره =)

 

[English.Teacher]

رد : GIRLs .. hELP Me

مقدمة في الادب 170 غثيثة بس تمشين فيها

تاخذين اشهر القصائد والمسرحيات والقصص القصيرة

يعني مختصرة ماتتعمقون في الادب وما تتخصصون في حقبة زمنية معينة تاخذون من كل شي

وكل عمل نبذة قصيرة عن الكاتب والبلوت والشخصيات والفيغر اف سبيج

وبعض الدكاترة يطلب ريسبونس يعني راايك في العمل مو تلخيص لا يكون نظرتك للعمل او القصة او تربطين الاحداث بحياة الكاتب

بتستفيدين كثير من قوقل والنت و يوتيوب

لان تاخذون اعمال مشهورة لكتاب مشهورين فبتلاقين تلاخيص واحيانا تلقين تلاخيص بالعربي بمواقع عربية

بس انتي سجلتيها عند مين؟؟

انا خذيتها عند حنان مظفر المادة حلوه معاها بس تكدددش بالشغل

يعني تبي مشاركات بالفورم اسبوعيا وتبي 5 ريسبونس

وبحث وعندها مدتيرم واحد وفاينل واحد

وبرزنتيشن

وعلى فكرة هالمادة مو مقياس لباقي مواد الانجليزي

لانها اغث ماادة

 

[Ajmal E7sas]

اي صح ترى هالماده مو مقياس حق تخصص الانجليزي
لأنها دسمه و غثيثه ,, مقدمة كل شي فيها تخربط شويه وتصدمج بالواقع لول

اعرف بنات هونو ما يبون يتخصصون انجليزي من هالماده ,,
بس عادي يعني كملي اذا تبين انجليزي هالماده مو مقياس حتى لو حسيتيها صعبه ,,

موفقـه =)