Gastric Bypass Surgery

[يابختي]

الله يقومج بالسلاامة يارب

بشرينا عنج

 

[ضي]

الله يقومج بالسلااااااااااااااامه

طمنينا عنج

 

[baby johnson]

الله يقوووومج بالسلامه ياااااااارب

 

[baby johnson]

طمنينااااااا

 

[نونو7]

الله يقومج بالسلامة وانشالله العملية سهالات

 

[katkota78]

طمنينا ترا ناطرينج عسى يقومج ربي بالسلامه

 

[ريحانة الكويت82]

مسا الانوار عليكم مشكورين عضوات احلى منتدى وجزاكم الله خير واسفه اني تاخرت بالرد بس كنت ومازلت بالمستشفى ولابي ماكان معاي اولا ثانيه كنت تعبانه بس وايد نص ونص عشان ما اخرع اللي بيسوون (موجذابه اقول الصج) والصراحه ردودكم وتفاعلكم معاي خلاني اتشجع اكثر واكثر راح اكتب لكم بالتفصيل كل اللي صار معاي خطوه بخطوه وانا الحمد الله بخير وصحتي تمام

 

[amani]

الله يقومج بالسلامه

 

[توتا5]

الله يقومج بالسلامه

 

[ريحانة الكويت82]

:68_asmilies-com:مساء الخير على كل بنات المنتدى اليوم أكمل لكم البارت الثاني بس قبلها بحط صورتي وأنا كتكوته صغيرونه حق العضوهprincessمااقدر أرد بطلبها بس بنات قولوماشاء الله.
:tek:هذي ورده مني لكم يا احلى عضوات يوم السبت تاريخ 23 يناير دخلت المستشفى بالليل الساعه 7ودقيت على الدكتور عشان تكون المعدات جاهزه بوقتها المهم صعقني وقالي ترى المعدات اب 560دينار مو 600 قلت خلاص عطني اياهم ببلاش او انطر اسبوع يمكن يصيرون 50دينارخخخخخخخخخ وصلهم الساعه 9 بالليل وهذي صور المعدات

هذول مقصات ماادري ابر خياطه المهم عليهم قياسات وللاستخدام الواحد فقط.

وهذا مسدس بحارب فيه اعداء الأرض :eh_s(13):خخخخخخخ هذا مسدس ليزر هم استخدام واحد فقط وعطاني فاتوره بالمعدات وسلمته الفلوس الكاش بالطبيب.
في هذه الأثناء الممرضات حطولي ابره الدرب وسولي تحليل دم ثاني +قياس الضغط ودقات القلب وعطوني صابون أغسل جسمي بالليل كلش حق العمليه،فضلا على ذلك الممرضه يت وتفقدت مكان العمليه وشافتني شايله والا لا عشان تشيل الشعر بس انا كنت شايله فشله أروح جسمي كله حشائش
وكنت ابي غرفه خاصه بس قالولي بعد العمليه تدشين غرفتج الحين ماكو .طبعا أنا مااعرف انام بالازعاج تميت قاعده لي اذان الفجر توني بقوم بتوضى وأصلى والا السستر يلا مدام قوم قوم لازم الحين لازم يحط درب قلت لها بصلي قالت لي نوووو مدام مافي تايم انتي أول مريض لازم يسوي يلبس بسرعه لبست لبست مستشفى الميانين هييييييييييههه هيييييه ونطرت شوي والا اييبون عربانه العمليات اهني أنا صج اخترعت عدل وماخليت آية ولادعاء ماقريته وحصنت نفسي .
أكمل لكم الجزء الثاني باجر تصبحون على خير​

 

[katkota78]

اي والله كملي ترا انا اقرا وبطني عورني تكفين قولي كل كبيره وصغيره وشلون المستشفى والدكتور عفيه شلونه شاطر ولا لا اسوي عنده خلاص اتوكل على الله.............وووووووااااااااااااااااااااااي ميته من الخوف

 

[كرسبي كريم]

الحمدلله علي السلامه
واجر وعافيه يارب
وطمنينا عليج
ومشاء الله عليج وانتي صغيره كتكوووووووووووووووته وانشاء الله دوووووووووووووووووم كتكوته

 

[ام الجميل ناصر]

الحمدلله على السلامة
الله يحفظك من كل شر

 

[ريحانة الكويت82]

اي والله كملي ترا انا اقرا وبطني عورني تكفين قولي كل كبيره وصغيره وشلون المستشفى والدكتور عفيه شلونه شاطر ولا لا اسوي عنده خلاص اتوكل على الله.............وووووووااااااااااااااااااااااي ميته من الخوف

حياتي كتكوته توكلي على الله وسويها لانها ماتخوف وعادي والدكتور شاطر ويتابعج وتابعيني عشان تعرفين شنو يصير

 

[ريحانة الكويت82]

اي والله كملي ترا انا اقرا وبطني عورني تكفين قولي كل كبيره وصغيره وشلون المستشفى والدكتور عفيه شلونه شاطر ولا لا اسوي عنده خلاص اتوكل على الله.............وووووووااااااااااااااااااااااي ميته من الخوف

حياتي كتكوته توكلي على الله وسويها لانها ماتخوف وعادي والدكتور شاطر ويتابعج وتابعيني عشان تعرفين شنو يصير

 

[ريحانة الكويت82]

اي والله كملي ترا انا اقرا وبطني عورني تكفين قولي كل كبيره وصغيره وشلون المستشفى والدكتور عفيه شلونه شاطر ولا لا اسوي عنده خلاص اتوكل على الله.............وووووووااااااااااااااااااااااي ميته من الخوف

السلام عليكم كتكوته87 ترى ماكو شي يخوف بالعمليه انا اكتشفت بنفسي هالشغله لاني كنت مثلج بالضبط خايفه ومتردده بس خلي ايمانج بالله قوي واستخيري اكثر من مره والله يسهلج امورج انشالله ونشوفج باربي

 

[ريحانة الكويت82]

اي والله كملي ترا انا اقرا وبطني عورني تكفين قولي كل كبيره وصغيره وشلون المستشفى والدكتور عفيه شلونه شاطر ولا لا اسوي عنده خلاص اتوكل على الله.............وووووووااااااااااااااااااااااي ميته من الخوف

السلام عليكم كتكوته87 ترى ماكو شي يخوف بالعمليه انا اكتشفت بنفسي هالشغله لاني كنت مثلج بالضبط خايفه ومتردده بس خلي ايمانج بالله قوي واستخيري اكثر من مره والله يسهلج امورج انشالله ونشوفج باربي

 

[secret sauce]

ربي يقومك بالسلامة
ماتشوفين شر

 

[ريحانة الكويت82]

سوري اني رديت على كتكوته جم مره بس أمس السايت معلق وماادري هل وصل الرد اول لا اسفه على الخلل الفني

 

[ريحانة الكويت82]

نكمل الجزء الثالث من رحلتي في تحويل مسار حياتي نبدأ بسم الله الرحمن الرحيم.
وصلت دور العمليات بسرير العمليات بعدها ياني الدكتور خالد يشوفني ويطمنيي ويشوف معداتي كامله بعد ساعه الا ربع دخلوني غرفه العمليات اخذت كمام البنج وماادري الا عقبها تقعدني الممرضه على الساعه2 الظهر وقعدت على ألم فضيع في بطني من البربيش ومكان العمليه تاكدوا اني بخير وكل شي تمام أخذوني جناح الجراحه الجناح الثاني في الدور الثالث .
ظليت ساعتين ما اقدر ابطل عيوني وأحس الدنيا تدور فيني :tongue22:ماحسيت الا الدكتور طلال دشتي يحرك السرير لي فوق ويطقطق ظهري يعني يسويلي مساج هههههههه كيك بوكسينج ويزفني انتي ليش نايمه يلا قومي امشي بسرعه يلا بدون دلع قلتله اليش قالي عشان مايصير فيج تخثر بالدم وعشان تحركين الدروه الدمويه مشيت بالجناح مره وحده وماقدرت دخت ورديت نمت .
على الساعه 6 المغرب دخل الدكتور خالد العنزي مع قروب الدكاتره وقالي انتي ليش نايمه قومي امشي قلتله ما اقدر دايخه يقولي لا ببجي الحين تكفين لاتخلين دموعي تنزل هههههه دكتوري دمه خفيف المهم عطاني شي انفخ فيه عشان يطلع البلغم مال البنج لانه اذا ظل راح ينزل على الرئه ويسبب ارتفاع حراره وهذي صوره الشيشه :016:

وبعد في شي ثاني طلعت معاه من العمليه اللي اهوا البربيش من مكان المعده عشان تطلع الدم الفاسد ووصخ العمليه وانتو بكرامه

​

مكانه يعور شوي مو وايد .حبيت اقولكم انه أول يوم من العمليه في تعب والم ولكن مع المسكنات يروح الالم بعد يومين من العمليه بديت اتحرك مع قليل من الالم ولكن لما امشي واتحرك يخف العوار وايد طبعا الممرضات لازم يمرون كل ساعتين علي يتاكدون من الدرب غير ابره السيوله اللي كل يوم لازم اخذها ومكانها يعور حيل لما يمشي الدوا :eh_s(2):غير انهم يسحبون دم كل يوم صبح عشان يشوفون نسبه الدم يعني بالكويتي صرت مشخال .
اليوم الثالث من العمليه بدى الوضع يصير طبيعي في القومه والقعده وعطاني الدكتور ماء ملون عشان يشوفون في تسريب والا لا من مكان البربيش وهذا لون الماي احسه جنه صابون لولو والا ديتول زقاصين علي فيه بس مافيه طعم عادي طعمه ماي بس ياربي مااستسغته نفسية

وبنفس اليوم مرتني أخصائية التغذية حنان رقدان وعطتني نظام الأكل اللي لازم اتبعه من الاسبوع الاول وهو بس سوائل شفافه مثل عصايرتفاح الاناناس والرمات والتوت والعنب شوربة دجاج او خضار صافيه لمده 3 اسابيع تقريبا طبعا شاي وقهوه وحليب وعصير برتقال ومشروبات غازيه ممنوعه بتاتا وعطتني موعد عشان اراجعها في السرداب بالمستشفى الامير عياده التغذية نسيت اقولكم شي عطتني بروتين علبه مثل الحليب قالتلي اضيفه على ربع كوب عصاير او شوربة باليوم 8 مرات لاني مو قاعده اكل بروتينات, غير الماي اللي لازم اشربة على طول ويكون بطل الماي معاي بالجنطه بكل مكان.

عقب ماخلصت وشربت الماي الاخضر عطوني عصير تفاح ربع كوب مع شوربة دياي(شوربه هوا مثل شوربه النفاس) شربت العصير وحسيت اني ماكله جدر مجبوس دياي.
بعد ماتم التاكد انه كل شي ماشي تمام:rerrerek: وبعد 6أيام و5 ليال وقع دكتوري على ورقه الخروج وعطاني طبيه لمده اسبوعين اقدر اجددها لمده اسبوعين غير ورقه موعد للدكتور ووصفه فيتامينات اللي لازم اخذها .
باجي شي واحد بس البربيش شاله لي الدكتور علي الصفار وكان سهالات ألم بسيط وراح ورجعت بيتنا سالمه غانمه وانشاالله الاسبوع الياي ببدي امشي لانه الدكتور وصاني بالمشي .وأي استفسار أنا حاضرة:eh_s(21):