Blease ... كلمني عربي

[عنابه]

السلام عليكم ورحمة الله وبركاته

خواتي في الله كويتيات أنا طالبة سنة رابعة أدب أنجليزي , يعني تقدرون تقولون لغتي الأنجليزية قوية بس بعد دراستي لأربع سنوات زاد حبي للغة العربية وخوفي عليها والسبب الرئيسي قرائتي لدراسات تتعلق بأنقراض اللغات حول العالم والأهم أن متفق عليه عالميا أن اللغة الأنجليزية هي اللغة الأولى في العالم , تصورو قرأت دراسات عن شعوب مختلفة مثل ماليزيا والهند وكيف أنهم صارو يتكلمون الأنجليزية كاللغة أولى , يعني مثلا قرأت عن بنت ماليزية تكلم أخوانها وأصدقائها باللغة الأنجليزية والماليزية ( المالي ) تتكلمها فقط مع أمها اللي ماتعرف أنجليزي !!

ولاتروحون بعيد كنت في المارينا وشفت شباب أعمارهم يمكن 15 ومبين أنهك كويتين بس يتكلمون أنجليزي بين بعض وبصوت عالي يبون الناس تسمع !!

وبعد الكثير منا يتكلم أنجليزي مع العمالة اللي في المحلات والمطاعم وفي كل مكان تقريبا بالأنجليزي وننسى أن من شروط وظيفيتهم معرفة اللغة العربية وحتى لو مايعرفونها فهي مو مشكلتنا , في ناس يقولون أن لما نتكلم مع العمالة نتدرب على اللغة الأنجليزية بقولكم غلطانييييين ترى لغتهم هجينة ومو راقية لأنها بدون قواعد وحتى نطقهم مصيبة !

في ناس يقولون ليش أصلا من الأساس نتعلم عربي او يقولون يكفي نعرف نقرأ ونكتب ! لأن مايفيدنا بالحياة العملية

أقولكم أن العربية لغة راقية لغة القرآن أنا شخصيا يذهلني ويربكني أي شخص متمكن من اللغة العربية ولصراحة أجد في قلبي غبطة :eh_s(22):

بنات أبي رايكم في الموضوع وخاصة الأمهات , شنو دوركم في تقوية لغة أبنائكم

وبما أن الموضوع يمكن دسم شوي بحط لكم كم صورة تعبر عن الموضوع بشكل آخر :eh_s(6):

ودمتم بخير :eh_s(17):


​

 

[لوكريسيا]

هلا فيج .. موضوعج حلو ..
احنا لازم نفتخر بلغتنا مثل ما الاجانب مفتخرين في لغتهم يعني عندج الألمان ما يتكلمون الا الألماني حتى الانجليزي يرفضون يتكلمونه و هذا الصح .. احنا بديرتنا لازم نتكلم عربي و على قولتج ان العمالة الاجنبية او الوافدة اللي تشتغل من شروطها اجادة اللغة العربية بس بنفس الوقت اللغة الانجليزية مهمة وايد لأن اكثر بلدان العالم تعتمد على اللغة الانجليزية يعني عندج تايلند اذا كلمتيهم عربي ما يفهمون بس لي كلمتيهم انجليزي يفهمون شوي و هذا يعني لازم الواحد يتمسك بلغته و تكون عنده للغة الانجليزية بديلة للضرورة .....................

انا قبل كنت لي رحت مطعم بطلب شي و لا محل و لا اي مكان و شفت اللي يبيع او يحاسب مو عربي اكلمه انجليزي بس الحين لأ قلت احنا بديرتنا و لازم اهم اللي لازم يتعلمون العربي فقمت أكلمهم بالعربي و اذا تعصلقت السالفة أقلب على الإنجليزي و بهالحركة إكتشفت إن أغلبيتهم يعرفون عربي عدلللللللللللللللللللل .......

يعني الزبدة .. لازم نفتخر بلغتنا وين ما رحنا و احنا بديرتنا بعد بالاضافة للغة الإنجليزية للحاجة ز
و تسلمين حبوبة على الموضوع الحلو :eh_s(17):

 

[عنابه]

انا من مناصرين تشجيع استعمال لغتنا في وطنا بس مو لما اسافر اقعد اتفلسف على الناس بلغتي يعني بالعربي الفصيح لكل مقام مقال .

ومعاج حق العماله يعرفون عربي ويعرفون السمسم بعد بس يحبون يستعبطون .

وشكراااااا على مرورج ومشاركتج الحلوة اللي أثرت الموضوع واذا عندج تعليق زياده لايردج الا ( لوحة المفاتيح ) مو الكيبورد :d

 

[الغاليه نونو]

ماكو علي لغة القرآن الكريم والحمدلله ان الله خلقنا عرب ونبينا صلي الله عليه وسلم عربي

الحين مراطن الانقلش صاروا حتي اليهال يتراطنون بالمارينا واي مكان تروحيله تقولين راضعتهم ام بوش بلبل باللغه اسمالله عليهم
اناماعندي مانع يتعلمون الانقلش كلغه ويتعاملون معاها كماده مقرره عليهم فيها نجاح وسقوط لكن حرصي الاول والاخير اني انمي فيهم حبهم للغه العربيه

 

[ريفيل]

انا مدرسه انجليزي والله ما ابالغ لما اقول لكم نص كلامي عربي نصه انجليزي ما انتبهت لهالموضوع الا تالي احس الانجليزي يعبر عني اكثر اقدر اخذ راحتي فيه يوصل فكرتي اللي ابيها اسرع
انا من وجهة نظري اللغة وسيله للتواصل ما يمنع تكون عربي او انجليزي المهم توصل الفكرة صح وشي ثاني اللغة توسع معارفج اكثر انا الحين عندي اصدقاء من كل الجنسيات حتى هنود وفلبن عادي طالما في تواصل يعني في صداقة في اشياء مشتركه.
العربي لغتي الام احبها بس ما تعبر عني بالشكل اللي ابيه يمكن اهمالي لها سبب لي الضعف والله لما اقراء موضوع عربي انا اتفشل احس ولا بنت بالمتوسطه useless

 

[ريفيل]

ملاحظة عنابه please صححي العنوان

 

[رقي]

احنا لا نفتخر ولا شي
عيالنا كله انجليزي
حتا يدتهم صارت اتكلمهم انجليزي عشان اتجاريهم
ضيعنا لغتنا بالشحاطه والتفلسف وياليت بلاش
باغلا اثمانه
الله يردنا لدينه ردنا جميلا يارب

 

[عنابه]

ملاحظة عنابه please صححي العنوان

هلا رفيل , أنا معاج ان أحيانا نفضل بعض الكلمات أو الجمل الأنجليزية في التعبير عن مقصدنا بس مو لأن اللغة العربية ناقصة وماتقدر توصل فكرنا بشكل مناسب المشكلة فينا لأننا مو متمكنين من لغتنا .

أما بالنسبة للعنوان أنا ماغيرته قصدا لأن لو تلاحظين الصور اللي مرفقتها مكتوب عليها ( Blease ... كلمني عربي ) , وممكن أستخدامها بشكل هذا يدل على أن حتى لو تحدثنا الأنجليزية ممكن مانستخدمها بطريقة صح لأنها مو لغتنا الأم فمايفرق كثير مع بعض المتحدثين بالأنجليزية كالغة ثانية الحروف الكبيرة أو الصغيرة ( هذا على الأقل تفسيري للكاركتير )


أتذكر أن قريت حادثة تتعلق بأن دائما يبين إذا كنت تتكلم الأنجليزية كاللغة ثانية أو أولى حتى لو كنت جدا متمكن منها , هالسالفة صارت لوحدة هاجرت مع أهلها لكندا , تقول الأستاذ اللي كان يدرسها الأنجليزي موصيها أن ماتبين أنها تستعمل الأنجليزية كاللغة ثانية يعني مو لغتها الأم , تقول بعدين لما بدأت الدراسة مرت علي حادثة اللي هي أنها كتبت موضوع وكان عنوان الموضوع مفروض يكون (message ) أي رسالة بس هي غلطت حطت حرف a بدال e فكتبت ( massage ) أي ( تدليك ) , فسألتها الأستاذه هل اللغة الأنجليزية لغتج الثانية ؟\تقول البنت عصبت وقلت لها ليش تسألين ؟!!! فضحكت وقالت لأن لايمكن لمتحدث بالأنجليزية أن ماينتبه للفرق بين الرسالة والتدليك



رفيل شكرا لأبداء رأيج :eh_s(17):

 

[عنابه]

احنا لا نفتخر ولا شي
عيالنا كله انجليزي
حتا يدتهم صارت اتكلمهم انجليزي عشان اتجاريهم
ضيعنا لغتنا بالشحاطه والتفلسف وياليت بلاش
باغلا اثمانه
الله يردنا لدينه ردنا جميلا يارب

رقي اشوه أن جدتي ماتعرف غير العربي

وفعلا معاج حق صار أستخدام اللغة الثانية بدال الأولى نوع من التشيحط , الله المستعان , بس لازم كل واحد يبدأ من نفسه ( ان الله لايغير مابقوم حتى يغيرو مابأنفسهم ) .

وشكرا لتعليقج :eh_s(7):

 

[عنابه]

ماكو علي لغة القرآن الكريم والحمدلله ان الله خلقنا عرب ونبينا صلي الله عليه وسلم عربي

الحين مراطن الانقلش صاروا حتي اليهال يتراطنون بالمارينا واي مكان تروحيله تقولين راضعتهم ام بوش بلبل باللغه اسمالله عليهم
اناماعندي مانع يتعلمون الانقلش كلغه ويتعاملون معاها كماده مقرره عليهم فيها نجاح وسقوط لكن حرصي الاول والاخير اني انمي فيهم حبهم للغه العربيه

هلا وغلا بالغالية نونو :eh_s(17):

انا مايغثني ألا اللي بالمارينا حدث ولاحرج :eh_s(6):

وأنا بعد معاج برايج ماعندي أكيد مانع يتعلمون اللغة الأنجليزية كاللغة ثانية بس عاد مو تصير لغتهم الأولى .

أتذكر السنة اللي فاتت كان معانا وحده في المحاضرة كلما أتكلم معاها تتكلم أنجليزي ومشاءالله صج بلبل عاد شكيت لدرجة أعتقدت أنها أنجليزية وسألت رفيجتي البنت هذي أنجليزية ؟!! عاد ضحكت علي وقال لا سورية :eh_s(6):

عاد بقلبي قلت شسااااالفة :eh_s(3):

 

[الحب الخالد]

والله الموضوع يفشل ويفشلني انا بالخصوص وايد استخدم النجلش خاصه مع اعيالي لانهم بمدارس خاصه واكلمهم بالانجلش واهوا بعد اغلب الاوقات يكلموني بنفس الطريقه والله مو عن قصد بس صارت جذيه والادهى والامر انهم ما ينادوني انا وابوهم الا مامي ودادي استغفر الله والله ما حسيت الا الحين وانا اقرا الموضوع تخيلوا امس اقول حق بنتي يالله علشان ندرس علوم جان تقولي شنو علوم ماث يعني !!!
حسيت ان البنت في اشياء بسيطه غافله عنها واذا استمرينا على هالحال الله يعينا

حتى بالمطعم تخيلي ان زوجي ما يطلب لان ما يعرف انجليزي ويخليني انا اللي اطلب!!!! مع ان مثل ما قلتي لازم نتكلم عربي واهوا بعد لازم يفهمون العربي


مشكوره على الموضوع الرائع وبحاول اصلح اغلاطنا مع نفسنا ومع اعيالنا:eh_s(17):

 

[عنابه]

والله الموضوع يفشل ويفشلني انا بالخصوص وايد استخدم النجلش خاصه مع اعيالي لانهم بمدارس خاصه واكلمهم بالانجلش واهوا بعد اغلب الاوقات يكلموني بنفس الطريقه والله مو عن قصد بس صارت جذيه والادهى والامر انهم ما ينادوني انا وابوهم الا مامي ودادي استغفر الله والله ما حسيت الا الحين وانا اقرا الموضوع تخيلوا امس اقول حق بنتي يالله علشان ندرس علوم جان تقولي شنو علوم ماث يعني !!!
حسيت ان البنت في اشياء بسيطه غافله عنها واذا استمرينا على هالحال الله يعينا

حتى بالمطعم تخيلي ان زوجي ما يطلب لان ما يعرف انجليزي ويخليني انا اللي اطلب!!!! مع ان مثل ما قلتي لازم نتكلم عربي واهوا بعد لازم يفهمون العربي


مشكوره على الموضوع الرائع وبحاول اصلح اغلاطنا مع نفسنا ومع اعيالنا:eh_s(17):

شكرا لصراحتج الحب الخالد , أحيانا الأمور ماتكون واضحة لنا ألا بعد مرور الوقت .

أختي معاها وحده بالجامعة كويتية بس تاخذ تمهيدي عربي في صفوف غير الناطقين بالعربية !! يعني شي صج يعور القلب
ممكن اللحين وعيالج صغار مايحسون بشي بس لما يكبرون راح يلاحظون خاصة أذا بأذن الله صارو في مناصب كبيرة يعني مومعقولة بيتكلمون عربي مكسر مع موظفينهم .

أستاذي بالجامعة دكتور ومتخرج من أمريكا ولغته رهيبة يقول تبون تنطقون أي لغة في العالم صح أبدأو بقراءة القرآن لأنه راح يقوي لغتكم الأصلية ويسهل عليكم أكتساب المعرفة ( سبحان الله ) .

والحب الخالد لاتفشلين ولاشي معاج وقت ولله الحمد خلي عيالج على الأقل يتكلمون عربي معاكم في البيت ومع أهلكم والأنجليزي بس في المدرسة وفهمي عيالج هالشي .

تدرين ذكرتيني بوحده مصممة رحتلها قبل اسبوعين كويتية تكلم بنتها بالأنجليزي !! عاد أعرف وحده أمريكية عيالها كويتين تقول مايردون علي اإلا إذا كلمتهم عربي شوفي الفرق :eh_s(6):


وشكراااااا لمشاركتج لأنها فعلا مفيدة :eh_s(17):

 

[ساره ستايل]

بكل اختصار :
لامانع من تعلم اللغه الانجليزية .. وتعليمها لأبنائنا في المدارس.. واستخدامها اثناء السفر للخارج الى دول اجنبية او بوقت الضرورة

لكن ان تكوت الانجليزية لغة تخاطبنا مع ابنائنا وازواجنا واهلنا .. فهذا اكبرغلط ..

يعني ياكره الام اللي بالسوق وتنادي ولدها الللي عمره 3 سنوات ( جاسم .. كم هير بليييز ) قطع

 

[Harmony]

و الله معاج حق و الأهل فعلا قاعديين يعوقون دراسة عيالهم و ارتباطهم باللغة العربية و الدين بتدخيلهم مدارس اجنبية
اول كنا نقول ماشى يبونهم قويين بالأنجليزى بس ترى هذا على حساب العربي ايهو اهم يكون بلبل انجليزى و ما يقدر حتى يقرأ القرأن قراءه سليمه و لا يكون انجليزيه متوسط و يكون زين بالعربي
و الله عسى الله يعز الحكومة الحين مدارس الحكومه احسن من الف مدرسه اجنيبة يعلمونهم اللغتيين من البداية و اللى مو عاجبه المستوى دخلوهم دورات بالصيف و خلاص وايد احسن

 

[أميرة الورد]

انا مدرسه انجليزي والله ما ابالغ لما اقول لكم نص كلامي عربي نصه انجليزي ما انتبهت لهالموضوع الا تالي احس الانجليزي يعبر عني اكثر اقدر اخذ راحتي فيه يوصل فكرتي اللي ابيها اسرع
انا من وجهة نظري اللغة وسيله للتواصل ما يمنع تكون عربي او انجليزي المهم توصل الفكرة صح وشي ثاني اللغة توسع معارفج اكثر انا الحين عندي اصدقاء من كل الجنسيات حتى هنود وفلبن عادي طالما في تواصل يعني في صداقة في اشياء مشتركه.
العربي لغتي الام احبها بس ما تعبر عني بالشكل اللي ابيه يمكن اهمالي لها سبب لي الضعف والله لما اقراء موضوع عربي انا اتفشل احس ولا بنت بالمتوسطه useless

نفس مشكلتي بالضبط الواحد بحكم الدراسة والشغل ترا لاشعوريا تتعودين على اللغة بس مو معناته اني ألغي لغتي لأ اكيد الأفتخار موجود بس احس الأنجليزي ارتاح أكثر بالتعبير عن نفسي فيه بس الحمدلله اللغة العربيه ترا طاغية يعني والله وخاصة احنا يالكويتيين خل اييج زاير من بره والا انت تصادفين احد أجنبي انا بالنسبة لي على طول أسأل عن لغتهم ومرادفها بالعربي أعلمه لهم جذيه لاشعوريا يعني اذا بتكلمني ترا هالكلمة بلغتك مرادفها هاذي بلغتي . اهو يعتمد على الاجنهادات الفردية في نشر لغتنا يعني لو كلنا شدينا حيلنا اعتقد راح نوصل لنتيجة.


وبعدين حلو انه الانسان يعرف لغات انا مينونه لغات انجليزي الماني فرنسي والحين صيني بعد وفي طور الأسباني ان شاء الله وكل هذا ماعتقد راح يلغي لغتي الأصلية .


مشكوؤة موضوعج وايد حلو

 

[عنابه]

بكل اختصار :
لامانع من تعلم اللغه الانجليزية .. وتعليمها لأبنائنا في المدارس.. واستخدامها اثناء السفر للخارج الى دول اجنبية او بوقت الضرورة

لكن ان تكوت الانجليزية لغة تخاطبنا مع ابنائنا وازواجنا واهلنا .. فهذا اكبرغلط ..

يعني ياكره الام اللي بالسوق وتنادي ولدها الللي عمره 3 سنوات ( جاسم .. كم هير بليييز ) قطع

وهذا اللي أقصده من الموضوع بالظبط أن مافي مانع نتعلم لغات ثانية بس مانخليها لغة تخاطبنا مع أهلنا !!

الله يعطيج العافية وشكرا لمشاركتج :eh_s(17):

 

[عنابه]

و الله معاج حق و الأهل فعلا قاعديين يعوقون دراسة عيالهم و ارتباطهم باللغة العربية و الدين بتدخيلهم مدارس اجنبية
اول كنا نقول ماشى يبونهم قويين بالأنجليزى بس ترى هذا على حساب العربي ايهو اهم يكون بلبل انجليزى و ما يقدر حتى يقرأ القرأن قراءه سليمه و لا يكون انجليزيه متوسط و يكون زين بالعربي
و الله عسى الله يعز الحكومة الحين مدارس الحكومه احسن من الف مدرسه اجنيبة يعلمونهم اللغتيين من البداية و اللى مو عاجبه المستوى دخلوهم دورات بالصيف و خلاص وايد احسن

أوافقج بكل اللي قلتية ألا أن المدارس الحكومية أفضل للأسف مناهج المدارس الحكومية تظلم قدرات الطالب الأبداعية , وأما بالنسبة لتعليم اللغتين بالمدارس الحكومية فعلا معاج حق هم يعلمونهم اللغة الثانية يعني الأهل مفروض مايخافون أن عيالهم ماراح يتكلمون لغة ثانية وخاصة الأنجليزية فماكو داعي يكلمونهم على الطالع والنازل أنجليزي

الله يعطيج العافيه ومشكورة على المشاركة :eh_s(17):

 

[عنابه]

نفس مشكلتي بالضبط الواحد بحكم الدراسة والشغل ترا لاشعوريا تتعودين على اللغة بس مو معناته اني ألغي لغتي لأ اكيد الأفتخار موجود بس احس الأنجليزي ارتاح أكثر بالتعبير عن نفسي فيه بس الحمدلله اللغة العربيه ترا طاغية يعني والله وخاصة احنا يالكويتيين خل اييج زاير من بره والا انت تصادفين احد أجنبي انا بالنسبة لي على طول أسأل عن لغتهم ومرادفها بالعربي أعلمه لهم جذيه لاشعوريا يعني اذا بتكلمني ترا هالكلمة بلغتك مرادفها هاذي بلغتي . اهو يعتمد على الاجنهادات الفردية في نشر لغتنا يعني لو كلنا شدينا حيلنا اعتقد راح نوصل لنتيجة.


وبعدين حلو انه الانسان يعرف لغات انا مينونه لغات انجليزي الماني فرنسي والحين صيني بعد وفي طور الأسباني ان شاء الله وكل هذا ماعتقد راح يلغي لغتي الأصلية .

مشكوؤة موضوعج وايد حلو

أميرة الورد حتى أنا مجنونة لغات :eh_s(21): , اللغة الأجنبية تخليج تطلعين على حضارات أخرى وتفهمين الناس أكثر وطبعا في الوقت الحاضر الأنجليزية هي المسيطرة واللغة العالمية اللي تستخدمها شعوب العالم لتواصل .

بس أنا عندي أعتراض أن نخلط بين اللغتين يعني ماأحب بالجملة الوحده أركب العربي والأنجليزي يعني ياأتكلم عربي ياأتكلم انجليزي

أميرة الورد منين تتعلمين اللغات الثانية الصينية والأسبانية في معاهد بالكويت أو تعلمينها من الأنترنت ؟

أسعدتني مشاركتج ياأميرة الورد :eh_s(17):

 

[jasmine_flower]

لازم نفتخر بلغتنا لانها اولا لغه القران الكريم ولانها هويتنا واصلنا الواحد ما يتبرى من اصله شوفو الاوربيين يعتزون بلغتهم وما يرضون يستخدمون اللغه الانجليزيه , ونفس الوقت ما اقدر انكر ضروره تعلم اللغه الانجليزيه لانه الانجلييز علميا متقدميين فلازم نستفيد من مناهجهم اله كلها بالانجليزى غير انها ضروريه فى السفر علشان تقدر تتفاهم مع البشر وخطر على بالى حديث للرسول صلى الله عليه وسلم موحافظته عدل بس عارفه معناه انه الى يتعلم لغه امن شر البلاد الغريبه الى اهوه رايحلها

 

[aBoOoRa]

موضوعج وايد حلو وحساس

بس المشكله ان الحين لازم الواحد يتكلم لغتين العربيه والانجليزيه

حلو انج تتكلمين عربي وع العرب وانجليزي مع غير العرب

يعني مرهكنا مسافرين و اخووي متوهق يبي يطلب غدا مو عارف شلووون وعطاني السماعه وطلبتله الي يبي ..

وعلى طاري المحلات او المطاعم بعض الكوفي شوبز العماله لازم تتكلم انجليزي حتى لو كان الموظف عربي مثل ستاربكس وماددونلدز وغيرها بوجوود المسئول طبعا والا من وراه حجي مكسر لوووووووووووول

اللغه حلوه تيي بعد سن ال12 للعيال عشان يكونون واعين لاهميه اللغه العربيه والدين

اعرف ناس من الروضه بمدرسه امريكيه او انجليزيه ولاكلمه عربي يعرفون حتى اذا بيتكلمون عربي جنهم فلبن حجي مكسر وبدليات للراس​