Betta Fish السمجه الي قامت تنباع حتى بالجمعيه

[●•tOtA•●]

السلام عليكم

حبيت بصراحه هالسمجه وبكتب قصتي القصيره و كل شي عنها..
اول مره شفت هالسمجه بالجمعيه حبيت شكلها الغريب وعجبتني و ماكنت اعرف اسمها فسميتها فراشه ،

وبعد فتره قريت عنها ونعجبت فيها حيل
طلعت السمجه الي شكلها حلو ذكر والي شكلها عادي النثيه مسكينه
وهذي صورتهم طبعا هذيل سمجي بسيته وتوته


وهذي احسن طريقه عشان النثيه تنعجب بالذكر والذكر يعرض جسمه وابداعاته ، وبعد يومين او3 ايام نطلع النثيه من السجن لووول وراح يتزاوجون..

والحين راح اكتب لكم كل الي اعرفه عن الbetta fish

1- الي عندها سمجه betta الذكر وتبي تعرف اذا كان جاهز للتزواج ، راح تلاحظ ان الذكر مسوي فقاعات فوق الماي مثل جذي ...
<----- طبعا يسويهم وينطر النثيه الي راح تحطينها حقه عشان لما يتزاوجون ياخذ بيض النثيه ويحطهم بحلجه ويصعدهم داخل الفقاعات..


2-واذا بتعرفون ان النثيه جاهزه تتزاوج ولا مو جاهزه لاحظوا شكل بطنها شلون منتفخ والنقطه البيضه ...
<---- هذي مو جاهزه للزواج لاحظوا بطنها عنونو ووضعيفه
<----- وهذي جاهزه للزواج و وضع البيض.

3-وهذي طريقه تزاوجهم

واذا صار التزاوج بينهم ماراح يوخرون من اول مره راح يكملون لما الذكر يوخر النثيه لان راح يبدا يخاف ويحافظ على البيض ، والبيض راح يفقس بعد 24 ساعه واذا كثر 48 ساعه

وباجر بحيل الله احط لكم شكلهم واكمل موضوعي.

 

[وردة-الكويت]

مره شفت عند رفيجتي هذي السمجه وكانت مطلعه فقاعات على سطح الماي وكنت مستغربه حيل


الحين عرفت سببب

مشكوره وماقصرتي على الموضوع

:tek:

 

[●•tOtA•●]

حبيبي حياج الله وان شاء الله باجر بكمل الموضوع عشان الي بخاطرها تربي بيتا فش تعرف شنو تحتاج حق السمج

 

[قوطي نيدو]

مشكوووره

 

[daloo3ah]

واااااااااو رووووووووعه

صراحه ويهي مصدوم وانا اطالع الموضوع والصور ههههههه

عجيب ..

كملي اندمجت ^_^


بس غريبه عقب 24 ساعه يفقس البييض !


ســــــــــــــــــــــــبحان الله @@

 

[تولاي 2009]

يعطيج العافيه توته الصراحه الموضوع رائع وغريب وخصوصا السمك مانعرف عنه شيء
وجزاج الله خير

 

[AmOoNa-]

فعلا سمجه جميله لكن بالكويت مايعرفون قيمتها وانه تحتاج بيئه مناسبه عشان يبين شكلها الحلو حابسينها بهالقلاص ويبيعونها
البنات الي ماعرفوها اعتقد لانه اسم بيتا مايستخدم عندنا نسميها فايتر Siamese fighter

 

[daloo3ah]

امونه بالصور الاولى مو مبين انه الفايتر @@ !!!!!

الفايتر دايما الوانه تهببببببببل و زعانفه واطرافه كلها طويله !!


بالصور الاولى لاحظي شكلها سمجه عاديه

 

[●•tOtA•●]

السلام عليكم

حبيت بصراحه هالسمجه وبكتب قصتي القصيره و كل شي عنها..
اول مره شفت هالسمجه بالجمعيه حبيت شكلها الغريب وعجبتني و ماكنت اعرف اسمها فسميتها فراشه ،

وبعد فتره قريت عنها ونعجبت فيها حيل
طلعت السمجه الي شكلها حلو ذكر والي شكلها عادي النثيه مسكينه
وهذي صورتهم طبعا هذيل سمجي بسيته وتوته


وهذي احسن طريقه عشان النثيه تنعجب بالذكر والذكر يعرض جسمه وابداعاته ، وبعد يومين او3 ايام نطلع النثيه من السجن لووول وراح يتزاوجون..

والحين راح اكتب لكم كل الي اعرفه عن الbetta fish

1- الي عندها سمجه betta الذكر وتبي تعرف اذا كان جاهز للتزواج ، راح تلاحظ ان الذكر مسوي فقاعات فوق الماي مثل جذي ...
<----- طبعا يسويهم وينطر النثيه الي راح تحطينها حقه عشان لما يتزاوجون ياخذ بيض النثيه ويحطهم بحلجه ويصعدهم داخل الفقاعات..


2-واذا بتعرفون ان النثيه جاهزه تتزاوج ولا مو جاهزه لاحظوا شكل بطنها شلون منتفخ والنقطه البيضه ...
<---- هذي مو جاهزه للزواج لاحظوا بطنها عنونو ووضعيفه
<----- وهذي جاهزه للزواج و وضع البيض.

3-وهذي طريقه تزاوجهم

واذا صار التزاوج بينهم ماراح يوخرون من اول مره راح يكملون لما الذكر يوخر النثيه لان راح يبدا يخاف ويحافظ على البيض ، والبيض راح يفقس بعد 24 ساعه واذا كثر 48 ساعه

وباجر بحيل الله احط لكم شكلهم واكمل موضوعي.

السلام عليكم اسفه تأخرت عليكم (وهذي تكملت الموضوع)

4-وعقب 24-48 ساعه راح يفقس البيض وجذي راح يكون شكلهم


5- ولازم نشيل الذكر من الحوض لان راح ياكل عياله كلهم



6- وعقب 4 ايام جذي راح يكون حجمهم


7-وعقب اسبوع



8-وعقب 3 اسابيع



9-و عقب شهر




واحب اختم بملاحظات:
- يفضل للي تبي تربي ال betta fish تشتري حوض يفصل الذكر عن النثيه ويكون حجمه 20x20x40
-واذا لاحظتوا الذكر بنا عشه لازم تغطون الحوض لان الهوا يخرب العش (الفقاعات)
-واذا فقس البيض راح يحتاجون ال baby betta عنايه كبيره.
- تغذيه الbaby betta اول اسبوع طحالب ،وثاني اسبوع بيض الربيان ، وبعدها baby food كلهم تحصلونهم عن بو السمج.
-اول ما تلاحضون زعانفهم تلونت لازم تفرقونهم عن بعض لان راح تبدي الحرب عندهم وراح يتهاوشون لما يموتون..
-لا تستغربون من الوان فريخات سمجكم اذا فرخت الوان غير الوان الام والابو.
-واذا بتغيرون ماي الحوض لا تغيرونه من الحنفيه على طول ، ترسوا ببطول ماي كبار المهم يكون ماي راكد ، لان الماي الراكد يحسسهم بالامان.

وانتمنى استفدتوا ، وانصحكم تجربون حده وناسه...

 

[●•tOtA•●]

والله ونستوني انكم متفاعلين معاي انا احب هالسمجه
والحين عندي 3 ذكوره و 3 نثايه
الي حطيت لكم صورته اسمه "bcena" وعندي "انيستا" و "messi"

والنثايه
"tOtA" و" elzabeth" و "betty pop"

 

[وردة-الكويت]

مشكوره وماقصرتي

 

[AmOoNa-]

دلوعه لانها نثيه الذكر اهو الي يكون حلو وزعانفه كبيره
ومشكوره وايد عالموضوع الحلوو

 

[roses_77]

السمج يتكاثرون ملوت الزينه؟؟
توني ادري وانا سمجاتي نفس ما اهم شمعنا؟؟؟؟؟
شنو لازم يكون هالنوع؟ ولا اي نوع عادي؟
واذا شلنا الذكر على ما يكبرون نرده ولا نخليه بروحه؟

 

[Dancing^Queen]

عجبتنييييييييييييييييييييييييي
انزين سؤاااال
هالسمجه تعيش بماي مالح والا حلو؟
وتقدر تعيش مع سمج ثاني والا ماتتوالم ويا اي نوع؟

وياليت تكتبين اسمج علي الصور علشان تحافظين علي الحق حصري للمنتدي

 

[Queena_85]

لا إله إلا الله ..
وناااسه ... واايد اعجبتني السمجة ..
الله يخليهم لج وتحضرين عرووسهم و تشوفين عيالهم و عيال عيااالهم.. :dddds:

 

[سمسمه Q8]

يحلووووهم
الفايترات الوانهم خياااااااااااااااااااااااااااااااااااااااااااااااال

اذا حطيتي ذكرين مع بعض يتناتفوووووون

عشان جذي بالمحلات كل واحد بقلاص برووحه

 

[جرح الليالي]

يعطيج العافية

صج الفايتر الذكر الوانه عجيبة

وشكله واااو حده

 

[daloo3ah]

وااااااااااي روووووووووعه والله !!


مشكوره تسلم اييييييدج على هالمعلومات والصور الواضحه

 

[●•tOtA•●]

((daloo3ah))
مشكوره على تواصلج وتفاعلج بموضوعي.
والذكر وايد وايد احلى من النثيه ولو تلاحظين النثيه الوانها باهته.

((AmOoNah))
مشكوره قلبي على المعلومه الي ظفتيها لي ان اسها فاير.

((وردة-الكويت))
العفو ياقلبي انا بعد اشكرج على مرورج.

((rose_77))
عطيني انواع السمج الي عندج واعلمج عليهم ، واذا ماتعرفين اساميهم صوريهم.

((dancing^Queen))
-تعيش السمجه بماي حلو واصلا مكانها الاصلي الانهار
-والذكر ما يتوالم مع ذكر ثاني وعامةً سمجه الفايتر ما تتوالم مع اينوع ثاني من سمج الزينه.
-وان شاء الله المره اليايه اكتب اسمي على الصور لاني غشميمه اول مره اكتب موضوع.

((سمسمه Q8))
الذكر مايحب يعيش مع ذكر ثاني لانه مغرور لوول
الا اذا كان الحوض كبير وفيه زرع واشياء يقدر ان ينخش عن الذكر الثاني.

((جرح الليالي))
مشكوره على مرورج فلبي.

 

[AmOoNa-]

توتاا صج موضوعج حلوووو وتوني تذكرت شغله صارتلي قلت اذكر تجربتي <- رزه ويه لالا والله موقصدي بس لانه صج انقهرت يوم صارت السالفه انا شريت فايتر وحطيتها مع على ما اذكر بلاتي...
وبعدين شفت الفايتر منتفه! ولمه قريت طلع انه في بعض سمج الزينه يتعايش مع بعض لكن شنو في انواع تحب تعض فلمه تشوف زعانف وذيل طوال مثل الفايتر والقولد فش تقعد تنتفهم