Back to school(())**(()) امهات مابقى شي على المدارس تجهزتوا ولا بعد ؟؟ تعالوااا ضروري

[الفنانه79]

رد : Back to school(())**(()) امهات مابقى شي على المدارس تجهزتوا ولا بعد ؟؟ تعالوااا

عسى الله يخليه لج يارب

رفففففففففففففففففففففففففففففففففففففع

 

[ريوومة 1982]

الله ىعينا انا تقريبا خلصت بقا القرطاسيه من المكتبه

 

[نور البدر]

مرحبااااااااااااااااا
انا الحمدلله تقربيا خلصت
بنتي الله يحفظها الكبيرة اولى ابتدائي والثانية اولى روضه
وشريت الهدوم من الايوب خذيت 5 حق كل وحدة
اثنين جم طويل و ثلاثة جم قصير
والقرطاسية من الجمعية بسعر التكلفة وخذيت من رامز ومن فاشن مل
والجواتي من سنتر بوينت
وعليييييييييييييييييييييييييييييييييييييييييييييييهم بالعافية

 

[miss_solitaire]

أنا توني قاعدة أكتب قائمة بالأغراض اللي محتاجتها
بالنسبة لي عندي بنتين ,,, ثانية ابتدائي ,,,, رابعة ابتدائي
القائمة مقسمة

أولا : اللبس

اللي بثانية

شباصات و تيجان
2 فستان مدرسة
1 حذاء مدرسة
1 حذاء رياضة
1 بلوزة رياضة أبيض
1 شورت رياضة اسود
6 دلاغات
4 أطقم ملابس داخلية
3 لجنز أبيض
1 بالطو علوم

اللي بالرابعة ابتدائي

3 حجابات
2 فستان مدرسة
1 حذاء مدرسة
1 حذاء رياضة
1 بلوزة رياضة أبيض
1 شورت رياضة اسود
6 دلاغات
4 أطقم ملابس داخلية
3 لجنز أبيض
1 بالطو علوم

ثانيا : الأدوات المدرسية

للثنتين

حقيبة مدرسة + مقلمة + حقيبة طعام + مطارة
أقلام رصاص بالجملة
أقلام حبر للي برابعة
مساحات بالجملة
برايات بالجملة
مساطر بالجملة
صمغ بالجملة
مقص
ألوان شينية
ألوان خشبية
كراسة رسم
السبورة اللاصقة عدد 2 لكل واحدة للعلوم و الرياضيات
أقلام سبورة
طوابع

ثالثا : الدفاتر

اللي بثانية

1 دفتر 100 ورقة للعلوم
2 دفتر 40 ورقة عربي
3 دفتر 60 ورقة 4 أسطر انجليزي
10 ملفات للكتب
جلاد كتب

اللي برابعة

1 دفتر 100 ورقة للعلوم
آلة حاسبة للرياضيات
2 دفتر 40 ورقة عربي
2 دفتر 60 ورقة سطرين انجليزي
10 ملفات للكتب
جلاد كتب

أخيرا حق انا

2 دفتر تحضير اللي يكون تابع له دفتر المتابعة
مسطرة
قلم رصاص
طقم اقلام حبر
مساحة
براية
الوان خشبية
آلة حاسبة

و الى الآن ما قررت من وين اشتري الأغراض
بس مبدأيا
الملابس من الأيوب
الاحذية ( سنتر بوينت أو النصر الرياضي )
ملابس الرياضة ( النصر الرياضي )
القرطاسية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما زلت أفكر

 

[غلاي عزوزي]

اول شي
وين صاير كلاركس تقولون انه اريح من ايكو

وبعدين شنو جوتي الرياضه سمعت انه اسود


يعني انا راح اخذ جوتي اسود بس طبي ورياضي مو جلد يابس حرام يعور وهمن اخذ واحد ثاني للرياضه والا شلون


وحبيت اقول شي مهمه بالنسبه لي بالبنطلونات

لازم سير البنطلون مريح يعني اكثر الي اشوفهم بالسوق السير من فوق يابس يضغط عالبطن حرام

هالشي مأزمني حتي ابجامات ولدي


وفي شي ثاني نسيتو الاندر وير
انا شريت للعيد والمدرسه طقه وحده


امممممممممممممممممم وليما الحين ماخلصت العيد اخر الناس دايمن هههههه

 

[الفنانه79]

رد : رد: Back to school(())**(()) امهات مابقى شي على المدارس تجهزتوا ولا بعد ؟؟ تعالو

السلااااام عليكم

الحمدلله خلصت حق اعيالي لبس المدرسه
ولبس الرياضه
وشريتلهم جوووتي اسود مريح وطبي للمدرسه
وخذيتلهم جوتي بوما للرياضه اسود طبع بعد ماااادري ليش طالبين اسود احنا على ايامنا ابيض وحتى مدرستهم الانجليزيه كان ابيض

شريت ملابس داخليه وادلاغااااات

القرطاسيه

شزيتلهم جناط ولانش بوكس من مركز سلطان

شريت افلام رصاص بالعلب ومساحات وبرايات ومفلمات وجلاد ومقصات وصمغ وقص ولزق

ومساطر ودفاتر ٤٠ ورقه وقالولي دفاتر مربعات للرياضيات وكراسه ودفتر للموسيقى ودفاتر ٤ اسطر للانجلش

والطوابع انا طابعتهم وامسويتهم لهم من زماااااان بس يبقى احط رقم الصف عليهم

ولبس الرياضه طالبته وحاطه اسم اعيالي عليه من ورااا وايد حلو

وفولدر. متعدد لا مدرستهم يبون جذي مايبون كل ماده بروح يبون يحطون كل المواد مع بعض

وبس اذا تذكرتوا شي قولولي

 

[اطياب طيبه.أم عبدالله]

قوه فنانه شخبارج

توني شريت حق اليهال من حروه 5 ايام شريت حق العيد والمدارس مره وحده بس بصراحه المصاريف جاااااايده

عندي هالسنه ثانيه روضه واولي ابتدائي الله يعين ومثلج ما اعرف شنو الطلبات بالظبط بس شريت الجناط والدلاغات وعزكم الله الجواتي ومريول حق بنتي وملابس داخليه ومقالم وشويه دفاتر

قبل العيد ريلي مواعدني يوديني اشتري على كلامج مركز سلطان حلو ؟؟ طيب السالميه ولا سوق شرق ؟؟

ومشكوره مقدما موضوعج حده ياي بوقته

 

[الفنانه79]

رد : رد: Back to school(())**(()) امهات مابقى شي على المدارس تجهزتوا ولا بعد ؟؟ تعالو

قوه فنانه شخبارج

توني شريت حق اليهال من حروه 5 ايام شريت حق العيد والمدارس مره وحده بس بصراحه المصاريف جاااااايده

عندي هالسنه ثانيه روضه واولي ابتدائي الله يعين ومثلج ما اعرف شنو الطلبات بالظبط بس شريت الجناط والدلاغات وعزكم الله الجواتي ومريول حق بنتي وملابس داخليه ومقالم وشويه دفاتر

قبل العيد ريلي مواعدني يوديني اشتري على كلامج مركز سلطان حلو ؟؟ طيب السالميه ولا سوق شرق ؟؟

ومشكوره مقدما موضوعج حده ياي بوقته

هلا ام عبدالله

لا ياقلبي انا شريت من مركز سلطاااان السالميه ايهببببببببببببببببببببببل لايطوفج والله

 

[كلي تفاؤل]

رد : Back to school(())**(()) امهات مابقى شي على المدارس تجهزتوا ولا بعد ؟؟ تعالوااا

السلام عليكم ...يامال العافيه فنانه استفدت من موضوعج حيل وما قصروا البنات...

انا بنتي اول سنه مدرسه ..احاتيها صراحة بس الله كريم ..

وشجعتوني اصور اغراضي اقصد اغراضها خخخخخخ وانزلها لكم ...

عموما اللبس من الايوب
الجوتي تكرمون سنتر بوينت
وخذيت بوكس كامل فيه جنطة كتب وجنطة اكل ومطارة ومقلمه ب12 دك ولقيت عندهم مداليا حق الجنطة مكتوب عليها بالانجليزي ..هاذي جنطتي وتحت مكان فاضي عشان تكتبين الاسم ...تعرفين اولى ابتدائي خاف تنحاس وتنسى الجنطة والا شئ فتعرفها الابله ...

القرطاسيه ناويه اروح ان شاء الله مركز سلطان الجمله حلو حيل شفت بروشورهم عجبني

 

[عيش و مرق]

رد: رد : Back to school(())**(()) امهات مابقى شي على المدارس تجهزتوا ولا بعد ؟؟ تعالو

عندكم تويز ار اس الى ب360 جناطه عجيبه وبعضهم ست كامل الجنطه واللنش بوكس والمقلمه ومادرى شنو كلللللللللللهم نفس الشي

وفى حتى دفاتر واقلام نفس الشخصيه

 

[اطياب طيبه.أم عبدالله]

حياتي والله فنونه خلا ولا عدم

توني امس رحت الايوب وكملت مبسهم والشباصات وخمطت وايد شغلات

الحين باقي القرطاسيه بروح ان شاء الله مركز سلطان السالميه بس يمكن اروح على بدايه الدراسه مره وحده بس خوفج البضاعه تخلص :bbbiu:

 

[ام عفاف الكويت]

رد: رد : Back to school(())**(()) امهات مابقى شي على المدارس تجهزتوا ولا بعد ؟؟ تعالو

الله كريم انا باجر استلم ملابس المدرسه وراح احط عليهم كلفه اسم بنتي بالجوخ
وجنطتها هما يعطونا جنطه وهمن مسويه لها اسم عفاف بالجوخ نفس المريول
وشريت باند
وشريت عزكم الله من ماكس 3 جواتي سود 2 رسمي وواحد رياضي
هالسنه مادري عندها اكتف او لا
لانه السنه اللى طافت ماععندها اكتف
شريت لها عدة النظافه داخل جنطه من سنتر بوينت
ودلاغاتها من جمعيه الدعيه فوق لون اصفر على القميص
وبس الى الحين
مادري شنو يطلبون واشتري لانه اولى روضه هالسنه

 

[<<لمار>>]

اناىخلصت لبس اعيالى من ماركس اند سبنسر وملابسهم الداخلية والدلاقات وتكرمون الجواتى من ارث فوت بفى لنا المكتبة ماشريت شئ لى الحين عقب العيد بروح

 

[Um_3boud]

بنسبه لي انا ماجهزت الا حق بنتي بثالثه ابتدائي شريتلها نفانيف من سنتر بوينت طقم الجنطه من مركز سلطان باقي القرطاسيه ليلحين ماشريت
وبنسبه حق ولدي الي بسادس بعدني ماشريتله..

 

[الفنانه79]

رد : Back to school(())**(()) امهات مابقى شي على المدارس تجهزتوا ولا بعد ؟؟ تعالوااا

يسلمووووووووو بنات على هالردوود

 

[Miss_Tiger79]

رد : Back to school(())**(()) امهات مابقى شي على المدارس تجهزتوا ولا بعد ؟؟ تعالوااا

انا الحمدلله شريت اغراضهم كلها تقريبا
والجناط لقيتهم بمحل بوتري بارن الي بالافنيوز واللنش بوكس مالهم

بس بسألكم ابي تكرمون جواتي مو رياضه عاديه بس اسود ويكون طبي ومريح حق المدرسه من وين ؟؟؟؟؟؟؟؟

 

[ابلة رسم كتكوته]

يعطيج العافيه فنانتنا
ولدي هالسنه اولى روضه وسجلته بلاي قروب
والملابس من عندهم
ودلاقاته وملابسه الداخليه ابوه يعطيه العافيه كود له من مصر حقه وحق اخته
بس خذيت له جنطه صغيره ولنش بوكس ومطاره
وجوتي من ايكو وجوتي لاكوست من فوت لوكر
وبنتي اللي بثانيه
خذيت لها من الايوب 3 نفانيف وشباصات وتيجان وشورتات وشورتين سود وبلوزتين حمر وحده سنتر بوينت ووحده من اتش اند ام حق الرياضه والداخليه هم من مصر والدلاقات عندها يدد شاريتهم العام وخاشتهم
وهم جوتي من ايكو ونايك من فوت لوكر
وخذيت لها طقم من سنتر بوينت عباره عن جنطه الكتب والمقلمه وجنطه الاكل واللنش بوكس والمطاره
رحت لولو هايبر اسواق القرين عجيب
خذيت لها 6 دفاتر 40 ورقه و4 انجليزي اربع اسطر هم 40 ورقه ترا اعداد الدفاتر وايد عليها بس انا اخذ زياده احتياط
وخديت اقلام رصاص 4 درازن بما انه بنتي تمشي وتوزع اقلام وخذيت لها مساحات وبرايات ومساطر
اي ونسيت اقول لكم هالاربع درازن الاقلام كانو عرض معاهم مساطر ومساحات وبرايات
وصمغ uhu اللي على حمره على قولتها واقلام سبوره والالوان الخشبيه اهم شي خذيت لها 8 علب
وعقب ما خلصت لولو هايبر دشيت رامز اسواق القرين جان انصدم من الاسعار
اقلام السبوره اللي بدينار و400 لقيتهم ب 450 فلس عند رامز وخذيت بعد
والطوابع رخاص على 150 فلس
وخذيت لها الوان شينيه و 4 كراسات ولقيت الالوان الخشبيه برامز 200 فلس ونوعهم زين فايبر كاستل
اكيد تعرفينهم فنانه
ومقص بلاستيك عشان لا تعور روحها
وهم رحت جمعية مشرف وشفت القرطاسيه وانا نوعي ما اقاوم القرطاسيه
وخذيت لها ستكرز ومساحات على حمره واقلام عشان اسطر لها دفاترها
والله يكون بالعون على تدريسها
كتاب الرياضيات مال 2 صعب

 

[حلم الطفولة]

رفع

 

[الفنانه79]

رد : Back to school(())**(()) امهات مابقى شي على المدارس تجهزتوا ولا بعد ؟؟ تعالوااا

السلام عليكم وعيدكم امبارك

يالله عاد شهلوا وخلصوا شغلكم حق المدارس العيد خلص وانتوا بعدكم ماخلصتوا؟؟؟؟

الحمدلله مثل ماذكرت انا خلصت بس المحاتااااااة ذابحتني كل مااتذكر اصيييييييح اصياح

يارب يبرد على قلبي ويوفق اعيالي

المهم يالله اذا لقيت تفاعل منكم بصور شغل اعيالي واحطه لكم

 

[در المنثور]

السلام عليكم الله يوفقكم ويسهل عليكم جميعا
انا للحين ما عندي يهال
بس اعرف في مكتبة بالاندلس اسمها السنافر ما شاء الله عندهم كل المستلزمات
وبالنسبة للجناط عندهم اشياء حلوه ومنوعه واسعارهم حلو بعد تقريبا تتراوح ما بين 7ونص الى 12 ونص دينار

اتمنى اكون فدتكم

دمتم برعاية الله