\\AL SeeF HospitaL\\**

[++MesK++]

السلام عليكم


اليوم موضوعي عن مستشفى السيف ,,,


راح اتكلم عن المستشفى و كل المعلومات اللي تهمكم و تفيدكم راح تعرفونها من خلال موضوعي



خذيت جوله بالمستشفى و حبيت افيد أي وحده محتاره بالمستشفى اللي بتولد فيه




اولا" مابي غير دعوتين ؛ الاولى ان ربي يشافي ابوي حبيبي

و الثانيه ان ربي يسهل ولادتي


لان حيييييييييييل تعبت على هالموضوع

وصارلي يومين اضبطه,,,





بسم الله نبدأ :eh_s(17):


دكاترة النسا و الولادة :


رئيس القسم : د.جعفر قناوي ( استشاري مصري و كان يشتغل بمستشفى الهادي)

دكتوره روبينا ( استشاريه)

د. راجني جوبتا ( استشاريه)

اشرف مرسي ( اختصاصي )

ابتسام خضنفر ( اخصائية نسا و ولاده )



المراجعه عندهم بالموعد ,,, مو بالدور
____________________________________
____________________________________



*سعر ابرة الظهر 110

*شفط البيبي 50 دينار

*خياط تجميلي 50 دينار

*الشيشه للبيبي بدون اوكسجين = 75 دينار لليوم الواحد

الشيشه للبيبي مع اوكسجين = 150 دينار لليوم الواحد



_______________________________
_______________________________



حضانة الاطفال موجوده فقط بالطابق التاسع

يعني اذا غرفتج مثلا" بالطابق 19 ,, راح يكون البيبي بالطابق التاسع


و على فكره ما عندهم اصنصير برايفت ( خاص للمواليد ) !

يعني اذا طلبتي البيبي عشان تشوفينه أو ترضعينه .. الخ : راح اييبونه لج من خلال الاصنصير العادي اللي يستعملونه الزوار <<<< حبيت اوضحلكم المعلومه فقط



_____________________________
_____________________________

عندهم اربع انواع من الغرف راح اعرضلكم صورها بعد شوي مع الاسعاااااار:

الغرف بالترتيب من الصغير لي الكبير

Standard
VIP
VVIP
RoyaL



_______________________
_______________________



قبل لا اعرض لكم صور الغرف راح اقولكم معلومات تهمكم


- ما عندهم حجز للغرف ,, سواء كانت ولادتج قيصريه أو طبيعيه !!

كل المستشفيات تقدرين تحجزين الغرفه اللي تبينها اذا كنتي قيصريه ما عدا مستشفى السيف ماااااااااااااا عندهم حجز لا طبيعي ولا قيصريه


- مافي اختلاف بين الغرف سواء بالديكور أو الصبغ ,, كلهم نفس اللون و نفس الستايل بس طبعا" يختلف الحجم و الطله سواء على البحر أو لا,,,...


- ما عندهم Baby Cam يعني ما تشوفين البيبي بالشاشه عندج بالغرفه


- ما عندهم سيرفس تقديم .. ممكن اذا طلبتي منهم راح يوفرونها لج من شركه بس اهما بالاساس ما عندهم!


- مثل ما قلت من قبل ما عندهم مصعد خاص للمواليد.


الحين خلصت كل اللي عندي بليز لحد يرد راح احطلكم صور الغرف و الاسعار,,,

:eh_s(17): :eh_s(17): :eh_s(17):
​

 

[++MesK++]

الأسعار لا تشمل الأدوية و التحاليل

Standard

مساحتها حلوه مقارنةً مع الغرف الستاندرد اللي في باقي المستشفيات*

سعر الولاده الطبيعيه مع اقامه يومين
Class A 715
Class b 625

سعر الولاده القيصريه مع اقامه ٤ ايام
Class A 1,220 دينار
Class B 1,040 دينار

VIP*
مساحتها حلوه اذا بتسوين استقبال ملموم

الولاده الطبيعيه مع اقامه يومين
Class A 1,025
Class B 925

قيصريه مع ٤ ايام :*

Class A 1,840
Class B 1,640

المطبخ

VVIP
راهيه و حلوه اذا بتسوين استقبال و معاها مطبخ و حمام و غرفة مرافق

في منها ٥ غرف فقط بالمستشفى كله


سعر الولاده الطبيعيه مع اقامه يومين
Class A 1,425 دينار
Class B 1,325 دينار

القيصريه مع ٤ ايام:
Class A 2,640
Class B 2,440

غرفة مرافق

الحمام و أنتو بكرامه،، طبعاً اهو اكبر بس مو مبين بالصوره

Royal

طبعاً مساحتها كبيره ما عرفت اصورها كامله و فيها حمامين و مطبخ و غرفة مرافق و أهي اكبر غرفه بالمستشفى و مافي منها الا ٤ غرف فقط


سعر الولاده الطبيعيه مع اقامه يومين:*

Class A *2,825 دينار*
Class B 2,225 دينار

القيصريه مع اقامه ٤ ايام:

Class A 5,440 دينار
Class B 4,240 دينار*

يتبع...

 

[Travel^Lover]

يعطيج الف عافية

والله يشافي الوالد ويعافيه يارب ويهون عليج ويقومج بالسلامة اللهم آمين :eh_s(7):

​

 

[احمريكه]

الله يعطيج العافيه ويشفي ابوج وكل مريض يا رب و يسهل و يتمم عليج وعلي وعلى حامل يارب والله يرزق كل محرومه
انا عن نفسي ماحبه هالمستشفى ماحبيت نظامه واحسه يضيق الخلق

 

[++MesK++]

الفرق بين Class A و Class B ان كلاس اي تطل على البحر

و كلاس بي جزء منها على البحر يعني مو اطلاله كامله



المستشفى بشكل عام شرح و ستايل الغرف ذرب مو دفاشه


و هذا رقمهم 1881122


الحين راح اختم الموضوع و اتمنى منكم دعوه لي و لأبوي ان ربي يشفيه و يطول بعمره


و اذا عندكم اي استفسار انا حاضره​

 

[قانونية]

ماارتحت للمستشفي هذا كلشششششش

حبيبتي ماقصرتي والله يشافي ابوج ويسهل عليج يارب

 

[_زينه_]

اسعاره حلوه وديكتوراته ماعجبتني

يعطيج العافيه

 

[سموره 87]

مسوك حبيبتي الله يشافي ابوج ويسهل عليج ولادتج

 

[رووح ابووها]

يعطيج الف عافيه

ويارب تشافي ابوج ويطولكم بعمره ويخليه لكم
والله يسهل عليج حبيبتي

 

[ام الحوراء زينب]

الله يشافي ابوج ويسهل ولادتج ياااااارب

 

[الله ياكثرعذالي]

يارب يشافي لوالد ويسهل عليججججج ولادتججج مشكورا

 

[sharoo_e5]

الله يشافى الوالد ويسهل عليج ولادتك ان شاء الله وعلى كل الحوامل

 

[miss_Ba6oOo6a]

مشكووره
بس الصور وايد ظالمه المكان بالصج عجييب وراقي
وvvip احلا شي للاستقبال
كنت بولد عندهم
بس دكتوري مايولد

 

[ام اغلى الناس]

ما شاء الله
مشكوووووره
الله يقومج بالسلامه ويشفي الوالد

 

[HaYoOoMa]

يهبببببببببببببببببل


انا والده فيه قبل سنه ونص عند روبينا
صراحه روععععه والصور ظالمته شوي

وانشالله ولادتي الجايه فيه .. ..
\\\


يعطيج العافيه ياقلببببي \\

 

[أم عزيـز]

الله يشافي ابوج يقومه بالسلامه


روبينا تينن مولده ٢ من رفيجاتي
وولدتني يوم كانت بالسلام

 

[AVE.NJ]

اثاثه وايد مودرن مااحب جذيه

 

[om 7sony]

الله يعطيج العافيه حبيبتي ويشافي الوالد

عندي تعليق صغيروووون
بالنسبه للكاميرا>>>> متوفره وهذا شي انا متاكده منه
الي تبي تشوف البيبي تقدر تشوفه بالشاشه الي بغرفتها

 

[++MesK++]

ام حسوني : البيبي كام كانت متوفره بس الحين لا

و تقدرين تكلمينهم و تتأكدين

 

[++MesK++]

كل البنات اللي علقو : مشكورين على الدعاوي الحلوه


و ان شاء الله الموضوع يفيد كل البنات الحوامل