____من الافضل مدرسة دسمان النموزجية ولا المعالى ولا التكامل؟__

[ranh]

السلام عليكم
الرجاء الافاده من الخبيرات بافضل مدرسة

• دسمان النموزجية
• المعالى
• التكامل

الرؤية اعرف انها زينه بس خلاص قفلو باب الحجز للسنه الجديده

 

[Dalo3a in Texas]

رد: ____________من الافضل مدرسة دسمان النموزجية ولا المعالىولا التكامل؟______________

والله مادري بس دسمان والمعالي مادحوها حيل

والتكامل ناس تمدح وناس تذم

بس الابداااع اعتقد احسنهممممم كلهم

والله يوفقكم

 

[nouna82]

رد: ____________من الافضل مدرسة دسمان النموزجية ولا المعالىولا التكامل؟______________

مقارنة بالثلاث دسمان احسنهم و في مدارس احسن من دسمان

 

[ناني سيكرتس]

رد: ____________من الافضل مدرسة دسمان النموزجية ولا المعالىولا التكامل؟______________

شنو المدارس الي احسن من دسمان..؟

 

[ranh]

رد: ____________من الافضل مدرسة دسمان النموزجية ولا المعالىولا التكامل؟______________

شكرا لكم
وايش المدارس احسن من دسمان؟
ادري الابداع زينه بس غاليه
الرجاء الافاده ابي نظام امريكي مو انجلش

 

[أم حمني المزيون]

رد: ____________من الافضل مدرسة دسمان النموزجية ولا المعالىولا التكامل؟______________

آنا عيالي بدسمان وااايد زينة وقوية ومدرساتها يهبلووووون ...وبالنسبة للتكامل ما أدري عنها والله والمعالي ناس يقولون زينة بس آنا عندي قاعدة... المدرسة الجديدة اللي توها فاتحة من جم سنة ما أجازف وأحط عيالي فيها لأني أحسها تجرب بعيالنا ....!!!! وهم سمعت وحده بالمنتدى كاتبة بموضوع عن المدارس تقول ان بيسحبون ترخيصها...وما أدري صج والا لأ؟؟؟

 

[ranh]

رد: ____________من الافضل مدرسة دسمان النموزجية ولا المعالىولا التكامل؟______________

شكرا لك حبيبتي
بانتظار ارائكم وتجاربكم احبائي

 

[دمثة]

رد: ____________من الافضل مدرسة دسمان النموزجية ولا المعالىولا التكامل؟______________

ان شاء الله بشوف المدرسة

 

[النجوم الثلاث]

رد: ____________من الافضل مدرسة دسمان النموزجية ولا المعالىولا التكامل؟______________

التكامل ودسمان يتشبهان بأسلوب الدراسة والنظام الامريكي أما المعالي فهي ثنائية اللغة وحسب علمي بعض المواد تدرس بالعربي ​

 

[Styley]

رد: ____________من الافضل مدرسة دسمان النموزجية ولا المعالىولا التكامل؟______________

انا سمعت عن المعالي وايد زينه وبالعكس ممتازهـ

التكامل يوم بسجل ولدي عندهم معاملتهم كلش كلش مو حلوهـ

بس والله مادري عنها

ربي يوفقج

 

[حلم الطفولة]

رد: ____________من الافضل مدرسة دسمان النموزجية ولا المعالىولا التكامل؟______________

الحين كلهم صاروا غالين وايد بس تبقى الإبداع الأفضل
التكامل يقولون نزل وايد مستواها .. ودسمان سمعت عنها ناس كانو ناقلين عيالهم منها إلى روض الصالحين يقولون دسمان أقوى وأحسن. بس آنا ما عرف عنها أي شي ثاني.

 

[ranh]

رد: ____________من الافضل مدرسة دسمان النموزجية ولا المعالىولا التكامل؟______________

شكرا لكم احبائي
تسلموو

 

[gold hard]

رد: ____________من الافضل مدرسة دسمان النموزجية ولا المعالىولا التكامل؟______________

مو كل الناس تمدحبالتكامل في وايد ما يمدحونها

 

[أم أسيل]

رد: ____________من الافضل مدرسة دسمان النموزجية ولا المعالىولا التكامل؟______________

وانا محتاره وين ادخل بنتي من الروضه ومتى يبدي تسجيلهم

مدرسة دسمان
مدرسة اجيال
مدرسة الاكاديميه الكويتيه الثنائيه بالرقعي

 

[ج كولكشن]

1- نصيحة من اخت لا تدخلين عيالج مدرسة الاكاديميه الكويتيه الثنائيه بالرقعي مستواها دون المستوى بكثير انا دخلت عيالي وندمت لاني ما كنت عارفة مستواها ولا اعرف احد فيها وقلت اول واخر سنه وابي اطلعهم الحين مدرسة ثانية غير انه جوها غير صحي لعيالنا صراحة بجيت اشلون قدرت وكملت باقي السنه غير انه انا اتعب بتدريس عيالي اتابعهم واساعدهم بحل واجباتهم ( رخيصة مو غالية ) اسعارها

2- مدرسة دسمان اقوى مدرسة عن تجربتي مع عيالي في السنوات الدراسية الاولى لدرجة حتى الثقة بالنفس والجرأة علموها عيالي وكانو من اروع ما يكون فيها وليما الحين متحسفة عليها بس بعيدة عن السكن وزحمة الكويت الصبح وكانو دايما يتأخرون وما قدر اخليهم على هالحال عشان ما يتعبون واظلمهم وعلى فكرة وايد عندهم انشطة وجو حلو للطلبة ومدرساتهم وايد روعه
والله يوفقنا نلاقي شي زين لعيالنا

3- مدرسة التكامل ( صباح السالم ) مافي تسجيل هالسنة قالولي

 

[اثمان]

اختى جم رسوم دسمان للكى جى و قريد 3

 

[ranh]

هلا حبيبتي
ما ادري الرسوم حاليا
الموضوع قديم وكنت افكر انقل اولادي من سنتين تقريبا وقتها شفت الاسعار كانت معقوله بالمقارنه بمدرسه اولادي

 

[لطيفه السعيدى]

والله يا أختى ما أنصج فى دسمان كلش ولدى راح يتخرج السنه من الصف 12!!!

دسمان أيام عزها سنة 97/98/99/2000/2001/2002

وبس صارت تجاريه كل الله يهمهم الفلوس وزادوا الرسوم السنه 210/وإذا مصممه يوم الأحد أسأل عن أخر الأسعار وأدز لج

 

[اثمان]

والله يا أختى ما أنصج فى دسمان كلش ولدى راح يتخرج السنه من الصف 12!!!

دسمان أيام عزها سنة 97/98/99/2000/2001/2002

وبس صارت تجاريه كل الله يهمهم الفلوس وزادوا الرسوم السنه 210/وإذا مصممه يوم الأحد أسأل عن أخر الأسعار وأدز لج

شنو السبب؟؟

ادارتهم تغيرت؟؟؟

 

[sweet lady]

للرفع