)()()(____لقيته أرخــص____()()()

[vera]

اي و الله صاجة ، الله يعطيج على قد نيتج يا حجية هنونة ، حتى انا اذا عجبني شي و لقيت سعره رخيص ما آخذه اقول اكيد مو زين

 

[design girl]

^^
أأيد كلامج جدا جدا بكل كلمه قلتيها صاجه

انا اذكر والله العظيم بدبي كان يبيع الملفع 3ونص 5 يعني وشحلاتهم بس ايح سوقه محد يمر صوبه
انا عجبوني بس طريقتي اشوف الشي واشتريه باجر عشان اقتنع وماتحسف

والله دشيت باجر ولا المحل مصفر شسالفه قال انا دبلت السعرالي 3 صارت 30 والي 5 صارت 50

امبيه متخيلين قالي بروح اطلب بضاعه ثانيه وقالي انا مستغرب من هالناس يدوون الغالي والرخيص مايملي عينهم

والله صاج انتي الحين تخيلي انج بجمعه وجنطتج زوووقه تقطع القلب صج حلوه يسالونج كل القاعدين وتقولين شاريته 5 ولا 7 من سوق شعبي والله النظره بتغير والله معنه عاجبتهم ولكن لو قلتي من الصالحيه بيقولون وااو ويمكن ركضه عليه <<<هذي الدنيا

 

[SILVER ROSE]

نبشوا عددل بالاسواق الشعبيةوراح تلقون كل شي سعره حلو

 

[$$لامار$$]

بنات بقولكم شغله يمكن تنصدمون منها


تعرفون محل ريماس مال الشنط اللي بالحمرا مول فوق وبالمغاتير تحت وبالمناور فوق >>>>> كل فروعه

كنت قبل دايما اشتري منه جناط على 25 و30 وماعنده فوق 40 كلش



الحين يابنات ماعنده تحت 50 كل جناطه صارت علي 80 و70 و60


وماينزل كلش المهم الجناط تقليد درجه اوله بس ليش هالتغير بالسعر


فوقفت اشتري منهم حتى لو اموت علي الجنطه مع اني زبونه خاصه لهم

ولي خصم لما اشتري منهم


المهم ذاك اليوم ولا اشوف راعي المحل >>>>>>>> هالكلام من سنه تقريبا


سلمت عليه اسمه ابو محمد قلت شدعوا يابو محمد ماتبينا نشتري منك رفعت اسعراك علينا


تدرون شنو قالي


قال والله اني لما رفعت الاسعار زاد البيع البنات يدورون الغالي ومايبون الرخيص كلش


قلت شدعوا مو كلهم قال فئه قليله هي اللي تدور الارخص بس كل مارفعت السعر الاحظ البيع يزيد


البنات هني يدورن الغالي عشان يقولون حق بعض شريتها بهالسهر >>>>>>>>>>> ليش يعني



يعني اللي ابي اوضحه ان سبب زيادة السعر هو احنا مو التجار

يعني لو نقاطع راح يعدلون بسعرهم حيل

وهذا اعتراف من راعي المحل نفسه




وسلامتكم

 

[غربــــة اِحساس]

خوش موضوع

جزاكم الله خير بنات

والشكر موصول لصاحبة الموضوع بعد

يعني اللي ابي اوضحه ان سبب زيادة السعر هو احنا مو التجار

يعني لو نقاطع راح يعدلون بسعرهم حيل

صاجه وعدل كلامج

والافضل لما نلاقي شئ حلو بالسوق مانمدحه جدام اصحاب المحل او البياعين

عشان مايغلونه زياده

 

[ن لبا عيونج ن]

يعطيج العافيه على هالموضوع
اللي اذكره الحين:

البطانيه اللي مكتوب عليها احبك يبيعونها ب20

لقيتها بالفروانيه يم الامتياز ب7

ياحر قلبببببببببببببي

 

[ام حمادنه]

من صجج

وحده العن خيرها نصابه بمعرض شفت عندها كريم مكياج ب5 ونص وماتنزل وبالشايع بدينار بسسسسسسس تخيلي

مادري ليش عبالهم احنا اغبياء؟

 

[][ sarah ][]

تصدقين عاد اني قبل اربع ايام تقريبا قايله انا بعد ماراح اطب محلات غاليه ولا معارض ولا بطيخ , كله بالاسواااااااق الشعبيه

شريت جاكيت من المعرض باخر يوم يقولي مسوين تنزيلات عشان اخر يوم باعني اياه ب22 , ويحلف يقول برا تحصلينه بالخمسينات وستينات انا عجبني حيل بس قلبي نغزني << مااحب احد يقص على حتى لو بربع دينار , وماشريته وبعدين امي حنت قالت بخاطرج واشتري وماادري شنو وحلو جان اردله واشتريه

قبل اربع ايام احوس بهالاسواق الشعبيه على قولتج جاااااان اشوفه واشهق وامي معاي , سالتهم بجم جان يقولون بعشره واااااي شنو انقهرت


ووايد ملابس , مثل بديات الساده برا بخمسه احصلهم بهالاسواق بدينار ونص وخامتهم حلوه
تونزات وسوالف شايفتهم على 15 بالاسواق الشعبيه ( محاميد وغيره ) على 5


بنطلونات من سيتي سنتر على 7 شفت نفسهم بالضبط بمحاميد على دينار ونص وبعضهم دينارين


وهم بنات يقولون شيلات الدبل فيس على 15 وتلقينهم بهالاماكن على دينار ونص

وفي شيلات جنه شيلات قطن ينباعون بالمنتديات يمكن ب7 وغير التوصيل , يقولون بسيتي سنتر على دينارين

 

[][ sarah ][]

لامار فعلا انا معاج , البنات وايد غارتهم المظاهر , اشدعوه يعني

انا وحده البس من كل مكان مايهمني اهم شي يكون عاجبني وحلو ومرتب علي

ونصيحه يابنات مروا على هالاسواق الشعبيه شوفوا شنو عندهم ونبشوا بين الاغراض والملابس والله تلقون العجب على الاقل لا رحتوا مكان غالي ماينقص عليكم , لان والله ياكثر القطع اللي بهالاسواق الشعبيه اسعارها ماتعدي ال5 دنانير وتلقونها برا 15 وفوق

 

[][ sarah ][]

امبيه اشفيني كل شوي رد , تذكرت شي في جم تاجره يبيعون ملابس , يابنات والله نفس الملابس اللي شفتهم بالمعارض باخر يوم باعني القطعه على 5 دنانير واهما يبيعونها فوق ال10 + التوصيل


وهم مره وحده تبيع كاكاو تقول مو موجود منه بالكويت وسعراته الحراريه شويه , وحق اللي تحب الكاكاو وخايفه على وزنها حيل ينفعها لان يغث بسرعه وسعراته شويه , لحقوا مافيه منه بالكويت , اللي تبي ابيع الكرتون على 9 دنانير

والله عقبها قاعده اتمشى بالجمعيه جان امر على ارفف الكاكاو واشوف كرتونه ب750 والا قولوا 800 فلس عن الحلال والحرام , ياربي هذي اشكثر تبي تربح , دبلاااااااااااااااات الدبل !!! حرام عليها والله , والبنات طق مطاقق عليها بالمنتدى مصدقين


اي وبعد بالنسبه للعطورات انا والله يابنات عطوراتي كلها من سوق سلاح لاتقولونلي مو اصلي والله اصلي وسعره ارخص , اغلى عطر عندي سعره مايعدي ال15

دشيت ذاك اليوم محل وجوه ب360 جان اشوف عطر فلانتينو اذا ماخاب ظني سعره ب36 دينار ( تقريبا بالثلاثينات ) والله يابنات بسوق سلاح 15 والاصلي , واللي تعرف بالعطورات راح تدري ان اصلي

لايقصون عليكم المعارض نفس لما رحت اللي يبيعون وحده وواحد يبون يقصون علينا يقولون تيسترات اصليه والله ولاعطر ريحته نفسه ولما نقولهم لا مو اصلي احنا نعرف شنو يقولون ؟؟ يقولون اي لان تيستر , بطتتتتتتت جبدي حتى قلتلها انا هالجم عطر عندي اياهم تسترات ريحتهم مو جذي , غصب يبون يقصون علينا حسبي الله عليهم

والملابس وايد شغلات تشوفونها بزارا غاليه تلقون نفسها بh&m وماكس وسنتر بوينت

طولتها لان خوووووش موضوع بصراحه

 

[حجيه هيونه]

على فكره بالنسبه للعطور بسوق السلاح

من فتره شفت بنت اعرفها وايد عجبني عطرها وسألتها عنه

شفته عطر فانسي مال جيسكا سمبسون
مع السيت مالته اعتقد من المركز الفرنسي او بيضون ب 45 دينار


والسيت طبعا شور ولوشن


طبعا العطر بروحه بحدود نص القيمة

انا لقيته بسوق السلاح ب 7 دنانير ونص بسسسسسسس

وهم عطر اس تي ديبون الازرق

بكل مكان ب 17 اقل شي

بسوق السلاح ب 7 دنانير

 

[Miss.Q8ya]

انا سالفه ان الناس تبي الغالي هذا صج

وصار معاي لما نزلت اسعار الجنط ماصار عليها طلب كثر قبل لما كنت ابيعهم فوق 100

والله ماعرفنا مره تقولون غالي واذا نزلنا تقولون ليش منزلين ؟؟

 

[Miss.Q8ya]

انا سالفه ان الناس تبي الغالي هذا صج

وصار معاي لما نزلت اسعار الجنط ماصار عليها طلب كثر قبل لما كنت ابيعهم فوق 100

والله ماعرفنا مره تقولون غالي واذا نزلنا تقولون ليش منزلين ؟؟

 

[kaboOOOOOOOOsa]

صراحه على حجي البنات سرداب الشايع
قلت الا اروح اشوف
ولا ابيه حده اونس لقيت هذي مالت الريل بعماره الصالونات ب1 ونص بس عندهم بنص
والجنطه اللي اترتب الاغراض بالمنتدى ب8 وانا يعني شاطره ماخذتها من وحده ب5 ابييييييييييييه لقيتها ب2 دينارين كل الاوان ونفس الكوالتي

وشريت صبغ عجبني لونه من ماركه كرازا ب ربع تخيلو بربع انا اتوقع غلطان والله فيه سوالف حلوه حق الميك اب
ايه ولقيت هذا اللي الاستون اللي مغلف كل قطنه بروح ب نص او 750 وماركس ان سبنسر ب3 دنانير

واي اهو اونس بس ما لي خلق اذا ابي شي اطق لي المباركيه على فرق نص وربع يعني ما ايمع الاغراض واخذهم مره وحده
وانا مو ملوع جبدي الا التقليد اللي صار اكثر من الاصلي والله الحين قمت ادور ماركات مو معروفه عشان اظمن انها مو مقلده

 

[بنت الكويت العسل]

حلوووووووووو الموضوع مفيد

 

[بنت الكويت العسل]

حلوووووووووو الموضوع مفيد

 

[فديت الاسمر]

يسلمووو على الموضوع الروعه

 

[الـخـشـفـ الـنـداويـ]

خوش موضوع مسك

يعطيج العااافيه

 

[looooly08]

الموضوع ر و و وعه جد جد كلامكم صح 100% والله ذبحونا هالناس بالنصب بس كويتيات بالمرصاد <<جاكينهم جاكينهم هههه
عساكم عالقوه :weight_lift:

 

[..مفاهيم الغرور..]

عيل خلوني اقولكم



مرة كنت بالمباركية


جان اشوف محلات البجايم ابو دينارر و نص و غيره

لفتت نظري فيه دراعية حلوة للبيت
صايرة كاروهات احمر باسود و فيه قصه دائرية على شكل غوله و طرفها كلفه دانتيل ابيض

و ثلاث زرارات بيض و الكم صاير سير من تحت و دانتيل ابيض

خامتها حلوة و غريبة لا اهي قطن و لاهي استريج و لا هي شيفون

صايرة جنها جوخ او شي هيك بس حلوة حلوه

شريتها على اساس اني باحاسب بدينار و نص

جان يقولي اللي يبيع لا هاذي بدينار

طبعا استانست من كثر ما انا معجبه بالموديل

وفعلا كنت احبها دراعتي هذيج مع ان اكل عليها الدهر و شرب


مالكم بالطويلة

خخخخخخخخخخخخخخ


مرة اختي كانت تبي كورسيه انور رحت معاها

و لا قسم بالله دراعتي اهي اهي اهي بالضبط

الخامه و اللون و كل شي اعرفها اعرفها من كثر ما كنت واقعه بغرامها ما اضيعها

تخيلي سألتها بجم هاذي


جان تقولي بعد الخصم 28 :d

يعني فرق مو طبيعي