___ ملابس العيد .... حيــــــــــــــــــــــاكم امهـــــات _______________________

[ام اغلى الناس]

تسلمين حبيبتي

 

[ام اغلى الناس]

بناااااااااااات
اليوم فريت بالافينيوز لما تكسرت رجولي بس ما طولت .... يمكن 3 او 4 ساعات بس ههههههههههههه
والله ما مداني اشوف كل المحلات اللي ابيها
شفت:::::
تاك تاك ... ما عجبتني ملابسه حيل ... عجبت بنت خالتي و خذت لولدها
عجبتني صدريه للاكل مكتوب عليها دانه لونها وردي بدينارين ... تجننننننننن انهبلت عليها .. بس للاسف ما فيه ازرق ... خالص
قالت عندي اشكال ثانيه و ممكن اكتبلج على جنطه ... قلت لا انا ابي نفس الوردي ... زعلت

جيورانو :: هههههههههههههههه
طلع للكبار مو للبيبيات

ماماز اند باباز ::
شفت تكرمون جوتي يجنن ب 7 دنانير
قالت بنت خالتي شوفي البدله الاول و نرجع له
اما الملابس ما عجبني شي

اتش اند ام ::
ما عجبني فيه شي ... الا بدله نص كم ابيض فوقه سديري و بنطلون جنز
بس بنت خالتي قالت حرام حر لا تلبسينه كل هذا

ادامز ::
عجبتني عنده بدله نص كم اخذتها ... قطعتين طلعوا بخمس دنانير و شوي
بس مو لاول يوم عيد .... للثاني او الثالث

بروي::
عجبتني بجامه بخمسه بس مو حيل لانها علاق وانا ما احب البسه علاق ... قلت لو ما لقيت بجامه احلى بارد اخذها

مذركير ::
ما عجبني شي لاول يوم عيد
بس عجبوني صدريات اخذتهم

جيس كيدز ::
عجبني صندل يجنن جنز ب 6 دنانير ... بس قلت بعد ما القى البدله اخذه

يعني باختصار ... للحين جاري البحث عن بدلة العيد

اما ملابس البنات تجننننننننننن
بس لا تسالوني عن اسامي المحلات لاني ما حفظتهم


بنات علموني وين هالمحلات ... عشان الفراره الجايه ان شاء الله لهم ..
ماكس
بربريز
رالف لورين
ون مومينت
كينزو
دي جي
دكني
بولو
لحظه من فضلك و لغز الاطفال زهار بمجمع زهره؟
كايدي بالرايه؟
dpam بالافينيوز؟

 

[شيخه الحلى]

إذا هذا بجرج لازم تشتريله أشياء حلوه وكشخه ولا تحسفين على بدله العيد إذا كانت ماركه وكشخه
ولا تروحين سنتر بوينت!!
انا بنتي بجر وماشريتلها صراحه من سنتر بوينت حتى بجامات
بجاماتهم عاديه
خذيت البجامات من نيكست
وبدلاتها من مامز اند بابز
واش آند ام عملي حده ومال اللبس اليومي حرام تلبسين ولدج بالعيد من اتش آند ام
و ماكس صراحه ما افكر أشتري منه صراحه ماكس حق وحده عندها 5 يهال ولايعه جبدها ومالها خلق الياهل
انتي بجر لا تبخلين عليه وكشخيه
روحي الرايه الحين تنزيلات وشوفي محلات اليهال تهبل
روحي بيربري الرايه انا توني شاريه منه اشكثر بتلاقين بدله حق العيد منه
او روحي جورج ارماني اللي في بلازا السالميه هم عندهم سيل اخذي منه بجامات وبلسوتات
انا خذيت منه بجامات بس كبار بخليهم حق عيد الأضحى حسافه مالقيت صغار حق عيد الفطر
و روحي مجمع مريم السالميه بالسرداب يزوغ قلبج من البدلات الكشخه كنزو وسكادا وإيلي وفري
و روحي لحظه من فظلك اللي بالمهلب شوفي البدلات الديور والبلومارين وااايد جلوين
لا تهلقين بولدج البجر وتاخذينله من ماكس وسنتر بوينت!!!
ولاتلبسينه غتره
خليه كوووول وستايل

 

[ام اغلى الناس]

يا حياتي يا شيخه
جزاج الله خير على الرد الحلو
ان شاء الله باسمع كلامج و اشوفهم
ان شاء الله القى البدله الحلوه اللي تعجبني
و الله يخلي لج الحلوه

 

[PuPa^^SWeeT]

والله حلوو موضوعج

حبيبت ارفعه


انا قعدت افر بالسوق لقيت بدل حلوة بعد


فيه محلات اكوا بالمارينا


انوتا و ريفا بالافينيوز


ماماز و باباز حلوو بعد


بروي عنده شغلات


اكاجوو روعة

بربريه حلوو سمبل و اليجنت


همممممممم


petit هذا حده حلو حق بنات


و عمدج بعد every moments

بس اللي بالمهلب احلى


اللي بالافنيوز عايم


عندكم جيس كيدز هذا سمبل و حلوو


و غرانت

و يمه محلين واحد لبناني حلوو وايد

 

[*ماي الورد*]

اكو محل احسه مظلوم مع انه الملابس اللي عنده معظمها من امريكا و اسبانيا و اسعاره جدا حلوة
و بعد اسبوع بينزل بضاعة العيد
بعض القطع لقيتها موجودة بالنت
تبون تعرفون المحل
الجميع بسوق الكويت

 

[رمانة الكويت]

بنااااااااااات تكفوووون ابي تنانير بربري حق بنات عمر 9 و10 سنوات

بنااات انا حامل بالثامن وما اقدر امشي وااااايد .. تكفوووون ابي اخلص شغل العيد قبل لا ادش التاسع ..

 

[PuPa^^SWeeT]

اتلاقينهم عند بربري


او عند everymoments

 

[دمثة]

انا العام بنتي شريت لها بربري

تنورو وبلوزه من كل لحظةبرج جاسم

وولدي اخذتله من بوس القميص والبنطلون والحزام والجوتي الرسمي


السنه اخذت لها من كلوي البدلة البنوته والولد من لاكوست تيشرت وبنطلون

 

[دمثة]

اكو محل بالافنيوز اسمه gart وانتر رايحه المطاعم مو متاكدة من الاسم

نفس صفة محلات الاطفال جنب كل لحظه هذا حلو ماخذة منا بدله لبنتي حلوو وعنده اشياء حلوة

والي تقول الجميع صح في بس مو حق عيد او شي رسمي حق عملي

 

[(المباركيه)]

شيخه الحلى وين ارماني الي بالبلازا رحتلهم قبل اسبوعين قالولي سكر من 4 شهور ياليت تفيديني
ام اغلى الناس انصحش تاخذيله ماركه هذا اول فرحه اذا ماقطيتي عليه تقطين على منو والي بسنه الماركات تصير اسعارها معقوه ارخص من الكبار
عيالي خلصتهم الحمد الله للرمضان خذيتلهم بدل من دكني بالسواني بمجمع مريم
والعيد بنتي خذيتلها من ارماني والتبديله من جوسي كتور كلهم من دبي وخذيتلها جنطه وشباصات وخلصت
وولدي اول يوم دشداشه وخذيتله نعال تميمه معاها والتبديله من ارماني همن من دبي
بس باقيلهم جواتي شفت ارماني الي ب360 لوووووعه عااد ماني مستعجله بنطر يمكن ينزلون جواتي خاطري من نفس الماركه

 

[PuPa^^SWeeT]

لا دمثة فيه عندهم شغلات حلوة حق العيد

ابوهم شرالهم dresses حلوين يناسبون عيد


اللي تبي اتدور اتحصل


لاتشوفين المحل من برة ولا وانتي مارة لاا دشي و توغلي و دوري عدل اتلاقين

 

[أم راشد المطيري]

بنات ما في بدل للعيد على 15 و20 شنو 50 و60 كم صجكم

ولدي عمرة سنة والبسة بدلة ب 60 ليش والله حرام

ابي محلات تبيع بدل على 20 وين احصلهم

 

[Me too]

أم راشد المطيري تلقين باوكايدي وزارا مذركير وأتش ام بهالأسعار تحياااتي

 

[& دلوعه زوجها &]

مرحبتييييين ...
بنسبه لولدي ياحياتي عمرة سنتين ونص الله يحفظه
سويتله حركه اعجبتني يمكن عندكم عاديه بس عندي خيال
وياررب تضبط كتبت اسمه على قماش كريمي ثوب طبعبا
ورسمت تطريزة صقر على المتن وطالعه خييييييييال ماشالله
وكنت ملابسته العيد الي راح ثوب كويتي رمادي بئبيض
والله اهبلو عليه خواله وعمامه والبات بعد بلعيييد صار هو الحكايه الله يستر عليييييه
وشريتله تكميله غايه في الروعه م بباز اد مماز خييييييال
وبنوتاتي اخذتلهم تغيرات وسمي من مختلف الماركات بس حركات ماشالله

 

[نورالقمر24]

بنات ابي حق بنتي عمرها سنتين
ابي الافرول الكامل مافي مقاسها

 

[الجودي 2008]

بنات بليز اذا عندكم موديلات حلوة حق بنوتات للعيد اعمارهم خمس والثانية سنة <<<<<<<<<<<وه يازينها

خاطري افصلهم للعيد اول مرة مابي اشيا عملية

ابي فساتين حلوة زي اللي كانوا ينباعون هنا الريش وغيره بس هذي قديمة اذا عندكم حركات حلوة جديدة ياليت تعطوني



وثانكيو مقدما

 

[PuPa^^SWeeT]

شوفي بالنت اتحصلين

وعندج التاجرات يفصلون


بس اللي اتدور بدل على 20 دينار ترا فيه


زارا h&m مذركير


وفيه عندج بانوتا و ريفا فيه بدل يعني من 20 لي 40

روحي شوفي

 

[أم راشد المطيري]

بنات زارا في منة بالافنيوز واذا ما في وين اقرب زارا للفروانية

 

[Me too]

موجود زارا في الافنيوووز