والله خوووووش موضوع
انا وحده من الناس الي ماعندها قيمه للدينار امشي واقط على الي يسوى والي مايسوى والله حرام يعني تخيلو انا صرفت باسبوعين 900 على اشياء تااااااااااافهه والله ابي شي الحين اقول اي دفعته ولا شريته ماكو غير ساعه شريتها حق ريلي متحسسسسسسسفه حدي هالفلوس كن ناويه اخشها يعني بس رااااااااااااااحت
سينما ماقمت اروح كللللللش قمت اشتري دي فيديات بالبيت واطالع معنه قبل ما استغني عن شي اسمه سينما كل طلعه شي مقدس عندنا لااااا ولمن صارت التذاكر على 3 زاد حبي حقها جنه السالفه عناد
اففففف حدي مضايقه من نفسي
حطيتلي حصاله مثل ما وحده من الخوات قالت والحمدلله فادت وايد ما احط فيها خرده حديد بس دنانير وفوق وعندي حصاله حق الخرده هذا احط فيها خرده انا وريلي حديد وكل ما تنترس نوديها اي مسيد واحنا نحط فيها بنية الصدقة ودفع البلاء
مكياج الحمدلله قدرت اضبط نفسي وما اصير جني مينونه وومو شايفه خير بالمكياج امشي والقط لاااا قمت اشتري بس الاشياء الاساسيه ولمن تخلص وتدرون عاد والله كنت بشتري كومباكت يديد عشان بخاطري اغير درجة اللون بس بعدين مسكت نفسي وقلت لااااا لمن يخلص الي عندي حرام للحين في نص تقريبا وحتى الماسكرا والايلاينر بس لمن يخلصوووووون عاد باجي الاشياء من لمعات وشادوات وقلوسات ماشالله ترس الادراج عندنا فمالا داعي كل جم شهر اخذيلج شغله عن خاطرج
الملاااااااااابس خلاجين مالها داعي ماقمت اشري حتى لو كان وقت التنزيلات وعجبني فمت امسك نفسي وما اكود بس الاشياء الي ناقصتني بكمل فيها بدله مثلا واذا شفت شي غالي وحسيت مايسوى سعره اشتري خام نفسه وافصل نفس الموديل عند خياط شاطر يطلع احلى من الجاهز بعد والالوان الي ابيها
المكالمات ذابحتني قاعده احاول اخفف منها بس مو قادره بشقتي ماعندي تلفون بيت للحين ماحطينا فمضطره اتكلم بتلفوني بس انشالله ماسكه نفسي عن المكالمات الي مالها داعي يعني وانا بالطريج رايحه بيتنا اسولف مع اختي داقه عليها <<<<<< شكوووووووووو مو الحين بتشوفينها
اقسم فلوسي على حسب احتياجاتي يعني مثلا احط هالمبلغ الفلاني حق المصروف ومبلغ حق الطلعات ومصروف الجمعيه وجذييييي
حتى حق العروس بنات حاولوا اتسوون نفسي عندي مبلغ معين اخصصه حق الحفله اذا كان العرس من القراب مبلغ حق النفنوف واحاول ادور بنفس المبلغ الي حاطته وصارلي تقريبا جم شهر ضبطت معاي حق 3 عروس من قرايبي ومبلغ احطه حق الصالون وحق اكسسوار وشوز واذا عندي واحد ماشي مالا داعي اشتري يديد وحق الحفلات البعيده انا قمت احط مكياجي بالبيت واسوي شعري ستؤيت واروح صالون بصباح السالم يسوولي بف ب 3 دنانير عجيييييييب شغلهم وعاد ابدع مره احط ورده مره اكسسوار ناعم يطلع شكلي حييييل راقي
انا من زمان اسووي ليزر وصراحه ميزانيه اذا كل شهر بسوي حق ويهي 39 واباطي 29 عند عيادة عبدلله المشاري بس سعرهم ثابت ماينزل بعد جم جلسه مثل دار الشفا وغيره فقمت اروح شهر والشهرين الي وراه اشيله بموس نفس الي عندهم مايطلع كلش ونظيف وبعد الشهرين ارد اسوي جذي وايد اوفرلي صراحه وحف الحواجب بعد انا اروح عند وحده صالونها على البلاجات بس الحواجب 5 دنانير فمره اروحلها تحفهم ترسمهم وجم مره الي بعده اروح عند صالون الجمعيه احف ب2 لا ومرات 1ونص بس تنظيف تظل نفس الرسمه جم شهر
ايييييييييي قبل دايما حق الحفلات والمناسبات ما اصور الا عند فينيس ولقطات وارت واقط جريب ال 60 70 على بو ان الصور كلها حلوه وعاجبتني واخر شي تكود بهالالبومات وفلوس على الفاضي الحين قمت اروح مصور باكستاني عجيييييييييييييييب اللقطه ب2 ويغير الخلفيه والهنديه الي هناك حدها شاطره ويعطيج من كل صوره 3 احجام ومرات يبدعه ابيض واسود وبرونز وحركات
ووووو سلامتكم انشالله ماكون هذرت وايد ههههههههههههه
