___جم خذو منكم رسوم حق حفلة التخرج (المدارس الخاصة)؟؟___

[^^DADDIES GIRL^^]

مااقول الا عمى بعينهم نصب موطبيعي

 

[كويتيه فنتك]

انا بنتي بال كي جي 2 طالبين منه 30 بعرف باجي المدارس جم ياخذون

الحمدلله والشكر ؟؟
شنو 30؟
رسوم يديده؟؟هذا اجوفه انه نصب عيني عينك.

بنت اخوي قبل اسبوعين اخذوا 6دنانير لكل طفل.
وربي يخليلج بنيتج.:aha:

 

[QUMAR]

أنا العالميه الأمريكيه خذوا 15 دينار

 

[^^DADDIES GIRL^^]

حبيبتي جم رسوم العالمية الامريكية

 

[باونتى]

أنا ولدى بالحضانه وخذوه منى 0 3دينار .. يشمل روب التخرج وتصوير فوتوغرافى بيصورونه جم لقطه داخل الحضانه وغير صور الحفله وشريط دى فى دى والحفله بصالة

 

[srabeel]

انا بروض الصالحين خذوا 15 دينار واللبس علينا إطلبو بنطرون أبيض وتيشيرت أبيض وتكرمين جوتي أبيض ( بطيح بجبدنا عدل )

 

[آه يا زمن]

الله يعين

 

[توتا وحب الكويت]

والله نصابين عمى بعينهم

في كل شي

انا بعد ولدى لما كان في الكي جي خذو 30
وعطونا روب تخرج يلوع الجبد خامته اي شي

 

[al7noona]

بنتي تخرجت من حضانه abc خذوا مني 15 دينار

والحفله كانت بصاله التنميه واهما سووا لهم روب التخرج اممممم بعد مادري مااتذكر بس الحفله كانت وايد حلوه وعطوهم شهاده مع هديه وعطونا صوره مصورين بنتي بروب التخرج وتدفعين 3 دنانير اذا تبين شريط فيديو الحفله بسي دي