_-_ المتزوجات الموظفات...ريلج شنو يتدخل بمعاشج ..؟ موضوع للنقاش.._-_

[Stylist]

مايتدخل

بس انا لابغيت اجيب شيء للبيت عادي مافيها شيء اساعد

عدل كلامج
مشكورة ياقلبي عالمشاركة

 

[لالوش]

والله انا اساعد ريلى بكل شى لانة على معاشة وبوقتنا كلشى غالى مسكين شكفى معاشة وانا ادرى شنو عندة وشنو ماعندة ومسكين مايقصر معى

 

[بطة رشيقة]

* اول شئ ريلج يتدخل بطريقة صرفج لمعاشج واذا توفرين يدري شكثر توفرين وجم عندج....؟

لا ماله شغل بمصروفى وشكثر اصرف واذا اوفر او لا هذا شى يخصنى الصراحه ..

* اذا تبين تشترين شئ للبيت تشترينه من معاشج ولا منه وشلون تطلبين منه عادي يعني يرضى..؟
للبيت قد ما اقدر اخليه يكون منه الا احيانا انا اشترى

* مصرفج كامل من معاشج ولا تاخذين منه بعد...؟

لا للاسف كله من معاشى

* واهم سالفه محيرتني سالفه السفر اذا بتسافرون كل شئ عليه ولا تساهمين...؟

اساهم معاه ..

 

[ريكاتو]

حبيبتي انا ريلي مايتدخل بمعاشي ومصروف البيت والأعيال والخدامة بعد علية بس انا استحي اطلب منة يعطيني مصروف لأن معاشي زين مكفيني وزيادة
يعني اللي علي اشترية من معاشي هدوم ومكياج حقي وبس والباجي كلة علية

 

[brettey]

ماله شغل بمعاشي واساعده بمزاجي الصراحه

 

[امون حبيبة الكل]

ستتتيايل بالنسبه للسفر اي اساعده
وعلى طاري المعاش اشهد انه ما عاش

مت من التبذير استغفرالله الله يهديني

 

[الدلوعة2005]

نعم انا شخصيا أطلب منه مصروف ( رغم أني موظفة ) و معاشي قريب من معاش زوجي
و أغراض البيت عليه طبعاً
و في حال السفر قد أشارك في مبلغ زهيد جدا جدا جدا ( اطلعه منه دبلات )
صحيح انه الحياة اصبحت غاليه ( يعني اهدي صديقاتي على حسابي ) ودي اخليه عليه
و إذا احتجت مبلغ معين منه اعرف اشلون اطلبة منه بطريقة خاصة جدا .

اذا صارت مناسبة خاصة فيه ( عيد ميلاد زوجي ) مثلاً اشتري له عطر
و اهوه عاد لازم ارد الهدية لي بشي غالي الثمن و له اعمل له سالفة ... حركات
اشرايكم بشغلي مضبطته عدل

 

[أم كادي]

انا ريلي ما يتدخل بمعاشي بس اغراض البيت عليه والاجار عليه لكن اذا انا رحت السوق وعجبني شي حق بيتي طبعا اخذه وانا معاشي راهي الحدلله ونتساعد مع بعض مو عيب احنا اول ما تنزل معاشاتنا نحطهم على بعض ونقسم هذا حق كذا وهذا حق كذا يعني تنظيم الميزاينيه علي

 

[ســــــــــما]

شي معروف ان الزوج يصرف على زوجته ويوفر لها السكن واللبس والاكل

اي شي زياده الزوجه ممكن تصرف على نفسها منه

يعني اذا اهوا معاشه على قده فهو ملزوم بالاساسيات (السكن واللبس والاكل) بس اي اضافات غير هذي اذا الزوجه عندها معاش اهيا تصرف من عندها يعني مثلا (لوحات تحف بدل سهره غاليه اطقم ذهب سياره معينه في بالها الخ) كل الكماليات ...

هذا في حال ان كان الزوج على قده ...

عاد ما ادري اذا كان الله مرهي عليه مطلوب منه الكماليات والا لأ ...


بس بقولج شي خليه حلقه بذونج

لا تصرفين على البيت ويضيع الحابل بالنابل علبو تساعدين زوجج

ما اقولج لا تساعدينه

بس لا تخلطين الحابل بالنابل

ولا تقولين ما بيني وبينه فرق

مو غلط لما يتحدد حق كل واحد منكم الي له والي عليه

مو عيب ولا غلط لما تحددون كل واحد مسؤول عن شنو

والزوج اهو المسؤول الاول والاخير عن مصرفج ومصرف بيتج وعيالج

فلا تتهاونين علبو تستحين

هذا حق

والحق ما فيه مستحى

 

[^kloOot^]

والله عادي كلللللللللللللللللللللللللللل واحد يساعد الثانى بكل شيء مافيها شيء سواء مصرف البيت او السفر


بس في شغلات اساسيه عاد اهو مسئوووووووووول عنها مثل السكن ومعاش الخدامه







بس انه يدخل بمعاشي لا
وكل وحده وطريقتها






بس صج في نك داش عرض استخفر الله اكثروا والله