_-_سويت صيدليـــة منزلية حق بيتي... تعالي شوفي شنو تحتاجين....-_-

[Stylist]

مساء الخير


قبل جم يوم انجرحت ايدي من السجين كنت سرحانه اطالع برنامجي المفضل The Doctors وانا احاول افتح علبه بالسجين وجرحت نفسي طبعاَ انتوا عارفين هالشعور شلون يبجي :0bee2e8d89:

فقررت اسوي صيدليه صغيره بس لي الحين ماكلمتها
المهم انا بقولكم شنو لازم يكون بالصيدليه المنزليه

اول شئ ببدى بالمعقمات في حالت صار لاسمح الله جرح او شئ اول شئ نغسل مكان الأصابه وبعدين نعقمه
وفي خيارات متنوعه من المعقمات
اول شئ عندج معقم بيتادين بالصيدليات موجود او ديتول العناية الشخصية

او Alcohol pads اللي اهي المسحات الطبيه


وبعدين اكيد بتحتاجين البلاستر عشان تغطين الجرح

واذا اعجبتكم هلأنواع تلقونها بصيدليه دار الشفا و Boots

وبعد الشاش الطبي والبلاستر والمقص


ولصقات للألم الظهر


وهالشئ كــــــــــــــــــــــــــــل البنات يحبونه وماستغنون عنه


وعندج بعد من الضروريات والأساسيات عند كل ابنيه ومره
الغسول الطبي في كذا نوع انا افضل سيتيال وفام فريش

 

[Stylist]

والدش المهبلي <<مو الكل يستخدمونه بس هم ضروري


واكيد بعد المسكنات شئ ضروري <<مع ان ماانصح فيها الا للضرورة القصوى لأن المناعه لازم تقوم بدورها مو دايماَ ادويه

وبحالات الأنفلونزا والبرد تحتاجون فيتامين C

وحبوب المص

وللحرارة تحتاجون جهاز قياس الحرارة وخافض حرارة للكبار والصغار اذا في صغار بالبيت وحق الأطفال ابرة للدوا


وللحروق الله يكفينا شرها
مايخفى عليكم كريم ميبو ضرووووووووووووري وكل ماحطيتوه مبجر كلما اختفى الأثر


وكريم للألم العضلات والشد العضلي

ومعقم للأيدين هذا ضروري بالجنطه بعد


وطبعاً مر عليكم ألـــم الأسنان نص الليل البخاخ المسكن ضرووووووري او المسكن اللي بالصورة


وطبعاَ مرضى الربو لازم البيت مايخلى من


الموضوع مجهــــــــــــــــود شخصي وتعبت فيه اتمنى كتابه اسمي وانه من منتدى كويتيات عند النقل

 

[sweet barbi]

يعطيج العااااافيه حبيبتى خوش صيدليه

 

[Stylist]

الله يعافيج

 

[MisS Z]

تسلمين ...

خوش موضوع ...

... ^^

 

[sara3]

يا مال العافيه على هذا المضوع

ذكرتينى باشياء وايد ناقصتنى.مشكوره حبيبتى

 

[namlaa]

اي والله زين سويتي بس ذكرتيني ب ميبو صراحه حبيته صج ريحته خايسه بس لو مو هال ميبو جان ماراح الحرق الي بويهي ..طشر عل ويهي دهن وانا اقلي ديايه...بس الحمدالله ولا اثر ف ميبو حبيبي لوووول

 

[عرموشة]

مشكووووووورة علي المجهود

 

[خشف الرعآبيب]

ماتشوفين شرررر يالغاليه


ماشاءالله تبارك الرحمن خوووووووووووش صيدليه

 

[mama-koko]

بصراحه صج الصيدليه ضروريه ومشكوره وااايد

 

[املى كبير]

يعطيج العاااااااااااااافيه حبيبتى ماقصرتى وبميزاان حسناتج

 

[شيــوخه]

مشكوره حبيبتي على هلمجهود

صراحه شي رائع

 

[قطوطه 1985]

يعطيج العافية عالمجهود

 

[فنتك 78]

يسامووووووو حبيبتي على مجهودج

 

[ام دودو المزيونه]

عجبني موضوعج وايد حلو مشكوره علي موضوعج المميز

 

[حلوة ومملوحة الكويت]

مشكووووره حبيبتي
موضوعج مفيد

 

[دندووشهـ ..~]

مشكورة ويعطيج العافية

 

[أم حيدور]

شي جميل ^_^ ..

وايد منه ناسين سالفه الادوية الضرورية اللي تتواجد بالبيت ^_^ ..

مشكوورة حبيبتي ^_^ ..

لكن مادري ذكرتيني يوم كنا صغار وننجرح جرح عميق كانت

الوالدة بسرعة تحط عالجرح بن القهوة المطحون عشان يقلل الدم النازف وبالعكس لا يحرق ولا شي ..

ضمي القهوة حق الصيدلية وان شاء الله الله يبعد عنج الشر وما تستخدمين الصيدليه عندج وايد ^_^ ..

السموحة عالاطالة حبيبتي ..

 

[a-a-alrajhe]

الموضوع مفيد ..... شكرا لمجهودج عزيزتي..

 

[Stylist]

مشكورين على تجاوبكم وردودكم