8 شهور من الملل والضيقه والفراااااااااااغ القاتل :(

[لاتكابر غلطتي]

السلام عليكم ..


شلونكم بنوتات ؟
علومكم ؟؟

بنات انا من تخرجت صارلي 8 شهور
واعيش فراغ مو طبيعي :eh_s(2):
تكفون بنات ابي اي شي اشتغل ويشغلني
لدرجه ما اقدر احك رااااسي :eh_s(2):
لان الفراغ مو طبيعي ..
كله مقضيته
بالنوووم والنت بسسسسسسسسسسس
ابي شي يفيد وينفعني ..

تكفون بنات رايكم وشوروا علي

:bbbiu:

 

[over love]

دشي دوره لغه مثلا او تصميم شوفى شنو الدورات الى تناسبج وسجلى فيها

 

[لاتكابر غلطتي]

مشكوره حبيبتي ..
وبعد بنات
شنو ارائكممم ؟

 

[أعشقه]

حاولي تشغلين وقت فراغك باي شي تحبينه
مثلا الرسم الاعمال الفنيه .. الديكور اي شي ..
حاولي تسوين اي شي تحسين انك تبدعين فيه
وصدقيني راح يمضي وقتك وماتحسين
انا احب الرسم والشغلاات الفنيه واحيانا اسوي اكسسوارات من الملل والفراغ
سوي اي شي وماتدرين لعلى وعسى يمضي وقتك وتنتجين شي احسن من الجلسه
ربي يعينك ويسهل امورك

 

[زين ودلال]

دشي نادي

 

[دموع الظلام]

ترا احلى شي بالعالم وقت الفراغ تقدرين تسوين فيه شغلات وايد

1- تطلعين شوبنق و مطاعم طلعه مع هلج أو رفيجاتج

2- تسوين رياضه أو تشتركين بنادي

3- ترتبين غرفتج

4- تمارسين هواياتج رسم تصوير سباحه

5-اذا تحبين الحيوانات اشتري لج قطاوه يونسون

6- تخلين لج وقت تسترخين فيه

7-خلي نص ساعه باليوم حق ربج تدعين فيها أو تصلين

8-حتى النت بروحه عالم ثاني غيري المواقع اللي
اتابعينها اذا ماعندج اكونت بالتويتر سوي لج وناسه
كلمي صديقاتج

9-في العاب وااايد اذا عندج ايباد لعبي واشتري العاب

10-وحتى بالفيس بوك في العاب حلوه فاريم فيل تعجبني

11-وتعرفي على أصدقاء يشاركونج هواياتج وتستانين بسوالفهم

12- تابعي أفلاام اشتري او نزلي من النت

13-واذا تحبين يكون لج نشاط برا البيت اخذي لج دورات
وياكثرهم شاركي بفعاليات تطوعي بأعمال واخذي شهادات تنفعج

14- قوي لغتج الانجليزيه دخلي معاهد وخذي شهادات كمبيوتر

15 تقرين روايااات

فييييي واااااااااااااااااايد

 

[زهره الجلنار]

دشي دورات

 

[منو انت]

دموع الظلام ماقصرت

 

[Tom ♥ Jerry]

,


آغلبهم الي يتخرجون سنه يقعدون بالبيت بعدين يشتغلون ,،
أو أقل أو آكثر .!

عآد آنتي استفيدي من هالسنه الي بـ تقعدين فيها بالبيت
اشتركي بـ دورة ميكب ، دورة تحفيظ قرآن ، دورة كمبيوتر ،
روحي نآدي سوي رياضه رجيم أو اي شي ،

شوفي انتي شنو هوآيتج ؟ّ و حآولي تطورينهآ
الحين معرض الكتاب بعد جم يوم آعتقد يوم الآربعا تاريخ 19/10 !
روحي اشتريلج روايات و كتب ، منهآ تتسلين و تطورين ثقآفتج


: )

 

[نونوخالد]

سيمسيم صديق انا خخخخخ



http://www.4in1-stc.com/home/show/140


صوتوا لي حبايب قلبي ماعمري فزت حتى بحلاو مصاص خخخخخخ

 

[لاتكابر غلطتي]

ماقصرتوا فديتكم والله ..
انا عادي كل شي احبه وكل شي احب اسويه ..
احب شغل الكمبيوتر وتعليم لغه ..

وبعد بنات شاركوووني افكاركم

 

[hend6363]

يا بختك انا ابي بس سااعة فرااغ في اليووم اجلس اتقرب من ربي مو لاقية الوقت
سوي لك مشرووع صغيير مثلا اشتري سلع و بيعي انا احب التجاارة
او دشي دورة مكيااج كوافيير رسم تصويير ديكوور اي شي

 

[ޢޢޢإيمانޢޢޢะۣۨ>]

ليش ما تشتغلين بقطاع خاص ؟
راح يوظفونج على طول
تقضين وقت الفراغ وتكسبين خبره على ما تطلع وظيفة الحكومه ​

 

[لاتكابر غلطتي]

ليش ما تشتغلين بقطاع خاص ؟
راح يوظفونج على طول
تقضين وقت الفراغ وتكسبين خبره على ما تطلع وظيفة الحكومه ​

ياليت والله بهالطريقه
بس يقولون مايصير
لازم تكنسلين اوراقج من الديييوان ؟
واذا يصير تكفين ابي الطريقه ..
ولج دعووووووووووووه طيبه

 

[لاتكابر غلطتي]

ابببببببببببببببببببببببببببببببب

 

[Pearl Qatar]

الحال من بعضه حبيبتي =(


شوفي قلبي ,, اول شي انسي شي اسمه ( الســــهـــر ) لانه هو يخرب لج يومج ومزاجج ونشاطج ,, يعني خلي روتينج روتين مدرسه او شغل ، قعده من الصبح ونوم فالليل ,,

سجلي لج دوره وحده وتكون خفيفه مثلا ( دورة حاسب ، انجليزي ، التخطيط الاستراتيجي ، ,, الخ ) ، هالدورات راح تنفعج وايد في الشغل

قعدي مع امج ولا اطلعو تمشو ، والحين الجو وايد حلو استغليه ، اخذي لج كتب واقريها تثقفي ، انا ماعرف شلون نظام الشغل عندكم ـ بس اظن نفسنا مب شرط تقدمين في الديوان وتحطين يدج ع خدج ، روحي انتي الاماكن الي تبينها وحطي اوراقج وان شاء الله تجيج وظايف يرتاح لها قلبج وتشغلج ,,

وكثري من الدعاء والاستغفار حبوبه


​

 

[سفيره الكويت]

عندي لج اقتراحات وايد

1/اذا عندج ميزانيه ومقتدره تسافرين سافري يبا وعيشي حياتج انا والله ناطره بس اتخرج باخذ لي اسبوعين ثلاث ويمكن شهر شوفي

اي دوله تركيا او لندن او اي مكان قبل لا يحكرج الدوام

2/احفظي القرآن

3/مارسي الرياضه

4/النت

5/البحر والاماكن الترفيهيه

وبس خلص يومج جذي حبيبتي

 

[هنووفوو]

اذا انتي صارلج 8 شهور ومليتي
عيل انا الي صارلي 14 شهز شقول ههههههههههههههه

لا بس حمدالله انا مامليت ولا زهقت
وكله اقول كل تأخيره وفيها خيره
الحمدالله ع كل حال

عاد الحين اشغل وقتي بحفظ القران وان شاءالله راح اشترك باحياء التراث لان ببطلون واحد بفريجنا

عاد انا ريضه اتوقع يبيلي بعد جم شهر

 

[لاتكابر غلطتي]

مشكورين بنات
بس لحد يقولي نت
لان انا اقضي فيه اغلب يومي وزهقت

 

[عادت ذكرياتي]

القراءة وممارسة الرياضة ومتابعة برامج مفيدة وأفلام أجنبية تقوي اللغة