8 سنوات وانا اسوي هالحلو ... لا يطوفكم

[babloo]

هذا الحلو صارلي تقريبا بدون مبالغه 8 سنوات اسويه في بيتنا وكل مرة يطلبونه مني .. وانشالله يعجبكم

المكونات :؛
9 كياس بسكوت ماري (4 حبات)
25 تمره بدون نواة
1 زبدة المراعي
1 حليب كرنيشن
1 قيمر عادي الي بالقوطي
1 نستله صغير
1 غلاف جيلاتين ( طبعا الجيلاتين لمن تستخدمينه لازم اول شي تذوبينه في نص قلاص كرفت ماي مغلي)
طريقة العمل :
نطحن البسكوت جيدا ونضيف عليه الزبدة السائحه ونخلط نخلط نخلط وبعدين نحطه في صينية معدن مدوره( يفضل الي سورها ينشال )
ونضغط بكفينا على البسكون عدل عشان يتماسك ونسوي طبقه مسطحه وندخله الفريزر على ما نحضر الخلطة
وهي .. كل المكونات الي عندج حطيها بالخلاط
( التمر والقيمر والحليب والنستله ) خلطيهم عدل وبعدين تصبين فوقهم الجيلاتين وتخلطين مره ثانيه وصبيهم فوق البسكوت
بعدين شبي الفرن من فوق ودخلي الصينية وكل شوي جيكي عليها عشان تتحمر من فوق وبعدين طلعيها وقصيها مربعات صغار وقدميها مع القهوه وبالعافيه

 

[^^دموع الكويت^^]

ضروري اجربه

شكله لذيذ

مشكووورة

 

[جورية كويتية]

مشكوووووووووووره
ويعطيج العافيه ^_^

 

[nero]

تسلم ايدج

 

[babloo]

العفو حبايبي .. الله يسلمكم .. على ضمانتي جربوها ما راح تندمون بس لازم تزهبون قهوتكم قبلها ؛)

 

[ضحكة الدنيا]

تسلم ايدينج حبوبه
بجربها ان شاء الله

 

[babloo]

الله يسلمج ... وعليكم بالعافيه

 

[طال السكوت]

تسلم يدج

وياليت تصورينه .....اذا قدرتي

 

[موعوده]

يعطيج العافيه

 

[bnt q8 in usa]

انا مجربه هالطريقه بس مادري منو حاطها ولا حق منوو جربتها برمضان الي طاف وصدقتي وايد طيب هالحلووووو مشكوره علي التذكير

 

[ضحـاوي]

مشكوره

وتسلم ايدج

 

[babloo]

لله يسلمكم ... انشالله اول ما اسويه بصوره واحطه
بنت الكويت في يو اس ... عليج بالعافيه

 

[جارة القمر]

مشكوووووووووووووووووووره

 

[خواطر انسانيه]

تسلمين

 

[كويتيه مذهله 87]

تسلم ايدج
مشكوووره يقلبي

 

[الحلوه بنت الحلوه]

شكلها رووعه
بس مافهمت

9 كياس بسكوت ماري (4 حبات)
وشو اللي 9 اكياس وشو اللي 4 حبات ؟؟!!

 

[سمراء حضرموت]

مشكورة حياتي بجربها اليوم ان شاء الله

 

[مجنونة نت]

تسلم يدينك حبيبتي ما تقصرين

 

[حضن امى]

مشكووره على الطبخه الذيذه

 

[ام مشعل العتيبي]

يعطيج الف الف الف عاااااااااافيه