[7] •●كرسي الاعتراف مع العضوه المميزه ●• ~

[ماركة انثى]

رد : [7] •●كرسي الاعتراف مع العضوه المميزه ●• ~

هلا والله بفوفو
انا من متابعين ردودج ماشاللله عقلانية

اسئلتي
​

1. ليش اخترتي هالنك ​
2. شنو الحكمة الي تتقيدين فيها ​

 

[Daleela]

هلا والله

شنو تقولين حق اللي علاقتهم مو زينة مع اهل ريلهم ؟؟

وشكرا

 

[فوفو22]

رد : [7] •●كرسي الاعتراف مع العضوه المميزه ●• ~

خوش عضوه ماشاء الله عليها راقيه بردها الله يحفظها يارب

امممم سؤالي

- شلون قدرتي تنظمين وقتج بشوفتج لبناتج واعيالج من طليقج وشلون تعاملج معاهم وهل بناتج تقبلوا الوضع
- بم انج زوجه ثانيه ماتحسين بغيره من زوجته الاوليه ؟؟ سؤال ماعمرج سألتيه منو اعز انتي والا اهي بصراحه ؟

وعسى الله يوفقج يااااااارب

لما تزوجت بناتي وصغار وكانوا عندي

بس الحين اسم الله عليهم وحده كورس تخرج تدرس بالخارج

والثانية حقوق سنه ثانية .....وموضوع الغيره ملغي من حياتي ....

شايفة زوجي يعزنا احنا الثنتين لاننا امهاااات عياله وما شاف منا الا كل خير

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

يآهلآ بفوفو ..
منوره

/من خلآل تجربتين زوآج .. تؤيدين الفرص الثآنيه للمره ؟!
/من الشخص تفضفضين له بكل آريحيه ؟!

بالتأكيد على قولة اخوانا المصريين

(حد يجيلوا الدلع وما يدلعش ربنا يحاسبه):d

افضفض لمشاكل العمل لزوجي

ولمشاكل بيتي صديقاتي

ولمشاكل عيالي دكتور اخصائي

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

موضوع مميز


لاهنتي جوجو ..


فوفو22


عضوه بمنتدى كويتيات .. تحبين تتطلعين
على مواضيعها اول بأول من هي ..؟

فوفو على طبيعتها وتحب الخير للناس كلكهم

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

اول شي احبك في الله فوفو

اسألتي

1_ نصيحة زوجيه مهمه

2_ خلاصة تجبرتك الزوجيه قوليها في عبارة مع حكمة عشان نستفيد

3_ علاقتك ببناتك شلون صايره

4_ غلطة زوجية وقعتي فيها ومو حابه احد يقع فيها

5_ اذا بتزوجين ولدك وش مواصفات البنت اللي بتختارينها

<< ترى متزوجه لاتقولون تحرج على عمرها هههههه

حبتج العافية حبيبتي

1-النصيحه اللي اقدمها لمتزوجات حديثا ....خليكي غامضة عند زوجج بكل ما يتعلق باهلك

2-الفشل في الزواج مو نهاية العالم

3-بناتي هم حياتي بالتأكيد

4-غلطات مو غلطه منها الاستشارات بكل صغيره وكبيره

5-فاظفر بذات الدين تربت يداك ....طول عمري ما اشوف الجمال في البنت والولد

يهمني الدين والشخصية والعقل

فوفو

 

[ام الدرر]

رد: رد : [7] •●كرسي الاعتراف مع العضوه المميزه ●• ~

ياحياتي عمري اسم الله عليي 43 واحب التغيير بكل شي


فوفو

عاااااااااااااااااااااااا :eh_s(16):
<<<<<<<<<<<تبجي
طلعت اكبر منج​

 

[ريماس77]

رد : [7] •●كرسي الاعتراف مع العضوه المميزه ●• ~

فوفو انسانه جدا عقلانيه بردودها تبارك الرحمن :خلوقه واختيار موفق ياجوجو _______________:hjy5jewf:
سؤالي لج حبوبه : تحسين بالغيره من شريجتج لمن تشوفينها مع زوجج
وبس واخيرا

عسى الله يسعدج ودرب الخير والسعاده بويهج

تحياتي لج :ريماس 77:blueSmCLR:​

 

[العيوووووف]

رد : [7] •●كرسي الاعتراف مع العضوه المميزه ●• ~

اهلا حبيبتي فوفو اتمني لج الخير والصحه والعافيه والحياة المستقرة باذن الله تعالي


أنا ما عندي اسأله العضوات يكفي استجوابهم لج الله يعينج عليه بس ديري بالج لا تستقيلين


عندي شكر لج عرفتيني علي خوات لم تولدهم امي الله يرحمها خوات بالنصيحه والحب

والاحترام والغشمره ودخول الوناسه والفرحه لقلوب بعضنا خواتي بكل فخر الستينيات

نتمني رجعتج لنا لج كل الحب موفقه ​

 

[جـــواهر]

اسعدني مروركم وتفاعلكم

 

[شمس 20]

مااشلله عليج يا فوفو الله يحرسج من العين

 

[فوفو22]

رد : رد: [7] •●كرسي الاعتراف مع العضوه المميزه ●• ~

ما احس جاوبتي على سؤالي الثاني عدل
فبغير طريقة السؤال اذا ممكن

شنو تعريفج للغرور ؟
وشنو تعريفج لحب النفس ؟

وهل الشخص اذا حب نفسه معناته ان يتكلم عن عمره على طول ؟

واذا يضايقج السؤال عطيه طاف

*الغرور صفة اعوذ بالله منها وابعدني الله وياكم منها

*اما حب النفس هو بالنسبة لي حب تطوير الذات للافضل

*بالتأكيد لا.................... يترك افعاله تحدث عنه

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

الله يعلم اني حبيتج ومن زمان انا بالمنتدى دخلتي قلبي على طول بردودج الرائعة المقنعة

سؤالي لج : ما هو الحلم الذي لم تستطيعين تحقيقة ولن يتحقق ؟؟


<<< تصدقين توني اعرف عمرج كنت متوقعة ٢٨ على الاقل بس على العموووم العمر كله

حلمي في بناااء بيت حسب خيالي ومواصفاتي لم ولن يتحقق للاسف

تسلمين حبيبتي

فوفو

 

[امواج الكويت]

ما شاء الله عالبنات ما خلوا شي اسال عنه

يعطيج العافيه وما قصرتي واغلب ردودج استفادوا منها بنات وايد

 

[أم الغاااالية]

زوجج الاول تزوج والا علي الذكرى ؟؟؟؟والثاني من اهل


وموووووووووفقه

 

[فوفو22]

رد : رد: [7] •●كرسي الاعتراف مع العضوه المميزه ●• ~

،،،

السلآم عــليـكـم ،،

أخبــآرج إخــتــي فوفو الــصـرآحــه أحـب ثــقــتـــج بــنــفــسج وشــلــون تـــوزنـيـن الأمــور وتــحــلـيـنـهآ بــعــقـلآنـيـه ،،


أسـإلــتــي


1- جــم عــمــر أكــبر وآحد بــعــيــآلـج (( الــبــجر )) الله يحفظه

2- شــلون تــم زوآجـج ؟؟


والله يوفقج حبيبتي ..

..............................

................

.......

هلا وغلا فيج اختي

1-اكبر عيالي مواليد 88

2-زواجي تم باعجاب وخطبة وزواج

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

الله يعطيكم العافيه

سؤالين لاهنتي

1) ليش بعد كل رد منج تكتبين فوفو ؟
2) ليش نكج فوفو22 يعني الـ 22 شماله ;p
سوري ع لطواله

1-:dتصدقين حتى انا ما ادري بس اللي اعرفة كل شي اكتبه حتى بالدوام اسجل اسمي تحته

نكي الحقيقي قلبي خضر ....ولما سجلت مره ثانية كتبت فوفو لم يقبلني ....فحطيت 22 لسهوله الرقم وقبلني

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

الله فوفو وناااسه
من زمان اقرا ردودج واحسها قويه وجريئه ومافيها مجامله:rerrerek:

بسالج جم سؤال مع انه البنات شقوج شق
اول ماتقدملج ريلج شكثر وانتي تفكرين على ماردديتي عليه
ماخفتي اول ماعرفتي انج بتاخذين ريل ماراح يكون بس حقج
قريت ردج انج ماتغارين ومعروف المره بطبعها غيوره حتى زوجات الرسول(ص) كاو يغارون فشلون انتي ماتغارين
شلي خلاج توافقين تاخذين واحد متزوج ماقلتي بينج وبين نفسج نصيبي راح ييني ليش ماانطر يمكن يتقدملي واحد مو متزوج ؟؟

سوري كل اسلئلتي على حياتج الشخصيه بس تدرين غالبا لمن تلقين مره متزوجة متزوج وتقولها بكل صراحه
واذا ماتبين تردين على اي سؤال من حقج
واسفه اذا ازعجج اي سؤال من اسئلتي

j'aime mon mari >>> ياشين التقليد

بالنسبة للتفكير بالزواج الثاني اخذ مني سنه تفكير من الخطبة الى الموافقة

وعندي خبر انه متزوج ومو كل الوقت لي

قصدي بالغيره ....اني ما اغار من الاولى لاني بالاساس ما افكر فيها بالمره

شاغله وقتي بامور اكثر اهمية .........واذا قصدكم الغيرة على زوجي بالتأكيد اغار بشكل معقول

وارتبطت بمتزوج لاني بالاساس كنت مطلقة وعندي بنتين

فوفو

 

[فوفو22]

رد : رد: [7] •●كرسي الاعتراف مع العضوه المميزه ●• ~

. اختيار موفق حياتي جواهر ,
فوفو22
ماشاء الله عليج انا وايد احب ردودج وثقتج بنفسج ,
لو طلب منج انج تمسكين اشراف القسم تقبلين؟ وشنو اول شي تسوينه ؟
وشنو الشغلات الي حابه تغيرنيهاا او الافكار الي تبين تضيفينهاا :tek:

بتبوتااا << اقلدج فوفو22
.

هلا بتبوتا .....

الاشراف ارفضة لانه مسئولية ...وتقييد للراي والطرح

اقتراحاتي كثيره منها

1-يعطون صلاحية لبعض العضوات بحذف المواضيع الخارجه عن الاخلاق وخاصة اللي تظهر بالليل والفجر

2-لا يقبل نزول موضوع لاي عضو الا بعد ان تصل مشاركاته الى 50 مشاركه

فوفو

 

[فوفو22]

رد : [7] •●كرسي الاعتراف مع العضوه المميزه ●• ~

مشكوره جواهر على هالخطـوه

فوفو جد انا معجبه بشخصيتج حيل وهذا مبين من ردودج

سؤالي اللي احبه اساله للكل

لو طلبو منج الاشراف بالمنتدى .. اي قسم تختارين؟

وشنو برجج ؟

مابي اكثر عليج بالاسئله

ارفض الاشراف لاي قسم لكبر مسئوليته

وبرجي الجدي

فوفو