7 جمل لا اتقولينها أبدًا حق شريك حياتج ⬇•
1- إنت ولد أمك أو حبيب أمك أو (دياية أمك ?).
•
2-(كلمني عن علاقاتك السابقة، أو طليقتك أو..) لأن الموضوع راح يأثر على علاقتكم، وراح تبدين بالمقارنة ومن بعدها تبدي المشاكل.
•
3-(شوف هالبنت اشحلاتها "زوغه" !!)
هذي الجملة خربت وهدمت وايد بيوت، لأنج جذي اتفطنينه وتفتحين عيونه على أمور مالها داعي، وعقبها بتدخلين بدوامة الشك، وقلة الثقة بالنفس، والغيرة.
•
4-(إنت اتحب النكد والكآبة )/ ( إنت سلبي)??
إذا كنتي من النوع المرح والفكاهي، وشريكج اللي انتي اخترتيه عكسج تماما، لازم تتقبلين شخصيته وتختارين الأسلوب والعبارات المناسبة عشان اتوصلينله رايج بدون ماتجرحينه.
•
5-(أنا حلوة ؟؟!!)
إذا كان فعلا يحبك تأكدي إنه راح يقولج إنتي حلوة بدون ما تسألين، وحتى لو ماقالها هذا مايعني انه يكرهج، لكن ماله داعي اتكررينها لانه بيحط في باله انج مو واثقة من نفسج.
•
6-(إنت ماعندك ذوق في اللبس أو الموضة)
تقدرين اتغيرين من لبسه وستايله بشكل تدريجي وباستخدام أسلوب حلو، أو تتسوقين معاه.. لأن من المحتمل إذا قلتيها راح يعاندج ويستمر في اختياراته غير الموفقة.
•
7- (إنت مستحيل اتكون ناجح)
اذا طلب منج المشورة أو النصيحة، دايما اختاري الألفاظ والمفردات الإيجابية والتشجيعية خصوصا في أمور عمله.
•
